NEHEMIA 6:9 - ASII LAKDAP Bible (BSI)

⁹ Tsangshiq raq arthun joja rat tlaq arka, naishiq ka tiihai chhai raüta, jaqsham kra tiithaq baiq haijaq nguta tan khanto. Kra ningkhan ngi raq akhli achu jaü kang, “Shatmaq, Shiikeawe lei, ümchaü ngi ma ningkunli shoqkuq laq!”

Hawa Naga Bible 2001

⁹ Ngvy yauk shuimc kuex tvhttvrc gay tvkoc tsuingshiq rueq ngaz tvhiz sungx wuez yaq. “Yuq muinz majuiuc, Tishox lex, ngaz muex hungc vlaungc tvyungc kuq koq!” ngoz tueq vjux thoz tauk.

NEHEMIA 6:9 Referencias Cruzadas

2 KAÜWA WERAÜ 15:7

Shatmaq namshiq ka ningkun shoq wiishoq maq shiikut ratlo. Tsaiji naq tran rongkiq. Namshiq raq jamlai jaq wa shamtlan kra miitu namshiq ma poksi mikuq.”

2 KAÜWA WERAÜ 32:18

Kra pongmungti ajong alabi kong raq ara bomtsi arka Hibrunok bom maq gisiqto. Kriika Jerusalemti ruk kii tiinap na siti thun kra tiikiinyii sea ma, raüta tsaiji tiijom raüta chela ka jeriiq riiqli khat raüta jiiwan kham ma nguta hongla siqto.

EJRA 1:6

Tsangshiq jam thoti tarü raq, ara ariq chaq kampho maq atiiq hupsam thun tak apin thun, ta awii hupsam, nyamse thun, kiimaq athii atsin phan kongphiq thun, maq khrum kuqto. Arthun arka tsangshiq tsan tsii maq honglu kuq taq kriithaq niishe kuqto.

NEHEMIA 6:14

Kiijiishe, ngi raq akha achu jaükang, “Shiikeawe lei, Tobia nai Sanballat raq jamlai wa abi kiimung tlaq, kra ümtsan na tiitsang laq. Laüta, tsangshiq ka tiichamchao laq. Shammi nyung Nodia nai shammibi ahinti raq, ngi tiihai chhai wantaq thun ka ümtsan na tiitsang laq.”

Tvtsvmc 138:3

Ngi raq achu jaükang akhing na ümniiraq trelaü; ümningkun maq ümniiraq ngi ma ningkun shoqkuqlaü.

Tvtsvmc 56:3

Ngi ma haisihea akhing na, O Tati Ajong Pinthumwe lei, ikamtsantsii ka ümniima thütiikang.

Tvtsvmc 68:35

Shiikeawe ngao ka phiiptsi rakrak; apaiq asii silaitap maq donghotlaq na— Israilnok Shiikeawe ka! Apaiq raq asenginok ma ahong ala kiimaq ningkun shoqkuqtlo. Shiikeawe tiitsam ronglaq!

Tvtsvmc 71:1

Tatiwe lei, ngi ka ümnaq phana tiiwongkuqlaq nguta wakang; ngi ka re ma ümtiikii jiimin naq tiitangkiq!

ISAIA 40:29

Apaiq raq ningkun ajomti nai ahun aniiti ma ningkun shoqkuqtlo.

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

JEREMIA 38:4

Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

EJEKIEL 30:24

Kra latiishe Ngi raq Bebilon hokhamwe jaq phum ka ahong ala miishe mitiijaha. Lata inepja ka apaiq jaq niishe mitiishamha. Shatmaq Ngi raq Ejip mung hokhamwe jaq phum ka mitiingoq bukbaiqha. Kiimaq apaiq ka amitsi ma angam angu she miraq. Raüta ajaqtinok makki na mitsai.

JEKERIA 10:12

Ngi raq isenginok ka, ajong alanok miishe mitiija wan ha. Tsangshiq raq ngi mishomnoq wan. Raüta tsangshiq raq ngi aming lang raütiishe mishong nga wan.” Arka Tatiwe raq toqtantlo.

2 Corinthians 12:9

Shatmaq, apaiq raq akha ngutli treto, “Ngi raq ümnaq kaphap tiikang kriili ümniima mihong rai. Ara jamkhano chongtiikang ngukla, ümtiikiiwa ümniika ningkun ajom sitlaü, kiitiikaq ümkhum na i ningkun ka ajong riiwan tlo.” Krai mren, ngi ka i ningkun ajom maq siwan riiwe ka, tiishomra tiikang. Jesuq Khristo ningkun maq, ngi ara tiikhup wongke kra sap wanro tiikang.

Ephesians 3:16

Apaiq khushü jonglu ngao, atum atum maq toraüta thü tlaq kiiwa, namshiq ka wenyi rilung na ningkun ajong maq siwan miitu, Asii Wenyi lümaq, namshiq tsan nai mongjii na, ningkun mikuq laq nguta, ngi raq Shiikeawe jaq wa achuli jaü kuq tiikan.

Ephesians 6:10

Riita ümchaü sanha, bomshat wan na namshiq ma ara tsiichong kuq tiipha ara tai rong laq. Namshiq ka Tatiwe rai pumshi hanshi she tiipum tlan krai mren, apaiq ningkun kra lap lanta srea nolabi ma ja lanta sirong laq.

Philippians 4:13

Khristo raq ngi ma ningkun kuq tlaq kriimaq, ngi raq phanrap akhing saü wan tlaq kra nin lot tiikang.

Hebrews 12:12

Lo ta, namjaq namji ka naq tiibakbat rongkiq she. Atiihong rii lanta si rong laq. Nam lakü ninrai tlaq kriika, atiihong she rii chang! Nam lakü ka naq tiidandok rongkiq she. Ningkun ka shoqwiishoq lanta, shiichaq rong laq.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

1 SAMUEL 30:6

Dawit miika pinthum chamchao chapa jonghea akhing ashi riito. Jamkhano ngukla asengibi thun ka tsangchak tsangsetiim re raq tsuq wan kiita, tsangshiq tsankhiq bisi tsi miishe, Dawit apaiq kriimin long maq tiiq raüta tseabaiq wan ngutiishe tankhanto. Shatmaq Dawit Tatiwe, apaiq Shiikeawe raq, Dawit ma ningkun shoqkuqto.