NEHEMIA 7:70 - ASII LAKDAP Bible (BSI)

^70-72 Kiimaq mungmaiqse pahea raq, Jerusalem Shomjam kra tiihea hai miitu chiirit chiikha ümchuwa raa tlaq, kra thun ka khumkhum khrum kuq damto. Kra khrum kuqtaq ka arthun ara riito: Wanghupti raq chaq tok 8 asii winpinthun 50 ramwebi miirii 530 Aweraü welabi raq chaq tok 168 kampho 1, 250 Mungmaiqse raq chaq tok 168 kampho tok 140 ramwebi miirii 67

Hawa Naga Bible 2001

^70-72 Shomc Yuimx tvhvlc nuex shuimc lvmc tvkoc romc kuy jix hez kuex: Mungx walaungx 8 kuimshawx kilogram 50 Moalx nuex shuimc juing pantuimz 530 Shomc waz bix tvkoc hungluz khvy Vtaungx walaungx 168 kuimshawx kilogram 1,250 Kuimphox sawx kilogram Kvjungx yaq mungx miqsaz 168 kuimshawx kilogram 140 Kuimphox kilogram 67 Shomc waz bix tvkoc hungluz khvy

NEHEMIA 7:70 Referencias Cruzadas

1 KAÜWA WERAÜ 28:17

Kiimaq apaiq raq chaq ka shuk lakkong thun, sorija pin thun, tsabum thun tiiq ma chiisan chaq ka ümchu thiichang wa miraq, kiimaq winpin thun tiiq ma chaq nai kampho ka ümchu thüchang wa miraq kra chongkuqto

2 KAÜWA WERAÜ 4:11

Kiimaq Huram riika takkapo setiim, atsoq baiq chang belcha thun, kiimaq sorija pin thun min loto. Apaiq raq Hokhamwe Solomon ma Shomjam na lang chang hup asam thun miklo kuqha nguta kiqkham kuqtaq thun kriika kunli thum thum klo kuqto. Kriika arthun ara: Toqpum kham anai Toqpum kham khupo wiinai na nüchhong winpin ikha khuphok anai Toqpum kham khupo wiinai na miiki ngam maq alo sairaü setiim riiwat riiwat raüta tiimiikhiiq loto. Miiki ngam maq alo pomegrenet petsi shiblai ka kra toqpum kham khupo wiinai na len nai na riithong riithong lo raüta tiimiikhiiqto, leng setiim roqshi besin winpin roqshi khamtum kaü kra khamtum kaü tiingachang minsaü pongwetiim roqshi ri anai kra takka posetiim, belcha thun, kiimaq lakkong shuk thun kra kloto. Phanrap sham akai na taksma pinthumwe Huram raq arthun hup asam ara awongsii miiki ngam maq Hokhamwe Solomon raq Tatiwe Shomjam na lang ma klolaq nguta apaiq ma jamkho aming kuqtaq kra phan phan kloto.

NEHEMIA 10:1

Riita ara tongshong tri lakjaq na apha shaqshaq mangkhat wanti ka Hakalia se Nehemia wanghuptiwe raq suhito. Kiimaq apaiq jai niika, Jedekia raq suhito. Tsangnai jai niishetiq mung rüm damti welabi ariiraq suhi wanto. Tsangshiq mang thun ka ara:

NEHEMIA 7:65

Riita Jehudinok phan wanghuptiwe raq tsangshiq ma ramwe weshi raq Shiikeawe tiima tsantsii sap wan chang Urim nai Thummin (Piq maq) maq langlii hümiika, tsangshiq raq Shiikeawe ma honglu na akuq asii thaq niimin asii tü-adung ka phaqsea wan dam maimak nguta aming kuqto.

NEHEMIA 8:9

Riita, mungmaiqse raq Thungtri na maiqse raq kamasham lamphan ka jamkhii shiiting rai raüta lang chang wa, kra bomtsi ka tai raüta, tsangshiq tsan nai mongjii ka tiininta she riito. Krai mren, tsangshiq ka aho anyi walishe riito. Kra ningkhan, wanghuptiwe Nehemia, Ramwe, kiimaq Thungtri raü rümtiwe Ejra, kiimaq Thungtri chongketi Lewinok raq, “Ümchaü ranaiq ka namshiq Tatiwe, Shiikeawe ma asii ranaiq. Kra ningkhan, namshiq ka naq shiri rongkiq. Kiimaq naqhoq rongkiq,” nguta nokwe ma nguto.

DUNGWVNC 12:22

Lanta hissop pekü nyamtu lam lanta nüchhong winpin na ngam tiijai kiijaq tsam ronglaq. Lantiishe kra ngam tiijai maq namjam kilamchong siimko nai ri pumpat kiijaq nai kilamchong pumpat ra nüti kiijaq nei ronglaq. Namshiq jamti maiq jumin ranap ra miwü shaq wiiwii kinphai na dongkai maimak.

DUNGWVNC 24:6

Kiimaq Mosheq raq nyamse ataakuq ngam tiijai thun ka man nai wa manshi lamto. Raüta nüchhong winpin thun na thiito. Kiimaq ngam tiijai khoko kriika berong-wacha kiijaq raüto.

JEREMIA 52:19

Tsangshiq raq chaq maq nai kampho maq alo hupsam thun ka wiita howanto: aransetiim pincho thun, wachan wiiwatam maq chaq chang winpin setiim, honglu ataakuq ngam tiijai satlaq kra chung chang pincho kaütiim, honglu wabun thüchang hupsam thun, lemtochang thun, homseng chaq chang pinchosetiim thun, spiqtai honglu kechang pincho thun kra wiita howanto.