Philippians 2:16 - ASII LAKDAP Bible (BSI)

¹⁶ Namshiq raq tsangshiq ma, rilung tsitsü bomtsi kra chongke wan lam maq, akha achhai anyii lam maq, si ronglaq. Namshiq raq akha minshiiq wan han jiika, Khristo Saükai Ranaiq na, Shiikeawe man na, ngi ka namshiq miitu, kai tiishomra lata, michochi ha. Kriika ngi raq namshiq ma Shiikeawe jaqsham kuq kang kra, atu na wiiki mak dea, atsi pahea tsi wanto nguta hakhi miraq.

Hawa Naga Bible 2001

¹⁶ nuimshiq rueq kvkhoc shuimx lvmz ruiux yuq, ngaz rueq hungc vlaungc maq shuimx kaz vshaungx kuex khuec guez yaungx muq ningkhvnc Christu httuiuc kaz tuex Raungnuiyq ngaz nuex kvsomc parc juing yaungx tuex.

Muklom

¹⁶ Etho nim aa rollung raaq somlo inn. Irimal ang eq Khristo saal o iri raaq rima nga tharangka ang náng, i tatut jol nia jaksom tang sha thanghung na ang moq angta.

Philippians 2:16 Referencias Cruzadas

Tvtsvmc 40:9

Ümsenginok kunli thungtlaq kiijaq, Tatiwe lei, ümniiraq naishiq chhiiwan laü tsütsa ahea kra chongkang. Ümniiraq asap haü ngi raq kra tsütsa chongke ka tsaqmang phan.

Tvtsvmc 71:17

Ngi noseji niiphü ümniiraq ngi ma shrinkuq laü, krai mren ngi raq ümchaü niitaq ümniiraq amao chang jaqsham tlaü thun kra chongtiikang,

ISAIA 49:4

Ngi raq ngukang, “Ngi raq jaqsham shiichaq wan kang, shatmaq khanhü niili hunnii wan kang! Ngi raq iningkun thumli niiko wan kang, shatmaq jamlai amet min ahü riito.” Li jiimin, ngi raq Tatiwe ma ikhum tiichhii wan miitu kamtiikang; apaiq raq ngi ma poksi mikuq ngi raq jaqsham tiikang kra miitu.

Matthew 10:27

Ngi raq ümchaü namshiq ma jamlai bom wa kaiq shakshak maq chongkuq tiikang, arka namshiq raq ranaiq shethungpii na chap lanta, maiqse ma chongkuq ronglaq. Ngi raq ümchaü namshiq ma jamlai bom wa, tapmong nyang maq chongkuq tiikang arka, namshiq raq rinkinku maq chap lantiishe chiiriim lanta chongke chang miraq.

Luke 12:8

“Ngi raq chongtiikang arka tengteng. Jurwa nokwe man na, apaiq ka i sengi nguta tantan maq sitlaq, kriiti miika Maiq Se riimin, rasetiim man na apaiq ka i sengi nguta hakhi mikuq wan.

John 6:63

Tsitsü keti ka Shiikeawe Wenyi kli. Maiqse han-ngam ningkun miika, maiqse ma tsitsü raü triiche kuqlot mak. Ngi raq namshiq ma chongkuq tiikang i bomtsi ahata, namshiq ma tsitsü keti Shiikeawe Wenyi raüchong.

John 6:68

Kiijiishe, Simon Petar raq Jesuq bom ka treto, “Tatiwe! ümniika miimbaiq thü laita, naishiq ka jujai she wa miphan hai? Ümniili pattup pat-sa rilung tsitsü raü shamti we.

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

1 Corinthians 1:8

Apaiq raq namshiq ka atiithum ranaiq na saüli, kamasham na pharangrang maq mithü. Krai mren, Tati Jesuq Khristo saükai akhing Ranaiq na, Shiikeawe raq namshiq ka kechu maiqse nguta mipho kuq wan.

