Philippians 3:16 - ASII LAKDAP Bible (BSI)

¹⁶ Ümkhiimiiwa, kiikha tiima wanti li siraü jiimin, nashiq tarü raq, ümchaü ranaiq na saüli jamkho siwan kai, kra tri raü ka sham laita, sinkhu na wawan ruq wawan rong i.

Hawa Naga Bible 2001

¹⁶ Yvmx dvyx rueruez naungshiq rueq majuiuc raungnuiyq nuex httuiuc laz phvnx vshix rulc rv-ngvlc max kox nuex tvnvp vtueq phvnx wuez ix.

Muklom

¹⁶ Eshirangma hiqtang bari náng thuti, eshimal hun qhing ching.

Philippians 3:16 Referencias Cruzadas

Romans 12:16

Wiitarü ka maklii ashi miili lii ronglaq. Ashkong ka naq shiikong rongkiq. Aranse ma ja lanta, kongti ka khrumkuq ronglaq. Namshiq ka nanok thaq na tsüwe tsitwe sitiikai nguta naq tiima rongkiq.

Romans 15:5

Riita, ija, ara chong tiikang arai mren, anin wan ningkun kewanti nai tsaido jido kewanti Shiikeawe raq, Jesuq jamkho siwantaq kiikha, apaiq jaiphan phan, namshiq liipan niimin, kiqshi tsiimshi maq siwan miitu ningkun mikuq laq, nguta achuli jaü tiikang.

Galatians 5:7

Namshiq ka aheawiq maq, ajong alu wan miiqshmiiq she riilan ihata! Riita ümchaü ka, namshiq ma juro, tengtlaq bomtsi ka naq lang rongkiq nguta, tiishonbiiho? Apaiq raq namshiq ka jamkho tiishonbiiho ta?

Galatians 6:16

Riita, ija, ümchaü min, juwa ara chong tiikai rilung anye ara lap wan raütiishe sitlaq, kriiti ma, Shiikeawe raq khusang rakhang rilung, kiimaq atiihang wan mangchan kli she, asho awo maq mishman kuq laq. Tsangshiq miimin kiimaq, Shiikeawe sengi maiqse tarü ma, mishman kuq laq!

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Philippians 2:2

Krai mren, ija, ümchaü sanha, namshiq ka tiima tsantsii ashi, lungwii tsantsii ashi, kiimaq tsaiji ashi, wenyi na ashi si lanta, ngi arshe tiichochi kuq rong liina.

Philippians 4:2

I nyino nyungnai, Eudia nai Sintiki lei. Ngi raq namnai ma tiipaiqnea tiikang ara tai ronglaq. Tatiwe wokhong na, sinyino nguta, kaütak rishi miidea singa wan han jaq ahea miraq.

Colossians 2:6

Namshiq raq Khristo Jesuq ka namshiq Tatiwe dea ngutiishe apaiq puk na nyap wan lan kata. Krai mren, apaiq rai tiipum lanta sirong laq.

Colossians 4:2

Achu jaü ka teptep maq jaü ronglaq. Jamlai wa jaü tlan, kra tsan na tiitsang shat maq jaü ronglaq. Kiimaq Shiikeawe ma kechutum shat maq si ronglaq.

Revelation 3:3

Arningkhan, man na namshiq Phung na shang wan pha ji na achongkuq, tengteng bomtsi raü kra, tsan na samhea tiitsang shat thü rong laq. Lanta, lang wan ruq maq sirong laq. Lang tlan krai mren, ngarai ka baiq rong liishe. Namshiq ka akon wa sam wan man li sihan jiila, ngi ka ahuk saüki tlaq ikha, namshiq phana tiihanghiiq miili misaükiha. Namshiq riika ngi saükai akhing min sap man mirhan.