Matthew 9:6 - ASII LAKDAP Bible (BSI)

⁶ Ikhiijiila, ngi raq namshiq ma, Maiq Se riika, mangjong hiq na ngarai diike wan miitu arang ho tlo nguta tiichhikuq pha,” ngutiishe tsangshiq ma chongto. Kra chongtaq krai mren, apaiq raq ahan ama arki we ka, “Tiidolaq, chap laq, laüta ümdamsii ka kom laq, laüta ümjam niishe wawan laq!” nguta thaüto.

Hawa Naga Bible 2001

⁶ Yuq muinz Miq Saz vruex kuex ghaq htauk wawc mvrax dawc kuy gay vrangx vpangx vhttax lvmx kuex nuimshiq rueq tuiuz wuez shuinz,” ngoz tueq jungx yaq lvmx maq gvnmaungx waz muex, “Kvtenc kuiuz, mkhvy tuimx kuex pix vtueq yuimx nuex waung wvnc kuiuz!” ngoz kuq tueq.

Muklom

⁶ Etharin Miqna Sa ma tho iri mingkang na ngarey raa tolchak ma authority atha ta nga nim ma takhi eq phanáng.” Etho piq aa eshi jak aja may thamot moq miq thima batta, “Tunshat eq ba ráng ni tunsom eq himnáng wang u.”

Matthew 9:6 Referencias Cruzadas

ISAIA 43:25

Kiitinkhan taü maq dongdii min, Ngi ka Shiikeawe, ümngarai thun diiketi, kiimaq Ngi raq arthun klotiikang arka Ngi ka Ngi dongdiiwe ngokha maq shamkuqtiikang. Ngi raq ümngarai thun ka ümniima tiihoruq tiiho mang she.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Matthew 9:2

Kiijaq maiq wiijamti raq akhum ama arki we ka changdü na tiiweshat maq Jesuq phana pi wanto. Jesuq raq tsangshiq kamtsantsii ka chhi raüta atsiti we nangnga, “I se loi, ümtsaiji ka tiijong laq! Ümngarai ka diikuqto she,” nguta bomdamto.

Matthew 9:5

Riita, ‘Ümngarai diikuqto she’ nguta ngo sha aje, sha, ‘Tiidolaq, chaplaq, laüta khumlaq’ nguta thaü kriiwa aje?

Matthew 9:7

Krai mren, kriiwe ka tiidopot riito. Raüta ajam na kokkok wawanto.

Mark 2:10

Ikhiila, ngi raq namshiq ma, Maiq Se riika, mangjong maiqse ngarai diike miitu arang hotlo dea nguta, namshiq ma tiichhi kuqpha na,” nguta tsangshiq rai bomdamto. Krai mren, apaiq raq atsiti we kra akha thaüto,

Mark 2:7

“Apaiq raq akhiika jamkho bomtla? Arka Shiikeawe man na, riiqkhiq ashut pinthum bomtlo ahata! Ngarai diiketi we ka Shiikeawe li khata!” nguta tiimato.

Luke 5:21

Kra tai raütiishe, Thungri shrinketibi nai Phorisinok ka, “Riita, arwe arka juwa, akha apii riikhiq bomtlaq ara! Ngarai diiketi ka Shiikeawe li khata!” nguta tsangshiq maiqmii liipan na riibomto.

John 10:28

Krai mren, ngi raq tsangshiq ma pattup pat-sa rilung kuq tiikang. Krai mren, tsangshiq ka tsai mak she miraq. Tsangshiq ka i wokhong wa jurmin khotwa lot mak she.

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

John 5:27

Kiimaq Awe raq, Ase ma kha phoke wan arang ka akekun she. Ara jamkhano chongtiikang ngukla, ngi ahata Maiq Se.

John 5:8

Kiijiishe, Jesuq raq, “Tiido laq. Laüta ümdamsii ka kom laq. Laüta pishat maq walaq,” nguta apaiq ka thaüto.

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

Acts 9:34

Petar raq apaiq ma, “Ainias, Jesuq Khristo raq ümthatsi ka tiihea kuqto she. Tiidolaq. Laüta, ümchangdü ka tiihea laq,” nguta thaüto. Krai mren, Ainias ka abum wa tiidopot chap hiiq heakito.

2 Corinthians 2:10

Riita, ümtiikiiwa namshiq raq, shut tiiwe mra ka diikuq tlan, ngi riimin apaiq mra ka diikuq tiikang. Ngi raq maiq weshi ra mra ka diike wan chang raki raü jiika, namshiq miitu kriiwe mra ka Jesuq Khristo man na diikuq tiikang.

2 Corinthians 5:20

Riita ija, ümchaü sanha naishiq arka Khristo kiimwebi ngo kha maq namshiq tarü kra Khristo mang na, phaqthak nithak maq tsii chongkuq tiikai. Shiikeawe raq namshiq tarü ka apaiq ma wesang wa akhi aluwetiim miishe mitiija wan laq!

Ephesians 4:32

Kra rii na, ümchaü sanha, namshiq liipan na, riimang riichan, kiimaq riilung riiwii miishe shongnga ronglaq. Shiikeawe raq Khristo mang na, namshiq ngarai thun ka jamkho diikuqtaq, kiikhiisii hali, namshiq liipan niimin, ngarai ka riidü riidü lanta, kaütak rishi miishe shongnga ronglaq.

Colossians 3:13

Weshi raq weshi rai, phanrap na, riinin riinin lantiishe sirong laq. Kiimaq ümtiikiiwa, namshiq liipan na, weshi ra raq kongti ma, atiibottaq chang bom la sikiiphanla, mra ka riidii riidii lanta sirong laq. Tatiwe raq namshiq mra roqkuqto she, kiikhiisii hali, namshiq nai namshiq liipan niimin, maiqmii mra ka riidii riidii lanta siraa tlo.