Philippians 3:8 - ASII LAKDAP Bible (BSI)

⁸ Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

Hawa Naga Bible 2001

⁸ Kvruex dvyx muinz rvmuq, ngvy Taungjix Christu Yesu tuiuz wvnc tharc kuex, phvnx ruip saz htauk nuex muinz pinhtumc tsanc hvlc vlap ningkhvnc nuex, kvruex lvp wvnc tvkoc phvnx ruip saz kuex tvsawc ric vsumx nuex dvyx ngaz rueq hangc taq vshaungx. Ngaz rueq vpiq tvkoc nuex phvnx ruip saz kuex tuip gay shec tauk; Christu ngoz yaq vlap kuex lvp wvnc tvkoc nuiyc vpiq rulc vshiz dvyx yaungc wvnc tvkoc lotlaz kuex suingkez namx yauk ikhoc dvyx ngoz tueq tvmaung vshaungx.

Muklom

⁸ Iri tang raa chen ang moq, jakho chamlang somti eshi tang sha chamtho qhak moq etho Jesu Khristo sha i Teyhungwa ta sam ang jo hun thaji wang aqhal etho rapney thangchan. Piq rangma nga iri tang thaji raa shingchak táng etho eshi tang sha chamtho qhak moq ta nga tathin ang, irimal ang eq nga Khristo sha kap náng,

Philippians 3:8 Referencias Cruzadas

1 HOKHVMX 14:10

Riita arthun ngarai klo laü arkhan na, Ngi raq ümwe raü takhan jamkun na chamchao walü she michaq kuq wanha. Lata ümsaü ümsetiim thun maiqwere thun ka nosere kong kiimaq nyungwere kong thun ka wiita adam na mijiip baiq wanha. Lata Ngi raq ümta ümwii ka tiisiirai mijiip baiqha. Tsangshiq ka chongthum ma mitiijaha. Minsaü daiq phong tsuqbaiq tlaq ikha mitsuq baiqha.

2 HOKHVMX 9:37

Kiimaq angam angiq pun thun ka kiijaq minsaü daiq phong ikha wantha wanthi li miwan baiq. Krai mren, jurmin kra thun ka tiitsang lot mak she miraq,’” nguta tiithai thüto.

YOBA 20:7

rahai raq apaiq ka botkhulai pan wan tlaq ikhli mipan wan. Apaiq ma mangsaptibi raq, apaiq ka ümbano mokita nguta miwang.

Tvtsvmc 126:6

Jurwa tsamlai hoho lam maq ahohgugu riitaq kriiti thun ka chojong chise ashi ange tsamjut raüta tsam ma horaqraq misaü wan.

Tvtsvmc 73:25

Riita ngi ma ramungtan niika juwa, ümpha na siwali she kata? Riita ümniiri ngi rai asi, ngi ma mangjong hiq maq laihin jamlai she wa ratla?

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

MALAKI 2:3

Liirong laq. Ngi raq namsetiim ka mitsat wanha. Kiimaq namtheaphi ka, nyamse honglu atakuq han daiq maq mimoq wan pha. Kiimaq namshiq ka nyamse daiq raübaiq kai chang hiq ba kiijaq mihit thüki ha.

WEAWEA 14:30

Ngi raq namshiq ka kra mung na tiishong nga wan miitu kiq kham kuqkang. Shatmsq Kaleb nai Joshua kra tlea raüta, namshiq phong wa maiq ahinti ka jumin kiina shong wan lu man mirhan.

Luke 1:43

I Tatiwe ma anyung raq ngi akhnok jehin nore maiqse rai riihumkai kilaü arka, ngi ma kiim jonghea pinthum!

Luke 11:20

Riimak! Tha kong ka ngi raq Shiikeawe ningkun maq jobaiq tiikang. Kiimaq ara tha jobaiq tiikang jaqsham arka, Shiikeawe Mungtan ka namshiq tho niishe saükito nguta namshiq ma tiichhi kuqtlo.

John 14:20

Kra ngi dong wan ranaiq akhing she saü wa raütiq, namshiq raq ngi arka i We rai pumshi hanshi dea sitiikang, kiimaq ngi ka namshiq rai jamkho pumshi hanshi maq sitiikang, kiikhiisii hali namshiq min, ngi rai pumshi hanshi miidea sitlan ngutiishe misap han.”

