NAHUM 1:12 - ASII LAKDAP Bible (BSI)

¹² Tatiwe raq asengi Israilnok ma chongtlo: “Asirianok ka srea nola, maiq pahea li jiimin, tsangshiq ka wiita mitsatbaiq, raüta tsangshiq ka athenshe mirki. Isenginok lei ngi raq namshiq, tiichamchao kang, jai na tiichamchao mang she.

Hawa Naga Bible 2001

¹² Vruex kuex Yehowa rueq vpiq miqsaz Israel muex vjungx rvtueq: “Asiria miqsaz kuex hungc vlaungc httaz hvlc httax vtueq paung ruiux muinz, tsuingshiq kuex tvmvy tvbac gay rvhumc vtueq momaq wvnc tuex. Ngvy miqsaz htenc lex, ngaz rueq nuimshiq muex kuilc daz tvrvhumc phaungx, yuq muinz ngaz rueq kvruex laukshiz ruez yek shaungx rvmuq.

NAHUM 1:12 Referencias Cruzadas

2 HOKHVMX 19:35

Kra rawa liipan niili Tatiwe rase ashi ka Asiria phentiip kiijaq wato. Raüta phenlabi 185,000 tsat baiqto. Anap ranap chu maq liikiita, tsangshiq ka kiijaq wiita jiimbuq tsaito!

2 HOKHVMX 19:37

Ranaiqshi apaiq ka apaiq phrakaü Nisrokh noqrea shomjam mong na riito. Kriiwa ase nai Adrammelekh nai Sharejar raq apaiq ka nepjasai maq sebaiqto. Raütiishe tsangnai ka Ararat mung niishe tiipaü juhoto. Kiimaq asetiim phong wa weshi, Esarhaddon ka apaiq pumsong ma ajong hokhamwe ma shongto.

DUNGWVNC 12:12

“Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.

ISAIA 10:16

Ajong Pinthum Tatiwe raq tha tiidong raüta ümchaü wok phetaktak siti kiima mo mitiiho. Tsangshiq khum na wa raq khiim wan tlaq ikha khiim wan ruq mikhiim.

ISAIA 17:14

Rajiko na tsangshiq raq maiqse ka phiiptsi ma tiitsaito. Shatmaq anap ranap niika tsangshiq ka ahüshe. Na mung shiithenbaiqti maiq thun ka akhiisiisaq mitiithen baiq wan.

ISAIA 30:19

Namshiq Jerusalem na siti mungmaiqse ka hoqsii ruqruq ka hoqsii man she miraq. Tatiwe ka mangchan heawe. Krai mren namshiq raq apaiq man na ümtiikiiwa khrum jaüjaü mihoqsiihan, apaiq raq namshiq achu jaü mitrekuq.

ISAIA 31:8

Asiria mungti ka re dong na miqchup mithen wan, shatmaq kriika maiqse ningkun miika riimak. Asiria mung ka re khat kai aki kiiwa wiita apin mirwan. Kiimaq tsangshiqnok jerobi thun ka re raq disekong miishe mitiija wan.

ISAIA 37:36

Tatiwe rase ashi ka Asirianok phentiip teitlaq kiijaq wawanto. Raüta phenlabi ka 185,000 jiip baiqto. Anap ranap chu miishe, kra tsangshiq phentu piitiip na tsangshiq ka wiita miqchup amaa phongli she jiimto!

ISAIA 51:22

Tatiwe üm Shiikeawe raq ümniika tiiwongkuqtlo raüta ngutlo, “Ngi raq chekhap ka lambaiq tiikang she, itsankhiq tsi ma ümniima akuqha kra. Ümniiraq nyang ka raamak she, kra che nyang laüta ümnaq tropkhoprai tlaü ka.

ISAIA 7:20

“Kra akhing she saüwan raüla, Tati raq khusiketi maiq amaq kham na Euphretis mung wa Asiria mung Hokham Ajongwe kra mishiip! Kiimaq apaiq raq namshiq nübin thun kra misibaiq. Kiimaq namkhu bin thun nai namhan bin thun kra wiita asi mirbaiq.

ISAIA 8:8

Tsangshiq raq Juda mung tlotli ka kham raq lümwantlaq ikha, kham ka phaqlam na saüli mawan raüta phanrap phanrii laimiq mihut wan.” Shiikeawe ka nashiq rai! Apaiq rakong wiinai ka tiipiishat maq namung ka tiichhiikuqtlo.

DANIEL 11:10

“Siria mung hokhamwe setiim thun raq rekhat kai miitu chiqchap rechap she misürii wan. Raüta phenlabi ka hiq ma rama pahea mirchom. Asetiim phong wa weshi ka, nolajong pinthum miraq. Apaiq raq maiqmung thun ka jüjong rai chhang saü wan tlaq ikha mikhat kiimaq rewe phong ka achhelot chang riimak kiitelong ruk ikha kriimin wiita mikhat wan.

Yoel 2:19

Apaiq raq tsangshiq achu jaü treto. Tatiwe raq treto: “Ümchaü san ngi raq namshiq ma, püwong, kiimaq spiqtai, oliptsi tai pahea she, mishman kuqha. Namshiq ka chojong chise miishe, mishong nga wan han. Pongmungti raq nashiq tsaihai mak she miraq.

NAHUM 1:15

Liirong laq! Pum na ahea tsasoqtiwe watlo. Apaiq ka tangkai she nguta tsütsa tiitai kai kitlo! Juda mungti lei poi she klo rong laq! Namshiq raq Tatiwe ma, sinkham bomtsi khakuq lan kriishe, kuq rong laq. Ümchaü san maiq abi mungti raq, nammung ka jai na longliiq wa mak she miraq. Tsangshiq ka laimiq tiithen baiqto she.

Revelation 7:16

Tsangshiq ma songtsi ramtsi min ahü she, khamnyang wiikii tsi min ahü she. Chumtsi shekii min ahü she, rakii tsi riimin chaq mak she.