Philemon 1:20 - ASII LAKDAP Bible (BSI)

²⁰ Riita, phuno we lei! Ngi raq ngohea shaqshaq chongtiikang, ümjaq wa ngi raq, Tati mang na phanshi ra aliip jaü rotiikang. Khristo mang na, phuno we lei, i tsaiji ara tiijongkuq wan phiina. Kiimaq ngi ara tiichochi wan phiina!

Hawa Naga Bible 2001

²⁰ Kvkhoc rvtueq ngvy phunox waz lex, Taungjix htvlx phawc kuex lawc vtueq kejux maq ngaz rueq kvpiq nvyx jungx vphaungx kuex tay kuq koq; Christu nuex phunox vdvmz ikhoc ngvy thuinz vmungx kuex tvhvlc kuq koq.

Muklom

²⁰ I no, Teyhungwa o nga nong phu. Khristo rangma i tin tasungrang u.

Philemon 1:20 Referencias Cruzadas

1 Corinthians 16:18

Kiimaq tsangshiq saükitaq kra ningkhan, namshiq jamkho chochi lan, kiikha ngi min kai chochi kang. Riita tsangshiq akha phukhu welabi ka pinthum shreng wan chang.

2 Corinthians 2:2

Ara jamkhano chongtiikang ngukla, ngi riishe namshiq tsan tiibiha jiika, ngi tiichochiti ka jushe wa miraq? Namshiq riili dongdii ngi ka tiichochi chang.

2 Corinthians 7:13

Arkha maq tiina naishiq tsaiji jong taq. Naishiq ma tsaiji jong wan lamlamli ka riimak. Namshiq tarü raq, Titas ka jamkho shiikum pan lan, kra tai laita, naishiq ka pinthum chochi kai!

Philippians 1:8

Shiikeawe ka i hakhi. Ngi raq chongtiikang arka tengteng. Ngi raq namshiq miitu, i tsan mong na tsaühea maq, riiwea wan tiikang arka, Khristo Jesuq apaiq tsan mong wa, adong lungwiitsii walü kra nyai tlo.

Philippians 4:1

Ara chong tiikang arai mren, lungwii phunainotiim lei, namshiq ka ngi ma lakshiitum alak ha ikha sitlan! Ngi ka namshiq sham chhiro raq ahaü sitiikang! Namshiq raq ngi ka kai tiichochi tlan. Krai mren, ngi ka namshiq miitu, ra na dü ma phipii tiisomrasiq tiikang. Ija, akha riimak i jiita. Ümchaü sanha namshiq raq, Tatiwe ma pharang rang maq kam tlan kata. Akha kamwan ruq maq sirong laq.

Philemon 1:12

Riita, ija ümchaü min la, ngi raq apaiq ka ümpha niishe tiijang wan tiikang. Apaiq tiiwa tiikang arka, ngi raq ümniima, i tsan i mongpo panke khan tai tlo.

Philemon 1:7

Lungwii phuno we lei, ümniiraq phunaino phungmaiqsetiim lungwii tlaü kra chhi lalata, ngi ka kai khoqriiq tiikang! Kiimaq ara chhi lalata, i tsaiji ka kongtam puqshi she jong wan tlo. Ümjaq sham ahea kra chhi raüta, Shiikeawe sengi tarü chochi tlo.

Hebrews 13:17

Kiimahali, namshiq ma lamsheatibi wokhong na, si lanta tsangshiq bomchong ka phaqchii nichii maq tai ronglaq. Tsangshiq raq namshiq ka, Wenyi rilung na tiichhan chhi wan miitu, naiqhü wasü hun nü wan tlo. Tsangshiq raq, Wenyi noboq jaqsham tlaq kra miitu, Shiikeawe ma heshap kewan chang asi. Namshiq ka tsangshiq wokhong na, phaqchii nichii maq tsangshiq bom tai lanta sihan jiila, tsangshiq raq shra jaqsham tlaq kra, chochikhiq maq misham. Namshiq raq tsangshiq bomchong tlea han jiila, tsangshiq ka tsan tiibishat lam miili, shra jaqsham ka misham. Kra raüka, namshiq ma jamlai achü shiiman lap chang ahü.

1 John 3:17

Riita chiithe maiqse weshi raq, aphu ano ka acham achao rai michhi. Shatmaq mangchan mak, achhi ikha chhi mak ikhli liiraü jiika, apaiq raq Shiikeawe lungwii tlo nguta ngo chang ka asi sha?

3 John 1:4

I setiim raq Tsütsa Ahea kra jaqkhon tiipha tiipha raüta lang tlo nguta tai lalata dea, ngi ara ümtinkhan wa achong lot mang khoqriiq tiikang. Ngi ma arthaq na chochi chang ahin ka ahü she.