Obadia 1:3 - ASII LAKDAP Bible (BSI)

³ Ümshiikong tsii raq ümnaq laobaiqto. Üm chela nyungchong ka raqkhakhu na atei. Ümjam ka kinkhu thaq na tei laü. Kra ningkhan ümnaq tiingo tlaü, ‘Ngi ka juwero mitiideabaiq lot?’

Hawa Naga Bible 2001

³ Mnoz kvsomc parc vtuiux kvraq mnoz laulawc gay kv-phux. M-ghaq ghaqnyuiuz jungx kuex lung nuex vtec nolaungx ghaqshungc rvtueq; m-yuimx kuex kanx vjoz htauk nuex, kvkhoc rvtueq mnoz kuex mthuinz mungx maq, ‘Uraq lac ngaz kuex tvrul gay lot phvnx?’ ngoz tueq ngoz vshuiux.

Obadia 1:3 Referencias Cruzadas

RAPHA HIQWA LAK 36:8

Kra ningkhan Esau ka ku-akin tong long Edom mung niishe shonghoto.

2 HOKHVMX 14:7

Amajia raq Edom mungti phenlabi Shum Tan Thung maq hingroqshi tsatbaiqto. Apaiq raq khat raüta Sela chela ka jiito. Raüta kra chela ka Joktheel ngutiishe mangto. Krai mren ümchaü min kriili ngutlo.

2 KAÜWA WERAÜ 25:11

Amajia raq atsaiji tiijong raüta asengi phenlabi ka sheaho raüta Shum Tan Thung na kito. Kiijaq tsangshiq ka rerai riikhatto. Raüta Edom mungti rewe phenlabi hingroqshi jiipbaiqto.

2 KAÜWA WERAÜ 25:12

Kiimaq atra shumwikong ka hingroqshi hali lapto. Raüta tsangshiq raq kriikong ka Sela chela na long raq kam khu thaq na hit wanto. Raüta tsangshiq ka longraq khu maq tiidea baiqto. Krai mren tsangshiq ka longraq ji na longrong na tsatbaiqto.

YOBA 20:6

Apaiq ka ra tsan ramong nyang na saüli jonglu rai raü min, akhupo maq ra na phumda kra thinli jong raü min,

TAKSU LAK 16:18

Shiikong tsantsii ka atsai lam sheati, khünga maklii ka adea wa chang thiikho theti.

TAKSU LAK 18:12

Kumrongheati tsailam na sup; sobsob bombomti, khali khuphop maq hup.

TAKSU LAK 29:23

Maiqse shiikong raq, apaiq ma jea mitiingaü. Shatmaq sobsob bom bomti miika, shreng manto asi miraq.

ISAIA 16:6

Juda mungti raq akha ngutlo, “Naishiq raq Mob mungti ka kai kumrong kumraq hea nguta tsütsa taiwan kai. Naishiq raq asaphai tsangshiq ka shiikonghea pinthum. Kiimaq khünganok. Shatmaq tsangshiqnok tiitsakirai tlaq kriika shaqmii, banbok miili.”

JEREMIA 21:13

Jerusalem lei, ümniika hiq thung tan na longkaü jonghea adii min luhea kaü ra na düwantlaq ikha ngatlaü. Shatmaq Ngi raq ümniika mikhat-ha. Ümniika lachong dokdok, ümnaq khatti maiq ka jumin ahü nguta tsütsit tlaü. Kiimaq ümperuk mong niika rewe nyapwalot mak nguta tsütsit tlaü.

JEREMIA 37:9

Ngi, Tatiwe raq ümniima honlam tsii chongkuq tiikang. Namshiq ka Bebilon mungti phenlabi ka jangki nong mak she miraq nguta tiima lanta, maiqmii nai maiqmii ka naq tlao phaq rongkiq. Jamkhano ngukla, tsangshiq ka ajang mirki nong.

JEREMIA 48:28

“Mob mung na siti mungmaiqse kong lei, namshiq chela thun kra baiqthü ronglaq! Longraq khu thun kiina walanta siwa rongkiq! Haütaü kaü raq achü ka jüwiibok tho na haitlaq ikha sirong laq.

JEREMIA 49:16

Üm shiikong tsii raq ümniika lao baiqto. Ümniima nanok ka haitlo nguta tiimarai tlaü kriika riimak. Nanok ka ümniima haimak she. Ümniika pum na longraq khu na sitlaü. Diiluhea pum thun thaq na sitlaü. Ümniika liihawe sitlaq ikha pum chohea thaq na sihaü min, Tatiwe raq ümniika hiq na mitiideabaiq. Arka, Tatiwe raq toqtantlo.”

JEREMIA 49:4

Namshiq ka jok saü liiqse nok. Jam nguto shiikong tlan? Namshiq ningkun ka jom wanto she. Namshiq ka maiqmii ningkun jonglu kiima jam nguto kamsiq tlan. Lanta namshiq ka re raq khat walot mak phan nguta shiikong tlan?

EJEKIEL 28:16

Ümniika piikii jaqsham ari athii nai asha ata mintsa na mochiilaü. Ara jaqsham raq ümniika jasam piqsii miishe tiijabaiqto kiimaq ngarai she tang wan laü. Kriikha niishe Ngi raq ümniika Ngi sichang asii pum wa ningkun maq tiidong baiqkang. Kiimaq ümnaq kheti kintsongti rase raq ümniika achhai anyii longseng phong mong wa jobaiqto.

MALAKI 1:4

Kiimaq Esau saüsetiim, Edom mungti raq, “Naishiq hiqshong chela thun wiita shiithen baiq wanto. Shatmaq naishiq raq atiihea mirnong hai,” nguta tsangshiq raq mingu. Kiijiishe, Tatiwe raq hali mitre nong, “Tsangshiq raq bamtiihea laq. Ngi raq tsangshiq chela thun ka thongshi ri hali mirun baiq nongha. Kra chhi raüta nanok ahinti raq, ‘Armungti ka abi. Tsangshiq rai ka Tatiwe tsankhiq ka pattup siruq li miraq,’ nguta mirchong.”