John 14:7

Kiimaq, apaiq raq tsangshiq ma chongkuqto, “Riita ümchaü sanha, namshiq raq ngi ri asap han she. Krai mren, namshiq raq i We kiimin misap wan han. Kiimaq, ümchaü ara miiphat she, namshiq raq apaiq ka asap han she. Kiimaq apaiq sham min chhi lan she.”

John 16:3

Tsangshiq raq, Awe nai ngi ka juwa kra sap mak kha maq, namshiq ma ara chong tiikang chamchao thun ara mitiisaü wan.

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

John 17:8

Ümniiraq ngi ma ümbomtsi ka tsangshiq ma chongkuq laq nguta, thaü laü irka, ngi raq tsangshiq ma, chongkuq kang she. Kiimaq tsangshiq raq, ümbomtsi ka tao wanto she. Tsangshiq raq ngi ka ümpha wiidea akiha ngutiimin sap wanto she. Kiimaq, tsangshiq raq ngi ka ümniiraq atiikihaü dea nguta kamtlo.

John 20:13

“Maiqnyung loi, ümniika jam nguto shiri rai tlaü?” nguta rasenai raq apaiq ma waito. Kiijiishe, “Tsangshiq raq i Tatiwe maa ka ahin niishe tiijin hoto. Tsangshiq raq apaiq maa ka ümbaniiwa saiqsam hotaq kra ngi raq sapmang!” nguta apaiq raq tsangnai bom ka treto.

John 20:28

Kiijiishe, Thomas raq Jesuq bom ka treto, “Ümniidea i Tatiwe kiimaq i Shiikeawe.”

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Romans 8:18

Ngi raq chechiip wan lata sap wan tiikang, ara ümchaü pat na nashiq chamchao litkot wan tiikai arka, Shiikeawe raq rawiichii ji na, nashiq ma achhai anyii khushü ajong, tiichhi kuq wan tlaq, kiimaq nashiq ma kra kuq wan tlaq, kra rai saq thapthi wan chang ka riimak.

Romans 8:39

Kiimaq, nashiq khu thaq na, rawang win mong na ümchuwa mung sitlaq kra riimin, kiimaq nashiq takiq na, mung ümchuwa sitlaq kra riimin, Shiikeawe raq phanrap phanrii ümtinkhan wa phansang wantaq thun kriijaq siti ningkun thun raq, nashiq arka, nashiq Tati Khristo Jesuq lümaq Shiikeawe raq mangchan tlaq ara wokhong mong wiika, triiphea lot mak she.

1 Corinthians 2:2

Ara jamkhano chongtiikang ngukla, ngi ka namshiq rai adam siwan kang liipan bala na, phanrap wiita no na thübaiq kang. Lata, Jesuq Khristo tsütsa kra lamlam li tsan na, atsi maq tiima lata, kiimaq akhek ka apaiq pumsongkham na tsaitaq kra, i tsan mong na laihea howan shatmaq sikang.

1 Corinthians 9:10

Shiikeawe raq ara chongkuqtaq arka naishiq kiimwebi ma jawanti ara nangnga ngutlo. Jurwa ni thu tlaq kiimaq jurwa tsamjut tlaq, kra maiqmiimii rii tsam riipheasea ma nguta tiina minshiiq tlaq.

2 Corinthians 4:4

Tsangshiq raq Tsütsa Ahea ma kam mak riitlaq kriika, Thawe raq tsangshiq wenyi makpo kra pangho kha maq chhi mak sitlo. Ara mangjong hiq rümti thawe abi raq, tsangshiq wenyi mak ka apang riibaiqto. Tsangshiq khuthaq na rawüli liliim wan tlaq kriika, tsangshiq raq chhi mak sitlo. Ara chong tiikai rawüli litlaq ngutiikai arka Tsütsa Ahea Khristo khushü jonglu liliim chhainyii rawüli kra nangnga chong tiikai. Khristo ka Shiikeawe rai shamshi ngamshi sitlaq kra tiichhikuq tlo.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

Galatians 1:16

Ase ka juwa, kra ngi ma tiichhikuq wantaq, raüta ngi ma, Jesuq Khristo Tsütsa Ahea kra, Pongnok phan maiqse ma chongke wan miitu aming kuq wantaq, kra akhing ranaiq na, ngi raq i jaq sham phaho ma, sungkhu tsiilam riiwaiso kai nguta, maiq ahinti jurai min riiwaisoki mang dea.

Ephesians 4:13

Riita, ara chong tiikai krai mren, nashiq wiitarü ka adam na, nashiq kamtsantsii ashi maq, Shiikeawe Se mangchan tsaü kra mikhon rong i. Laita, nashiq ka wenyi na maiqla she mija rong i. Laita, Khristo jamkho sitlaq, kiikha misi rong i.

