Philemon 1:9 - ASII LAKDAP Bible (BSI)

⁹ Li jiimin la, ngi raq ümnaq lungwii tiikang kha maq, ümniima amingke la na, atiipaiqnea lam miili she bom tiikang. Ngi ka Khristo Jesuq kiimwe. Kiimaq ümchaü min la, ngi ka Khristo apaiq mang na, phaqtek mong na sitiikang.

Hawa Naga Bible 2001

⁹ Yuq muinz Christu Yesu kamx waz, likawx waz ngaz Polu rvtauk nuiyc majuiuc Christu rawc nuex khoktep nuex shuiuz rvhumc vtaungx ningkhvnc nuex, lungwawx vtueq mnoz muex kvmenc jenc thoz muex ngaz rueq pinhtumc roc vshaungx.

Muklom

⁹ Etha otho thanga Khristo Jesu rangma chuk o tongtey, nga teykang Paul ma tinmat eq tinthanin eq batphang.

Philemon 1:9 Referencias Cruzadas

Tvtsvmc 71:18

Riita ümchaü ngi ka tikiishe ikhu ikha min apü kaiwishe, ngi ka naq tiishaübaiqkiq, O Shiikeawe lei! Ümniika ngi rai lomshat riilaq, ngi raq üm ningkun nai üm hongla kra maiq pat ümchuwa saü wan tlaq tlotli ma chiiriim lata chongtiikang na.

Tvtsvmc 71:9

Ngi tikiija na naq tiishaübaiqkiq; ümchaü ngi ka kaüja kiijashe ningkun ahü; ngi ka no na naqtsuq baiqkiq.

TAKSU LAK 16:31

Kechu maiqse poksi ka, rilung luhea; khupü butjaja ka achhai anyii khuphok.

ISAIA 46:4

Ngi ka üm Shiikeawe kiimaq Ngi raq ümniika mishkumpan kang, ümniika nyungwe tiijali kiimaq ümkhu tiipüli miliikang. Ngi raq ümnaq phansang kang; Ngi raq ümnaq mikhrumkang kiimaq mitiichhiikang.

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

2 Corinthians 5:20

Riita ija, ümchaü sanha naishiq arka Khristo kiimwebi ngo kha maq namshiq tarü kra Khristo mang na, phaqthak nithak maq tsii chongkuq tiikai. Shiikeawe raq namshiq tarü ka apaiq ma wesang wa akhi aluwetiim miishe mitiija wan laq!

2 Corinthians 6:1

Naishiq ka Shiikeawe rai adam maq apaiq jaqsham tiikai krai mren, naishiq raq namshiq ka noho ikha trantsii wan tiikai. Namshiq raq Shiikeawe kaphap mangchan lap wan lan kra, atu na naq tiiwiihii rongkiq.

Galatians 3:26

Riita, ümchaü sanha, namshiq tarü ka Shiikeawe setiim siisaq she jawan lan. Arka, Jesuq Khristo ma kamtsantsii thü tlan kra lümaq tiija wanto.

Ephesians 3:1

Riita, ija, ara chong tiikai namshiq noknai ri ka wehea miishe tiijato. Kriika ngi Paul raq, namshiq Pongnok phan maiqse miitu, Jesuq Khristo jaqsham kuq tiikang arkha na, ngi ka phaqtek mong na shaqto. Li jiimin, ngi raq namshiq miitu, Shiikeawe jaq wa achuli jaükuq tiikang.

Ephesians 4:1

Riita, ümchaü ngi phaqtek mong na sitiikang arka, ngi raq Tatiwe jaqsham tiikang kriikha na shaqtlo. Ümchaü ngi raq namshiq ma, tsii chongkuq tiipha ara, tsan na samhea tiitsang shaq rong laq. Ümchaü sanha, namshiq ka, Shiikeawe raq asengi ma tiija miitu hea wantaq akhing na, namshiq ka ümtinkhan thuktsom maq siwan chang ngutiiwa thapthi wantaq, kra thap jangkii kra, tiimali lantiishe si rong laq.

Ephesians 6:20

Ngi ka ara Tsütsa Ahea ara chongketi kiimwe. Ümchaü phaqtek mong na sitiikang armin, Tsütsa Ahea chongke kha na sitiikang. Ngi raq Tsütsa Ahea kra haisong mang maq, achaq awaq maq chongke miitu, ngi ma achuli jaükuq rong laq.

1 Timothy 1:12

Ngi raq nashiq Tatiwe Khristo Jesuq ma pinthum kechu tum tiikang. Apaiq raq ngi ka apaiq kiimwe ma shongto. Raüta ngi ma kiimwe jaqsham Tsütsa Ahea chongke wan jaqsham ka ngut wan miitu, wenyi ningkun kuq wan ruq maq khrum kuq tlo.

Titus 2:2

Maiqlare ma tsii chongkuq ruq riilaq, tsangshiq ka maiqla nguta kamto maq misi laq. Tsangshiq ka phanrap na taksu maq sichang, kiimaq phanrap ka anin raüta sichang. Tsangshiq kamtsantsii ka awongsii mirüm laq. Kiimaq nanok ma lungwiitsii rüm tlaq kriika, khangriri hea maq mirüm laq. Kiimaq phanrap na, nin wan ruq maq misi laq.

Hebrews 13:19

Kiimaq, Shiikeawe raq ngi ka namshiq phana hali, jaqlo miili mitiijang shea wan nonglaq nguta akhek, tsan tiitsi lanta achü jaü ronglaq. Ara ngi raq, namshiq ma akhek bomtsi tiitai wan tiikang.

1 Peter 2:11

Phunainotiim lei, ngi raq namshiq ma tiipaiq tiinea lata chongkuq tiikang ara tairong laq. Nashiq ka ara mangjong hiq na wansha we kiimaq wanwe ikhli sitiikai. Namkhum na ngarai han-ngam sükha tsi, namshiq tsaiji rai wranaiqshe riilong liiq rai tlaq kiima, namtsantsii ka naq tiitang rongkiq.

PHOWEBI 21:22

Kiimaq tsangshiq ma awetiim riimakla aphu anotiim ka namshiq phana kiraüta longliiqho raüla, namshiq raq akha ngurong laq, “Namshiq man na tiipaiqnea laita bomtiikai, tsangshiq ka naishiq miituli thüphai, jamningkhanno ngukla, namshiq rai reriikhat laita, naishiq raq naichaktiim ma nguta ashea hohai ri riimak. Kiimaq tsangshiq ka namshiq raq naishiq ma akuq han ri riimak, kra ningkhan namshiq raq sinkham tri ka jin mangdea, namshiq ka sepii.’”