1 Corinthians 9:26

Arkha maq, ngi ara hiq rai chang railo chan tlaq kiijaq tiitsang liishat maq juwan tiikang. Ara ningkhan tiina, ngi ka jaqtham maq riithongti ikha jaqmiiq ka atu na tiiwii mak maq, thong tlaq ikha thong tiikang.

Galatians 2:2

Kra lak na, ngi Jerusalem na kikang kriika, Shiikeawe raq ngi ma kiina kai chang nguta tiichhike kha maq kikang. Lata ngi raq, Shiikeawe jaqshamti phungtu sheati maiqlare lamlam raili ngalata, ngi raq Tsütsa Ahea Pongnok phan maiqse ma chongkuq kang kra, tsangshiq ma tiitho tiipha tiitai, phanchan kuq kang. Kriika tsangshiq raq, ngi ma atru chongke chang asi raüla, mitru chong kuq laq ngo maq tiitai kang. Ara jamkhano chongtiikang ngukla, ngi raq kongkhu na jaqsham wan kang thun nai ümchaü sham tiikang thun kriika, atu na tiimo baiq ka romang.

Galatians 4:11

Ngi ka ümchaü sanha, namshiq ka tiima lalata, kai chapa tiikang! Riita, ngi raq namshiq miitu, ümtinkhan wa, Shiikeawe bomtsi chongke hunnii wan kang thun irka, atu niili she dea sha moki tiita?

Philippians 1:10

Kiikha sihan jiila, namshiq ma jamlai wa ahea pinthum, kra tsea wan lanta milang han. Kra riihan jiitiq, Khristo Ranaiq na, namshiq khum na ashe ashi jam min ahü miraq. Namdü na jamlai shutphit min ahü, siirairai hea miraq.

Philippians 1:6

Krai mren, Shiikeawe raq namshiq rilung na, ara jaqsham ahea shampha wantaq arka, Khristo Jesuq saükai Ranaiq na saüli, apaiq jaq thiq kra kunli mitiinyi wan dongdii nguta, tsankhun maq sitiikang.

1 Thessalonians 2:19

Jamkhano ngukla, namshiq kata, naishiq tsantsii ran chang. Namshiq kata naishiq chochi chang. Kiimaq Tati Jesuq man na, jaqsham rekhat ka tang kai she dea nguta, khushü dong chang tiishom raa wan ka, namshiq sitlan kra kata. Namshiq ka nanok ahinti thaq na nungpaq man.

1 Thessalonians 3:5

Arningkhan tiina, ngi raq Timothi ka namshiq liiwa, tiiwa kang. Ngi raq namshiq miitu chapa tsi ka ninlot mang she riilata, apaiq ka namshiq kamasham ka jamkhiiwa kra, tho tlap wa nguta, tiiwa kang. Ngohea shaqshaq dea, namshiq ka thawe maitai na dea man sha, kiimaq naishiq raq ümtinkhan wa jaqsham wankai ka, atu niika moki mak ahiq na, nguta tlii wa tiiwa kang!

Hebrews 4:12

Shiikeawe bomtsi ka atra. Kiimaq jamlai phan na seng raütiiwa bomtaq, kra sham wan ruq phan. Aniq min sihea, khubinlo panthit. Bomtsi raq maiqse tsaiji kiimaq wenyi wiita riip wan tlo. Kiimaq maiqse khum na arok ariitsai sitlaq thun kra wiita kunli han wan tlo. Kiimaq maiqse tsan mong na, tiima tsantsii jamlai wa rüm tlaq kra thun wiita, kunli chechiiptlo.

1 Peter 1:23

Namshiq ma Awe ka Shiikeawe. Apaiq raq namshiq ma rilung anye she kuqto. Apaiq ka atsaiti riimak, shatmaq tsai mak phan. Kiimaq apaiq raq namshiq ma, apaiq bomtsi Tsütsa Ahea lümaq namshiq rilung anye kuqto. Asii bomtsi ka pattup atra siruq phan. Arka thenki mak phan.

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!