NAHUM 2:2 - ASII LAKDAP Bible (BSI)

² (Jamkhiiwa ngukla, Tatiwe raq Israil khushü ka, man na re raq mitiibun shaq pat wa, khushü ka mitiijong kuq nong.)

Hawa Naga Bible 2001

² (Piq ralx htenc rueq piq mungtan kuex max tvbac gay jauz wawc ikhoc, Yehowa rueq Israel muex ngauz vngax kuex kuy yek tvkoc tvyoalc yaq.)

NAHUM 2:2 Referencias Cruzadas

Tvtsvmc 47:4

Apaiq raq ümchaü shongtiikai mung ara nashiq miitu tseato, apaiq raq lungwiitlaq asenginok MITU tachong rahea.

ISAIA 60:15

“Ümniika miimbaiq mak she kiimaq saisi mak she miraq, Chela mii kiimaq hiqmiq changkhü riimak she, Ngi raq ümniika ajong kiimaq tsomhea mitiijaha, Pattup pat-sa miitu chojong chise siwan chang hiqshong miraq.

JEREMIA 25:29

Ngi raq atiithenbaiq jaqsham ka ichela kriimaq miphahoha. Tsangshiq nga tsangshiq ka imo homak miili mihang wan rong i ngutiisha tiimasiq tla? Riimak, tsangshiq raq mo ka horaa dongdii. Jamkhano ngukla Ngi raq mangjong maiqse kunli ma re mitiidongha. Arka Ngi, Tati Ningkun Ajongwe raq toqtan tiikang.

JEREMIA 48:11

Tatiwe raq nguto, “Mob ka pattup khusang maq sito. Kiimaq jangshi ra min pongmung na munglu shumwi ma tsuq wan mak. Mob mung ka che pükhaü na ato ikha. Jurmin tiimeshi mak dongdii. Piikhaü ashi wa ashi na jangshi min tiidong mak dongdii. Kriikha na asum ka ümtiikiimin tiibi mak dea. Anyang ma sumhea.

JEREMIA 49:9

Maiq raq spiqro wa spiqtsi pan raüla, aso ka achong niili tiichong thütlo. Kiimaq rawa na thiimeaq raq maiq jam tek wa raüla, tsangshiq ma jamlai wa akhek kriiphan hupsam kriili lamho raüta kihotlo.

EJEKIEL 37:21

Kra laütiishe tsangshiq ma chonglaq, Ngi, Tati Rakaü Hiqwe raq, isenginok tlotli mangjong hiq na maiq mung pahea na kihotaq kriiwa, tsangshiq ka adam na mirchom wanha. Lata tsangshiq ka tsangmung niishe mitsuq wan nongha.

EJEKIEL 37:23

Tsangshiq raq tsang khum ka maiqphai asi sumla phra thun maq tiisheshi mak she miraq. Riimakla tsangshiq raq tsang khum ka ngarai maq tiinam mak she miraq. Ngi raq tsangshiq ka lamlu ümchu no ngarai tang wantaq raüta Ngi ka shishe wantaq kriiwa midok wanha, lata wasetiim miishe mitiijaha. Ngi raq tsangshiq ka atiisii she mirha. Tsangshiq ka Isenginok she miraq. Kiimaq Ngi ka tsangshiq Shiikeawe she mirha.

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

NAHUM 3:14

Re raq chela komwan ranaiq miitu, kham tiije thü laq! phentiip tiipha laq! hamlii hiq ka nyat laq, Lanta watum khok na tiishin laq!

JEPHANIA 3:11

Kra akhing na isenginok namshiq ka, ikiq khii lantea ngarai tang wan lan, kra miitu tiijeasi chang ahüshe. Jamkhano ngukla, ngi raq ibom taimak shiikongti, namshiq phong wa, achum she mirbaiq wanha. Kiimaq namshiq ka asii ihiqlam na, ikiq tlea man she mirhan.