Matthew 9:13 - ASII LAKDAP Bible (BSI)

¹³ Asii bomtsi na, ‘Ngi miika mangchan tsii li ra tlo, honglu ngamrea thop ka riimak!’ nguta chongtlaq arka jamlai ngo wa, kra namshiq raq samhea phat rong laq. Lanta kra liichum ka takwan han jaq ahea miraq. Ngi ka chiisan maiqsetiim heakai akiha riimak; ashleq arbaiqti thun kra triichom sheakai kikang.”

Hawa Naga Bible 2001

¹³ Vsawc luik nuex, ‘Ngvmx saz maq shomc nawk kuy lvmx kuex rvmuq, menjenc kuy lvmx dvyx ngaz rueq roc vshaungx,’ ngoz tueq luik wawc vlvmz kuex nuimshiq rueq wvllawc kaz kuinz. Ngaz kuex tsuingrux miqsaz palc kay vkaz rvmuq, mvrax vhttax miqsaz palc kay tvkoc vhttuiuc kaz rvtauk,” ngoz tueq.

Muklom

¹³ Nim ka eq, iri raaq ri chamlang ta thawit aa ta Asang likwit na bi inn: ‘Nga ma manchan ràa aa, jatngam pinthong ràa moq.’ Nga asang miqtang halma kaphamong angta phang, etharin ngarey miqtang halma katat taphang.”

Matthew 9:13 Referencias Cruzadas

TAKSU LAK 21:3

Kechu jaqsham nai riikhaqli jaqsham ka, Tatiwe ma, honglu pahea akuq thaq na ahea.

Hosea 6:6

Jamkhano ngukla, Ngi riika lungwii tsantsii rit tiikang. Nyamse honglu ngamrea rit mang. Tsangshiq raq Ngi sap wan kra rit tiikang, Tsangshiq honglu ngamrea ka rit mang.

Matthew 12:3

Kiijiishe, Jesuq raq treto, “Namshiq raq Dawit nai akongtitiim raq tsangshiq ka ramtsi raq ahaü akhing ranaiq na jamlai wa phaqsiq wantaq kra, nashiq Thungtri lakdap wa jangshi ra dongdii min phat man dea sha riilan?

Matthew 12:5

Kiimahali Mosheq Thungtri na ramwebi raq Asii Niitiitsak ranaiqtek na, Shiikeawe Shomjam maq Asii Niitiitsak ranaiq thungtri raü ka jin wantlo nguta chongtlo riimak sha? Shatmaq, kra taü maq dongdii min, tsangshiq ka tiishut mak riitlo nguta chongtlo.

Matthew 12:7

Asii bomtsi na, ‘Ngi riika lungwii tsantsii rüm wanti kra lungwii tiikang. Honglu na nyamse takuq tlaq kriika rariq mang!’ nguta chongtlo ahata. Namshiq raq ara Asii bomtsi liichum ara sap han jiika, nanok jamlai min shutphit makti kriika, tiishutphit man mirhan wa.

Matthew 19:4

Kiijiishe Jesuq raq treto, “Namshiq raq Asii lakdap na maiqse Tiiq wanti we raq rapha hiqwa miiphü dongdii, maiqse ka jechak nai maiqwe tiihong raüta klo wanto nguta chongtlaq kra phat wan man dea sha riilan?

Matthew 21:42

Kiijiishe Jesuq raq tsangshiq ma waito, “Riita namshiq raq Asii lakdap na akha chong tlaq arka phat man dea sha? ‘Longkaü ashi jamhaiti raq abi nguta ashthoq baiq wan ka, tarü thaq na pinthum akhek longkaü ma jakito. Riita arka Shiikeawe raq atiihong thü ahata; pinthum awang chang ashi!’

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 3:8

Namshiq ngarai tsantsii ka klai wan lan she dea nguta, maiq ma jaqsham maq tiichhi kuq rong laq.

Matthew 4:17

Kra akhing miiphat sanha, Jesuq riishe nokmaiqse ma trahoke wan jaqsham ka akhiishe phahoto: “Namshiq ngarai lam phan wa jang wan ronglaq. Jamkhano ngukla Ramungtan ka aje niishe!”

Mark 12:26

Riita, maiqse ka ama wa tiidong wan lam bomtsi chongtlaq kra rii we ka, Mosheq raq awaiq thü lakdap na, sangphii rü ka wa na alü rai nguta chongtlaq lakjaq ba kra, namshiq raq phat man sha riitlan? Phat tlan. Kiijaq Shiikeawe raq Mosheq ma, ‘Ngi ka Abraham Shiikeawe, Isak Shiikeawe kiimaq Jakob Shiikeawe,’ nguta chongtlo.

Mark 12:33

Kiimaq maiqse raq Shiikeawe ka tsan nai khutsai wiita kuq raüta, kiimaq ningkun wiita kuq raüta lungwii lili riichang dea. Kiimaq apaiq raq maiqmii jamthoti ka maiqmii khum lungwii tlaq kiikhiisii hali lungwii chang dea. Ara aming anai lang wan ka Shiikeawe ma nyamse nai laihin honglu kuq tiikai kriithaq na athii atsin pinthum.”

Mark 2:17

Jesuq raq tsangshiq bom ka tai raütiishe, “Juwa hansang, kriiti miika taktot ka ra mak. Shatmaq, juwa atsi asi sitlaq, kriiti ma taktot ka ra tlo. Ngi ka asii maiqse heakai akiha ka riimak. Shatmaq, ngarai maiqse heakai nguta akiha,” nguta tsangshiq bom ka treto.

Luke 10:26

Kiijiishe, Jesuq raq treto, “Asii bomtsi na jamlai wa chongtla? Kra ümniiraq jamkho tak tlaü?”

Luke 19:10

Maiq Se saükitaq kriika, akha amo amii arki maiqse thun kra ritkai nai atiichhiike kai saükito.”

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Luke 5:31

Kiijiishe, Jesuq raq treto, “Ju wa hansang sitlaq, kriiti miika shammi ka ra mak. Shatmaq, ju wa atsi, kriiti miika shammi ra tlo!

Luke 5:32

Ngi ka lüsaü wase sitlaq kriiti ngarai diike kai akiha ka riimak. Shatmaq, anun phan nai ashleq arbaiq maiqse sitlaq, kriiti ngarai diike kai akiha.”

John 10:34

Jesuq raq treto, “Riita, i ja, namshiq Thungtri na waiqthüje asi. Kiijaq Shiikeawe raq, ‘Nam- shiq kiimin Shiikeawe ikha’ nguta chongtlo.

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

2 Peter 3:9

Tatiwe ka apaiq raq jamlai wa mikloha nguta kiqkhamtaq, kra sham wan miitu ka tiihit mrot ka riimak. Nanok maiq wiijamti raq tiima wan ka, apaiq ka atiihit rai riitlo nguta tiima tlo. Shatmaq Tatiwe raq namshiq ka tsankhun maq khe wan tlo. Jamkhano ngukla, apaiq raq ngarai maiqse ka weshi ra dongdii min tiitsai baiq romak. Shatmaq ngarai maiqse wiitarü raq tsangshiq ngarai ka tiidii raüta tiichhii wan tlo haü jaq nguta, tsangshiq ma atsan tiitsi kha maq kherat tlo.