Philippians 4:1 - ASII LAKDAP Bible (BSI)

¹ Ara chong tiikang arai mren, lungwii phunainotiim lei, namshiq ka ngi ma lakshiitum alak ha ikha sitlan! Ngi ka namshiq sham chhiro raq ahaü sitiikang! Namshiq raq ngi ka kai tiichochi tlan. Krai mren, ngi ka namshiq miitu, ra na dü ma phipii tiisomrasiq tiikang. Ija, akha riimak i jiita. Ümchaü sanha namshiq raq, Tatiwe ma pharang rang maq kam tlan kata. Akha kamwan ruq maq sirong laq.

Hawa Naga Bible 2001

¹ Kvkhoc rvtueq, phunox bix lex, nuimshiq kuex ngaz rueq pinhtumc lungwawx vtueq pinhtumc rvwvl vphaungx! Nuimshiq kuex ngvy kokez kvsomc parc juing muex yaungx tuit! Lungwawc phunox bix lex, Taungjix nuex vshiz dvyx yaungx vtueq rullungx tvraungx lvmx nuex phaungx duingduing jvp wuez kuinz.

Muklom

¹ Eshirangma ino miqnu nia miqwa tang, nga nim ma rapney nuk phang, etho usiin eq ma nuk ang. Nim aa ngama sungrang nia tharangka ma kot phin. I noknu nia nokwa tang, Teyhungwa o nim arong eq lang inn.

Philippians 4:1 Referencias Cruzadas

YOBA 31:36

ngi raq kriithun ka shiikongkhiq maq iphaq lam misamha wa kiimaq kriithun ka ikhupo na khali khuphok ikha miphokha wa.

Tvtsvmc 125:1

Tatiwe ma kamtibi ka Jajon pum ikha, kriika ümtiikiimin bai lotmak, ümtiikiimin tiijin baiqlot mak.

Tvtsvmc 27:14

Tatiwe miili kamlaq. Kamtsantsiili thülaq, tsaiji naq trankiq. Tatiwe miili kamlaq!

Matthew 10:22

Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.

John 8:31

Kiijiishe, Jesuq raq apaiq ma kamti Jehudinok ma akha chongkuqto, “Namshiq raq i bomtsi ara namtsan mong na shaq lanta, lang han jiila, namshiq ka awongsii i jaqshisetiim ma mija han.

Acts 11:23

Barnabas ka Antiok na saüto. Kiimaq Shiikeawe raq tsangshiq ma pinthum achu shiiman kuq tlaq kra chhito. Kra chhi raüta, apaiq ka kai khoqriiqto. Kiimaq apaiq raq tsangshiq ma tsan nai tsii wiita kiinong kuq lanta tsapsaü kapse maq, Tatiwe ma kamwan ruq maq shongnga ronglaq nguta tsaido jido bomtsi chongkuqto.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 2:42

Kiimaq, tsangshiq ka kiimwebi wokhong na siraüta, kiimwebi raq Shiikeawe bomtsi shrinkuq tlaq kra, tsan tiitsi raüta tlang wanto. Kiimaq, tsangshiq ka Phungtu rintii ashi maq siwan damto. Kiimaq takshi pinshi maq, phaqsiq raüta sito. Kiimaq, tiima tsantsii ashi maq achu jaü raüta sito.

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

1 Corinthians 15:58

Riita ara chongtiikai arai mren, lungwii phunainotiim lei, kamasham na pharangrang kiimaq phataqtaq si rong laq. Tatiwe jaqsham na tsan tiitsi lanta, wranaiqshe shiikut chaq wan ruq si rong laq. Namshiq raq asap han, Tatiwe miitu jaqsham tlan kriika atu na moki mak phan. Kriikha maq, apaiq miitu jaqsham ka shiichaq wan ruq shiichaq ronglaq.

1 Corinthians 16:13

Tsii lam shatmaq si rong laq. Kamasham na pharangrang maq si ronglaq. Kamasham srea ma jaronglaq. Nola ma jaronglaq.

Galatians 5:1

Nashiq ka wasetiim she nguta sitiikai. Khristo raq nashiq ka, kharü mong wa adaa wan kun she! Riita, krai mren, ümchaü sanha, namshiq ka wasetiim nguta, mongngam maq, tok ka ra na doshat miishe si rong laq. Namshiq ka thongshi ri hali, maiqdi kong ma, naqja kinong rongkiq she.

