PHOWEBI 13:1 - ASII LAKDAP Bible (BSI)

¹ Israilnok raq Tatiwe man na ngarai hali tang nongto. Kriikha na apaiq raq tsangshiq ka Philistainnok jaqtakiq na wiiroqblai tiijamshato.

Hawa Naga Bible 2001

¹ Israel miqsaz rueq Yehowa muex laukshiz hulawx mvrax yaq gay yek koq tueq, vpiq rueq Philistin miqsaz muex wawc 40 tup tvguimz lawc tueq.

PHOWEBI 13:1 Referencias Cruzadas

JEREMIA 13:23

Maiq ngamnyaq phanwe raq apaiq sham ka miklai lot shea? Kiimaq chiqwaiq kaü riika akhum wa awaiq thun kra mitiimobaiq lot shea? Kra nguraü kla ngohea dea namshiq akhnok abi thaq niimin abi pinthum ngarai klo wantinok riimin, riikhaq tingting jaqsham kra misap wan han wa.

Romans 2:6

Shiikeawe raq maiq loweatek ma, maiqmii raq jamlai wa shamlam wantaq, kra phanphan jaq maq mikuq.

Hebrews 11:32

Riita, akha chong wan ruq li sha michong siq hata? Akhli chongruq chong wan hajiika, Gedion, Barak, Samson, Jeptha, Dawit, Samuel, kiimaq shammibi thun jaqsham phanchanke miitu, ngi ma akhing ka ahü, rashe tiina micha. Athum chang ri riimak.

PHOWEBI 10:6

Israilnok raq thongshi ri hali Tatiwe man na ngarai ka tangto. Tsangshiq raq Baal phra thun nai Astartes phra thun, kiimaq Siria mungti phra thun, Sidon wangti phra thun, Mob mungti phra thun, Ammon mungti phra thun, kiimaq Philistain mungti phra thun shomnoq nongto. Tsangshiq raq Tatiwe ka miimbaiqto, raüta apaiq ka shomnoq mak she riito.

PHOWEBI 10:7

Kra ningkhan Tatiwe ka Israilnok ma atsankhiq riito. Kra kha niishe tsangshiq ka Philistainnok nai Ammonnok ma tlong raüta tiitangto.

PHOWEBI 12:15

Raüta apaiq ka tsaito. Kiimaq ama ka ku akin tong long Amalakaiqnok wang na, Ephraim phan rii hiqshong Pirathon chela na lapto.

PHOWEBI 14:4

Anyungwe riika, Tatiwe raq Samson shunshea kha na kra chongtlo ngutiika sapmak shaq li riito. Jamkhano ngukla Tatiwe raq Philistainnok ka khat ma ami rittlo. Kiitinchoji Philistainnok raq Israilnok mung ka langtlo.

PHOWEBI 15:11

Kriikha na Juda mungti maiq hingtsam ka Etam longraq longsha kiijaq wato. Raüta tsangshiq raq Samson ma akha nguto, “Ümniiraq Philistainnok ka naishiq pengti ngo ka sap maü shea? Ümniiraq naishiq ka jamkha tiija wa dantlaü?” Apaiq raq treto, “Tsangshiq raq ngi haihiitaq, kra khana tsangshiq haihii kang.”

PHOWEBI 15:20

Philistainnok wokhong na sitlaq pat na, Samson raq Israil mung ka wiiroqnai pengto.

PHOWEBI 2:11

Kiitiikaq Israilnok raq Tatiwe man na ngarai tangto. Kiimaq tsangshiq raq Baal phra thun kriishe shomnoq hoto.

PHOWEBI 3:7

Israilnok raq tsangshiq Tatiwe tsangshiq Shiikeawe ka laqbaiqto. Tsangshiq raq apaiq man na ngarai tangto. Raüta Baal sumla thun nai Ashera sumla thun ka shomnoqto.

PHOWEBI 4:1

Ehud tsaikai jai maq Israilnok raq Tatiwe man na ngarai hali tang nongto.

PHOWEBI 6:1

Jangshi ri hali Israilnok raq Tatiwe man na ngarai tangto. Kriikha niishe Tatiwe raq Israilnok ka Midiannok jaqkhon mong na wiimiishi thübaiqto.

1 SAMUEL 12:9

Shatmaq Israilnok raq Tatiwe tsangshiq Shiikeawe ka alaq riibaiqto. Kriikha niishe apaiq raq tsangshiq ka Philistainnok nai Mob mung hokhamwe kiimaq Sisera Hajor chela na siti phentuwe ma namtitiim ka tiikhatto raüta re ma tiitangto.

1 SAMUEL 4:9

Philistainnok lei, nola ma jarong laq! Maiqwe ikha khat rong laq. Riimak la, tsangshiq ka nashiq di ma jawataq ikha nashiq ka Hibrunok dikong ma ja chang she miraq. Kra ningkhan maiqwe ma jalanta khat rong laq!”

1 SAMUEL 7:13

Krai mren, Philistainnok ka tangto. Kiimaq Tatiwe raq tsangshiq ka Samuel atra siruq wiiwii, Israil mung ka tiikhat wamak she shangbaiqto.