NEHEMIA 11:16 - ASII LAKDAP Bible (BSI)

¹⁶ Kiimaq Lewi weraü thaq na maiqla ashun shea wanti ka Shabbethai nai Jojabad riito. Tsangnai ka Shomjam rinkea na Lewinok raq jaqsham tlaq kra liiwanti riito.

Hawa Naga Bible 2001

¹⁶ Shomc Yuimx yuz phic kox yauk shuimc lawc jix Lewi miqsaz vyungx vlaungx wanueyc kuex Shabbethai nuiyc Jozabad.

NEHEMIA 11:16 Referencias Cruzadas

1 KAÜWA WERAÜ 26:20

Kiimaq tsangshiq kongti Lewi phan maiq ahinti thun ka Shomjam kamphokhok kheti kiimaq Shiikeawe ma kongphiq akuq wan hupsam thüchang khok thun kra kheti riito.

1 KAÜWA WERAÜ 26:29

Ijhar saüsetiim phong wa Chenania nai asetiim miika mungpeng wan jaqsham kuqto: raüpot waiq thü wan nai Israilnok liipan na riikhiilea raüjaq kra trong rike wan jaqsham pheakuqto.

EJRA 10:15

Ara tri raü shatthü wantaq arka, maiq ahinti ju riimin khiiwan mak riito. Shatmaq Asahel se Jonathan nai Tikwa se Jahjeia riili akhii riito. Tsangnai rai pongdamti ka Meshullam nai Shabbethai li riito. Shabbethai ka Lewi phan wa.

EJRA 8:33

Kra ranaiqtsam hailai tiishe, rablai ngo ranaiq niishe, naishiq ka Jerusalem Shomjam na wakai. Laita kampho, chaq kiimaq tak apin thun kra ahea wiq ma ashin riinong kai. Laita kiijaq siti Uria se ramwe Meremoth jaq niishe kiinong kuq kai. Kiitiikaq apaiq rai ka Phinehas se Eleajar, kiimaq Lewinok wa wenai Jeshua se Jojabad, kiimaq Binnui se Noadia min asi riito.

NEHEMIA 11:15

Lewinok wa Jerusalem na siwanti mang ka arthun ara: Shemaia ka Hasshub se; Hasshub ka Ajrikam se; Ajrikam ka Hashabiah se; Hashabiah ka Bunni se.

NEHEMIA 11:17

Kiimaq Mattania ka Mika se; Mika ka Jabdi se; Jabdi ka Asaph se riito. Apaiq ka Shomjam na Shiikeawe shomnoq wan achu jaü nai kechutum shishun tlaq kra shea wanti riito. Bakbukia ka Mattania jaq thü wanti. Kiimaq Abda ka Shammua se; Shammua ka Galal se; Galal ka Jeduthun se riito.

NEHEMIA 8:7

Raütiishe, tsangshiq ka chaprang riito. Raüta maiqmii ba na chapki rang riito. Kiimaq Lewinok wa arwetiim raq, mungmaiqse ma Thungtri bomtsi aheawiq maq chongkuqto: Jeshua, Bani, Sherebia, Jamin, Akkub, Shabbethai, Hodia, Maaseia, Kelita, Ajaria, Jojabad, Hanan, kiimaq Pelaia riito.