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Philippians 1:8

Shiikeawe ka i hakhi. Ngi raq chongtiikang arka tengteng. Ngi raq namshiq miitu, i tsan mong na tsaühea maq, riiwea wan tiikang arka, Khristo Jesuq apaiq tsan mong wa, adong lungwiitsii walü kra nyai tlo.

Philippians 2:16

Namshiq raq tsangshiq ma, rilung tsitsü bomtsi kra chongke wan lam maq, akha achhai anyii lam maq, si ronglaq. Namshiq raq akha minshiiq wan han jiika, Khristo Saükai Ranaiq na, Shiikeawe man na, ngi ka namshiq miitu, kai tiishomra lata, michochi ha. Kriika ngi raq namshiq ma Shiikeawe jaqsham kuq kang kra, atu na wiiki mak dea, atsi pahea tsi wanto nguta hakhi miraq.

Philippians 2:26

Apaiq ka ümchaü, namshiq tarü rai sham riichhitlo hajaq, nguta atsan tsihea maq sitlo. Kiimaq, namshiq raq, apaiq ka atsi nguta tsütsa tai lanta, namshiq chaparai holan sham, nguta atsan tiichhii raüta, namshiq phana saü wan tlo hajaq, nguta kai chapa tlo.

Colossians 4:12

Kiimahali, namshiq kongti we Epaphratas, Jesuq Khristo jaqshise raq namshiq ma salam tiitai tlo. Apaiq raq namshiq miitu, ranaiq- tek achu jaü shiikut kuq tlo. Apaiq achu jaü na, Shiikeawe raq namshiq ka kamasham na pharangrang maq, maiqla ma mitiija laq nguta achu jaü kuq tlo. Raüta, namshiq raq Shiikeawe aming ka kiqshi min tlea man maq, lang lanta mijong wanlaq nguta achu jaü kuq tlo.

1 Thessalonians 3:13

Ara chongtiikai akha, apaiq raq namshiq kamasham rilung ka mitiijong kuq laq, kiimaq namshiq ka wenyi na arang apha maq mitiicham laq. Krai mren, namshiq ka nashiq Shiikeawe, nashiq ma Awejong Shiikeawe man na chap tiikai akhing na, asii ngamrea ikha, kiimaq asii kechu maiqsetiim nguta, Tati Jesuq raq apaiq ma kamwanti maiqsetiim thun rai, apaiq saüho tlaq ranaiq na mitiichap wan.

2 Thessalonians 2:15

Riita, ara chongtiikai arai mren, phunainotiim lei, naishiq raq namshiq ma trahoke lam maq nai naishiq lak na waiq kai, tengtlaq bomtsi tri raü thun kriijaq, namshiq ka jaqkhon tiipha tiipha maq, riiwiiq lanta si ronglaq nguta, tsii chongkuq tiikai ara, tsan na samhea tiitsang shat si rong laq.

2 Timothy 2:1

Riita i se lei, Shiikeawe raq nashiq ma Khristo Jesuq pum lümaq kaphap mangchan jonghea kuqtaq kra wokhong maq, ümniika sreawe ashi ikha silaq.

Hebrews 10:23

Nashiq ka, jamlai mo ran tiikai arka poimak phan, milap rong i dongdii nguta tsankhun, mongngam maq si rong i. Ara jamkhano ngutiikai ngukla, Shiikeawe raq nashiq ma jamlai wa mikuq ha nguta kiqkham kuqtaq kriika tengteng.

Hebrews 3:14

Ara chongtiikai akha, Shiikeawe ma apha na jamkho kamwan kai, kra tiimeshi mai phan maq atiisup na saüli kam hai jiila, nashiq armin Jesuq rai reraüshi maq, Shiikeawe jaqshamtibi ma mija rong i.

Hebrews 4:14

Ikhiijiika, nashiq raq jamlai mo kamwankai kra, kamtsantsii raü kha kriika, phataq khonshat maq si rong i. Ramwe Ajong Pinthum we, Shiikeawe Se, Jesuq ka nashiq miitu Shiikeawe ngachang tiinap niishe nga wato.

2 Peter 3:17

Shatmaq, kongtitiim lei, namshiq raq arka asap han she. Kiimaq namshiq ka namshiq kamasham rangchong phataqtaq maq sitlan kiiwa, ara ahea abi sapmak tri jinti kong raq ajiq lam phantlaq kiina namshiq kiimin dea wan man chang miitu honkamshat maq sironglaq.