NAHUM 3:5 - ASII LAKDAP Bible (BSI)

⁵ Tati Ningkun Ajong Pinthumwe raq ngutlo, “Ninewi lei ngi raq ümniika, atiichamchao she mirha! Ngi raq ümnaiq kiimin achhut she mirbaiq ha! Lata maiqmung wiita man na, jea tiingaü mitiichap pha;

Hawa Naga Bible 2001

⁵ Tvphaungc Tvsuip Yehowa rueq, “Ninewe lex, ngaz rueq mnoz muex murx tvgurc phaungx! khoguez khvyguez tvyaungc vtueq miqphvnx ruip rawx muex tvlawc phaungx, mnoz yvlc svy rvhumc tuiux kuex mungx ruip rueq khiz wuez shuex.

NAHUM 3:5 Referencias Cruzadas

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 13:26

Tatiwe apaiq jaq maq ümkhum wa khu akhea ka michhut baiq. Raüta ümniika naiqhü maq jea mitiingaü.

JEREMIA 50:31

“Bebilon lei, ümniika ashkong tamli. Arningkhan, Ngi, Rakaü Hiqwe Tatiwe Ningkun Ajongwe ka ümniima wesang! Ngi raq ümniima imo tiiho wan akhing ranaiq ka saü wato she.

EJEKIEL 16:37

Ümniiraq atinkhan ashut klo laü kha na, Ngi raq manniiwa ümkongtiwetiim ka adam na mitriitamha. Ümniiraq rotlaüti thun kiimaq ümniiraq ngeng wan laüti thun kra mitriitam wanha. Ngi raq tsangshiq ka sheawan lata, ümtro na trotam na mishea wanha. Latiishe Ngi raq ümdü wa khea ka michhut baiqha, latiishe ümniika tsangshiq makki na kheahü ma she mitiichhiha.

EJEKIEL 21:3

Ngi, Tatiwe raq ngutiikang ara chongkuqlaq: Ngi ka namhiq ma re. Ngi raq inepja michatha. Lata namshiq wiitarü mijiipbaiqha, maiqheati kiimin abiti kiimin romshaq mijiip baiqha.

EJEKIEL 23:25

Ngi ka ümniima itsankhiq kha maq, Ngi raq ümniika tsangshiq tsankhiqtlaq kra phan phan ümkha ka mitiiphoha. Tsangshiq raq ümkhüpo ka mihanbaiq. Kiimaq ümnilok ka mihanbaiq. Raüta ümsetiim thun ka mijiipbaiq. Ngohea. Tsangshiq raq ümsetiim maiqwese re nai jechakse re thun ka ümwokhong wa minyeaho. Raüta atra maq wa na michaqbaiq.

EJEKIEL 23:29

Kiimaq tsangshiq raq ümniika ngengtlo, kra ningkhan tsangshiq raq ümjaq wa ümchuwa tsiiq nai nyan tum rümtlaü thun ka wiita mitsuq wan, raüta ümniika naiqhü ma she mephe nyung ikha kheahü ma mibaiqthü. Ümsethoq ja sükhatsi nai üm mephe ja rilung riishe

EJEKIEL 26:3

“Riita arningkhan, Ngi, Tati Rakaü Hiqwe raq akha ngutiikang: Tajar chela lei, Ngi ka ümniima wesang. Ngi raq ümnaq khat wati maiq mung thun pahea mishea wanha. Krai mren, tsangshiq ka khamjong chum phom blun wantlaq ikha miwa.

Mikha 1:11

Saphir chelati lei, khaiqhü naiqhü warong lüna, Rewa shumwikong ma jalanta, khushü jampaqpaq maq warong laq. Janan chelati lei, chela mongwa naq dong rongkiq, Bethejel chelati hoq trangtlo, Tsangshiq sichang ba ahü.

NAHUM 2:13

“Liilaq, Ninewi lei! Ngi ka ümniima wesang jatiikang,” nguta Tati Ningkun Ajong Pinthumwe raq ngutlo. “Ümkumrang leng thun ka wiita wa maq michaq baiq ha. Üm phenlabi re na wiita mitsai. Lata ümniiraq maiq jaq wa tsiiq nai nyam arun haü thun kra ngi raq minyea wanha. Ümniiraq maiq mung thaq na tijong tsuq jaüti kiimwebi tiiwa tlaü kra bom ümchaü san jurmin taimak she miraq.”

HABAKUK 2:16

Ümniika jeasi khatamshi, bu laütiishe misi haü. Ümkhushü jonglu rii na, maiq tho dali she miho haü. Ümjaq na chamchao chekok sham laüta, mibak nyang wan haü. Laüta atiimeshi min lot maü, migamgu wan haü! Tatiwe raq ümnaq tiichamchao chang, chekok mitiinyang wan. Raüta ümkhushü jong ka, jea rai li she mitiiche wan.