Matthew 9:26 - ASII LAKDAP Bible (BSI)

²⁶ Ara tsütsa arka nokmaiqse raq kra hong binjü barap se niishe rinra wan raüta tiinyam wanto.

Hawa Naga Bible 2001

²⁶ Ekvkhoc yaungx wvnc tueq thaungc kuex wvmungx tuimx nuex nyvmc wvnc tueq.

Muklom

²⁶ Ethi tung aa raaq tha thaji mung miqtang aa tatta.

Matthew 9:26 Referencias Cruzadas

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Matthew 9:31

Shatmaq tsangnai ka kriiba kiiwa tiido wan raüta, Jesuq tsaki kra hong barap se niishe rinra wanto.

Mark 1:28

Krai mren she, Jesuq tsa ka, jaqlo thitthit li she, kra Gelili wang hamli niishe nyam rai wanto.

Mark 1:45

Shatmiitiq, apaiq ka wawan raüta, atsi tiihea kuqtaq tsütsa kra, barap binrii niishe tsaki wanto. Apaiq raq barap na, rin ra wan kha maq, Jesuq ka chela na, nokwe makki na, khumki lot mak she riito. Arkha maq Jesuq ka, maiq akaiq kaiq ba hiqshong niili she khum wanto. Kra taü maq dongdii min, mungmaiqse ka Gelili wang barap se wa, apaiq phana riitsap riikhat wato.

Mark 6:14

Kiimaq, Jesuq raq ümtinkhan wa jaqsham wantaq kra tsa ka, barap binrii niishe nyam wanto. Hokham we Herod riimin arthun tsütsa ka taito. Maiq wiijamti riika, “Apaiq ka Khamlamketi we Johan ira, ama wa powa nongto! Kriikha maq, apaiq raq atinkhan, awang chang jaqshamtlaq ara,” nguta riichongtlo.

Luke 4:14

Kra akhing na, Jesuq ka Gelili hong na jang wan nongto. Kiimaq apaiq khum na Asii Wenyi ningkun ka ama riito. Apaiq tsütsa ka, kra binjü tlotli niishe nyam wanto.

Luke 4:37

Krai mren, Jesuq tsütsa ka kra binjü na, shokrap norii niishe nyam wanto.

Luke 5:15

Shatmaq, Jesuq tsaki tsütsa kriika, kra hong binjü na barap binrii niishe nyam wanto. Kiimaq mungmaiqse pahea raq, apaiq traho bomchong kra tai miitu nai tsangshiq thatsi kra tiiheakai nguta, apaiq phana kirai wanto.

Luke 7:17

Ara chongtiikai, Jesuq mangjong tsütsa arka, kra mung tlotli na, kiimaq kra tro na mung ahin sitlaq thun kiina wiita phoi li she nyam wanto.

Acts 26:26

Ajong Hokham we Agripa lei! Ngi raq ümman na bom chong ka kholam kholiiq lata, i tsan mong na jamlai phan kankop wan min ahü maq, bom tiikang. Ara jamkhano akha bom wan tiikang ngukla, ara chongtiikang mra pin wantaq thun arka, ümniiriimin kunli asap haü siisaq. Ara chong tiikang thun mra pin taq kriika shokshaüno wa bom ka riimak.