Philippians 1:1

Ngi, Paul kiimaq Timothi rai, Khristo Jesuq jaqshi senai raq-- Shiikeawe sengi Philipia na siti tlotli ma, Khristo Jesuq rai pumshi hanshi maq siwanti ma, phungtu shrabi nai akhrumtibi rai tlop saq maq:

Philippians 3:10

Ümchaü sanha, ngi raq Khristo ka atsaü maq sap wan rotiikang kriili she. Kiimaq, apaiq ka amaa wa tiidong wantaq ningkun raq, i khum na jaqsham tlaq kra, sap wan rotiikang kli she. Lata, apaiq chamchao wantaq homa kriimin riisha howan dam lata, apaiq tsaitaq kiikha, atsai chamchao kra, i khum na sap wan rotiikang.

Philippians 3:12

Ngi raq, arthun chongtiikang arka, ümchaü sanha, ong kang she ngutiika ngu mang. Lo, ngi ka Shiikeawe man na, minhap she jawan kang nguta ka ngu mang. Shatmaq, Khristo raq ngi arka, apaiq rii li she nguta tsea wanto. Kra liichum ka ngi raq, i rilung na sap wantlo hajiilei nguta kai shiikutchaq wan tiikang.

Philippians 3:7

Ngi raq arthun arka aliip jonghea asi nguta tiima lata siwan kang wa. Shatmaq, ümchaü sanha, Khristo mang na, ara chongtiikang thun arka, ngi ma jamlai liip dong chang min ahü she. Arthun arka hiqtili miili she jakito.

2 Timothy 4:6

Riita, ümchaü ka, i rilung ara ramram chang chekok ikha, honglu na raüke wan miitu akhing ka saü wato she. Ara mangjong hiq ara baiqthü miitu, ngi ningthoi ranaiq ka saü wato she.

Hebrews 3:14

Ara chongtiikai akha, Shiikeawe ma apha na jamkho kamwan kai, kra tiimeshi mai phan maq atiisup na saüli kam hai jiila, nashiq armin Jesuq rai reraüshi maq, Shiikeawe jaqshamtibi ma mija rong i.

1 Peter 2:7

Ara chongtiikai longkaü arka, namshiq ümchuro apaiq ma kamwan lan, kriiti miika pinthum amiinu tsinhea. Shatmaq, ümriiti riiwa apaiq ma kam mak, kriiti miika: “Kra longkaü jamhaiti raq jam min taimak nguta tiithu baiqtaq; kra kaü riiwe ka khoti, wiitarü thaq na araa pinthum longkaü ma jakito,” nguta Asii bomtsi na chongtlo.

2 Peter 1:2

Kaphap kiimaq hansang ka namshiq ma namshiq raq Shiikeawe kiimaq Jesuq, nashiq TATIWE saptlan kra lümaq namshiq ma asho awo misilaq.

2 Peter 1:3

Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

2 Peter 1:8

Arthun angu tu ara namshiq rilung na asi riichang. Arthun ara namkhum na asho awo maq siraüla, namshiq ka wenyi rilung na, howe minwe siisaq mija han. Namshiq raq Jesuq mangchan ka atsaü maq khon tlan kra wiishe namshiq khum na atsi ango kra dong man wan tlo.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.

1 John 1:3

Naishiq raq jamlai wa chhi kai kiimaq jamlai wa tai kai kra hali namshiq ma tiitai chong kuq nong tiikai. Riita ara phanchan kuq tiikai arka, namshiq riimin naishiq rai adam na Awe nai Ase Jesuq Khristo rai kongshi kiimshi maq singa tiikai kiijaq mipong dam laq nguta chongkuq tiikai.

1 John 2:19

Riita ara chongtiikai Khristo ma wesang raliibi thun arka, apha miiphü nashiq rai tushi niika sidam mak dongdii. Kriikha maq, tsangshiq ka na tu mong wa pong na tiichiiq raüta pong lamphan na kihoto. Tsangshiq ka nashiq ngam napti dongdii ngu raü ka, nashiq rai adam na riitushat maq misi dam wa. Nashiq tushi wa tsangshiq ka pong na tiichiiq raüta kihotaq kra, tsangshiq ka nashiq rai tushi na sidamti ka riimak dea nguta tiisap shat mirlaq nguta ngo maq pong na khüphiiq niishe tiichiiq raüta kihoto.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.