Obadia 1:10 - ASII LAKDAP Bible (BSI)

¹⁰ “Jamkhano ngukla ümniiraq, Jakob saüse thun ka khat laüta, jiipbaiq laü. Ümniika mitiijiipbaiq, raüta pattup miitu jea mingaü haü.

Hawa Naga Bible 2001

¹⁰ “Mphuz mnox hez rvtueq Yaku suiuz vsaz phvnx htenc kuex mnoz rueq yauk laungc yalawx ruez vtueq thvt gay toq ningkhvnc nuex, mnoz kuex tvbac gay rvhumc ruiux pattup muingc bac rvhumc tuiux.

Obadia 1:10 Referencias Cruzadas

RAPHA HIQWA LAK 27:11

Shatmaq Jakob raq anyung ma akha nguto, “Inyung ümniiraq asap haü, iphu Esau ka wiibin wrowe. Shatmaq ihan ka nyeajok jok abin ahü.

RAPHA HIQWA LAK 27:41

Esau raq Jakob ka ngengto. Jamkhano ngukla awe raq Jakob ma achu shiiman kuqto. Apaiq raq akha tiimato, “Iwe maajo miitu akhing ka ajeli she saü wantlo; kiitiikiitiq ngi raq Jakob ka mitsat baiqha.”

Tvtsvmc 109:29

Ijaqtibi ka shummii thoda horaüta misilaq; tsangjeasitam ka tsang dü na samtongjong kaü ikha misamlaq!

Tvtsvmc 132:18

Ngi raq ajaqtibi ma jea mitiingaüha, shatmaq apaiq mungtan ka jong wan ruqli mijong wan.”

Tvtsvmc 137:7

Tsan na tiitsanglaq, Tatiwe lei, Edom mung raq Jerusalem ka re raq jiiwantaq ranaiq jamlaiwa riita. Tsan na tiitsanglaq akha slaito. “Runbaiq ronglaq hiqrai shotbaiqtlii!”

Tvtsvmc 69:7

Ngi raq maiq thoda bu wan kang kriika ümmang na howan tiikang krai mren ngi ka jeasi thoda holata sitiikang.

Tvtsvmc 89:45

Ümniiraq apaiq ka arawii misaü shaq na tikii tiijabaiqlaü kiimaq apaiq ma jeasi khatamshi tiihokuqlaü.

TAKSU LAK 10:6

Kechu maiqse riika achu shiiman milap; Shatmaq maiqjiqwe riika, tatso niq chang bomli bomtlo.

TAKSU LAK 17:5

Ümniiraq miitsan maiqse naikü haüla, tsangshiq phansangti Shiikeawe shummiitlaü. Nanok chamchao chhi laüta chochi haüla, ümniiraq mo mihohaü.

JEREMIA 12:14

Tatiwe raq ngutlo, “Ngi raq Israilnok ma siqke binre mungti thun ma, ngi raq Israilnok ma akuqha mung tiithenbaiqtinok ma bom chongke chang asi. Ngi raq kra mung thun wa abi maiqse thun ka, pechong arangchong maq babaiqtlaq ikha mibabaiqha. Lata Ngi raq, Juda mung ka tsangshiq jaqkhon mong wa midokda wanha.

JEREMIA 3:25

Nashiq ka hiq na bum laita jeasitsi ma, na jea ngaü tiikai homa kriimaq tiipang laitli she sichang. Nashiq pat wa nai natitiim pat wa maiq thun raq nashiq Tatiwe, nashiq Shiikeawe man na rilung wiilü ngarai tangphaq laitli siwankai. Nashiq raq apaiq aming thun ka lang wan maidea riikai.”

JEREMIA 49:13

Ngi raq atiitum lata atoqtan wankun she. Bojra chela ka maklii jai na tiijangphat tiithen baiq raa dongdii. Kumtsaiphii miishe mitiijabaiqha. Maiqse raq kra chela ka thophi riiqphi lishe mislai. Kiimaq kra hiq mang ka chong raüta maiqse liipan na manson bomtsi ma mitiija. Kra tro binjü na maiqhiq shong thun ka pattup pat-sa miitu mithenki. Arka Ngi, Tatiwe raq toqtan tiikang.”

JEREMIA 51:51

Namshiq nga, ‘Nashiq khushü ka tiijamto. Kiimaq jea tiingaüto. Nashiq ka ümkoq ümphaq lishe sitiikai. Jammin chhechha lot mai. Pong mungti raq Shomjam mong wa asii khok thun ka wiita jii wanto.’

AJONJÜ 4:21

Edom mungti lei, kiimaq Uj mungti lei, namshiq ka naisiq rong laq, Chochisiq ronglaq tangtlan khan khan. Namshiq chamchao rahiq akhing minla, misaü wan she. Namshiq minla cheropwe ikha, naiqhü maq maiqthoda holanta michamchao han.

AJONJÜ 4:22

Jajon chela raq apaiq ngarai tham ka, athii tsinhea maq dokda wanto, Tatiwe raq nashiq ka pongmung na, shumwi ma rahiq luhea tiisimak she. Shatmaq Edom mungti lei, Tatiwe raq namshiq ka mitiichamchao. Apaiq raq ümngarai bu ka, wiita mitiichhikuq wan. Raüta mitiichamchao wan.

EJEKIEL 35:9

Ngi raq ümniika pattup pat-sa hiqmiq changkhü ma mitiija baiqha. Kiimaq ümchela thun na maiq ka jumin siki nong mak she miraq. Kiijiishetiq ümniiraq, Ngi ardea Tatiwe nguta misap haü.

EJEKIEL 7:18

Tsangshiq ka thoila khea wunthaü riinaü sam raüta atiikhai rok rok miraq. Tsangshiq khupo thun ka sibaiqje miraq. Tsangshiq tarü ka munjuk mijuk miraq. Jeasi raq atsai miraq.

Yoel 3:19

“Kra akhing na Ejip mung ka athenshe mirki. Raüta kumtsaiphii miishe mijaki. Kiimaq Edom mung ka wiita athen mirki. Raüta hiqmiq changkhü miishe mijaki. Jamkhano ngukla tsangshiq raq, Shiikeawe sengi Juda mungti khatto. Raüta tsangshiq maiqsang mungmaiqse, pahea jiipbaiqto.

AMO LUIK DVP (AMOS) 1:11

Tatiwe raq ngutlo, Edom mungti raq atang wan ngarai ma, hiq ma ra ma she tangwanto. Arningkhan ngi raq tsangshiq tiijoq mang. Jamkhano ngukla tsangshiq raq, tsangphuno Israilnok tiikot mrot joraüta, wiita tsat wanto. Tsangshiq tsankhiq wa maq, chaq wan ruq chaq wanto.

Mikha 7:10

Kra akhing na najaqtinok, nashiq nangnga, “Nam Tati Shiikeawe ka, ümbano?” nguta slaiti raq, nashiq tiichhii wan ka michhi. Raüta tsangshiq jea mingaü. Nashiq raq tsangshiq ka, re raq atang wan wishe, lam na boq jimaq nibaiq tlaq ikha michhi rong i.

TRI CHONGKE 23:7

“Edomnok ka naq saisikiq. Tsangshiq ka ümniima tanyang seno. Kiimaq Ejip mungti kiimin naq saisikiq. Man na ümniika tsang mung na shong wan laü.

TRI CHONGKE 23:8

Tsangshiqnok wiika maiq pat pat tsam sijai maq Tatiwe sengi phungtu na tlom wan dam mimai.