Matthew 8:2 - ASII LAKDAP Bible (BSI)

² Kiitiikaq maiq weshi, thabi tsi raq chamchao rai tlaq we ka, apaiq phana dongchhaq waraüta, kaütsrong na bumsaq riito. Raüta, “Shiilang we le, ümniiraq ngi ara mangchan haü jiila, i thatsi ara mitiihea kuq lot haü,” nguta tiipaiqneato.

Hawa Naga Bible 2001

² Kvruex kaq vshungx miq washiz kuex kaz vtueq vpiq khaungkac nuex kuix tsvrung maq bumx ruiux, “Taungjix lex, mnoz thuinroc httax ruiux kuex ngaz vruex tvhvlc kuq lot phux,” ngoz tueq thoz tueq.

Muklom

² Ashey angam taksa teywa Jesu jamnáng ka eq, ujakho o shong tong eq batta, “Teyhungwa, nang unuk ang ujo, nga raa jin tasang eq phannu.”

Matthew 8:2 Referencias Cruzadas

2 SAMUEL 3:39

Ngi ka Israil mung na Shiikeawe raq tsea raüta hokhamwe ma shongto. Li jiimin, ümchaü ranaiq ngi ma athü adake wanti khamlawe ashi ariwan ikha tiima tiikang. Ara Jeruiawe setiim arka ngi ma mat atsa niqke wantibi kong. Tati riitiq ara mat-saü tsase kong arma mo miitho kuq laq!”

2 HOKHVMX 15:5

Tatiwe raq Ujjia ka thabi tsi maq tiichamchaoto. Kra ningkhan akhum na thabitsi ka hoshat miili she arilung ka tiisungto. Apaiq ka mung jaqsham kra thaq raüta, apaiq maiqmii jam na sito. Kiimaq ase Jotham raq mung ka pengto.

2 HOKHVMX 5:1

Naaman ka Siria mung phentu ajong pinthumwe. Apaiq ka Siria mung hokhamwe raq pinthum shrengtlo kiimaq kai shomratlo. Jamkhano ngukla Naaman lümaq Tatiwe raq Siria mung phenlabi ma rekhat pahea tiitangkuqto. Apaiq ka phentu ajong pinthum. Shatmaq apaiq ka akhum na thabitsi kriiraq chamchaotlo.

2 HOKHVMX 5:27

Riita arningkhan, ümchaü sanha, Naaman thatsi ka ümkhu thaq niishe milü wan. Ümkhuthaq na kiimaq ümsaü ümsetiim thaq na pattup pat-sa she mirlü wan!” Krai mren, Gehaji ka kiiwa tiido wantaq akhing na, akhum na kra thatsi ka akop wa kun she riito. Akhum wa akhü thun ka tsakhiiq ikha lüriirii ma she riito.

WEAWEA 12:10

Kiimaq Tombutiip khuthaq wa phumda ka ra na wawanto. Kiimaq Miriam khum niika rampun tsi mi phong li she riito. Raüta akhum wa ahan na akhü thun ka tsakhiiq ikha lüdiidii she riito. Riita Aron raq Miriam khum na liikiita, apaiq khum ka rampun mitam tonglong lishe riito.

Matthew 10:8

Lanta, atsiti thun ka chhintsii kuq wan rong laq; kiimaq atsai arkiti thun ka ama wa tiijang kuq wan ronglaq. Thupbi thati ashong ashai tsisiti thun kra tiihea kuq rong laq. Kiimaq tsak amii tha thun kra jobaiq ronglaq. Namshiq raq ara ningkun ara phe maq alap han, krai mren namshiq riimin nanok ma phe maq jaq ka shamkuqki rongkiq.

Matthew 13:58

Tsangshiq raq apaiq ma kam mak kriikha maq, apaiq raq kiijaq awang chang jaqsham min apa sham mak dea riito.

Matthew 14:33

Kiijiishe lai mong na ngati ajaqshisetiim thun raq Jesuq ka, “Tengto, ümniika Shiikeawe Se dea!” ngutiishe shomnoqto.

Matthew 15:25

Kra tai raüta maiq nyung ka Jesuq jichong na bumsaq raütiishe, “Shiilangwe le, ngi ara khrum kuqlaq dea!” nguta noho tin she tiipaiqnea hoqhoto.

Matthew 18:26

Kiijiishe ajong we ka hokham we jichong na bumki tlii raüta, ‘O chaü le, ngi ma jipi rahiq dea kham kuq kaq. Ngi raq thiitham ka wiita dea mitham kuq kang!’ ngutiishe tiipaiqnea hoq hoto.

Matthew 2:11

Tsangshiq ka kiijaq saü raüta jam mong na wato. Kiimaq no ka anyung Meriq rai chhito. Raüta tsangshiq ka lakü maq nga raüta apaiq ka shomnoq wanto. Kiimaq tsangshiq raq ahoho kongphiq chaq, pechong mong wa alam homseng tsai, kiimaq penaihomseng thop kra tsangshiq thongkhiiq mong wa lam raüta, no jichong niishe kai shreng raüta tokuq wanto.

Matthew 20:20

Kiitiikaq Jebedi tanyung ka ase maiqwe senai kra sheaho raüta, Jesuq phana wato. Raüta Jesuq khaki na bum raüta khrum jaüjaü bom apaiq ma chongto.

Matthew 26:6

Kra bala liipan na Jesuq ka Bethani hiq shong na kihoto. Apaiq ka Simon, thabi tsi raq chamchao rai tiiwe jam na riito.

Matthew 28:17

Kiijaq tsangshiq raq Jesuq ka chhito. Raüta tsangshiq tsan mong niika apaiq ka Jesuq dea sham nguta kamto chhaq ka kam mak dea li jiimin, tsangshiq raq apaiq ka shomnoq wanto.

Matthew 28:9

Shatmaq, tiidong chhaq miili, Jesuq ka tsangnai rai riihumto. Raüta tsangnai ma, “Namnai ma khu asang mirlaq,” nguta bomdamto. Kiimaq tsangnai riimin apaiq phana tiisot saq, raüta ahokpe na sham rang raütiishe apaiq ka shomnoqto.

Matthew 4:9

Raüta, “Ümniiraq i ji chong na bum laüta ngi ara shomnoq haü jiila, ara maiqmung thun ara ümniima mikuq kang,” nguta Thawe raq nguto.

Matthew 8:1

Jesuq ka hiqlam miishe satki kiita, maiqkong thun pahea raq apaiq jai ka phan wanto.

Matthew 8:25

Kriikha maq, ajaqshisetiim raq apaiq ka, “Tatiwe, nashiq jü na thap wan kai, tiichhii kuq tlo laq!” nguta tiisamto.

Matthew 9:18

Jesuq ka ara bom chongke rea liipan kiijiiniili, sinagok liiwanti we maiqla weshi ka apaiq phana kito. Raüta Jesuq khaki na kaütsrong na ngasaq raüta, “I se ka ümchaü linlintiq pitkito. Shatmaq ümniika walaüta ümjaq maq apaiq dü na sham wa haü jiila, apaiq ka achhun mirwan nong,” nguta tiipaiqneato.

Luke 4:27

Kiimahali, shammi we Elisha pat niimin, Israilnok mung na, thabi tsisiti chamchao maiqse ka pahea asi riito. Shatmaq, tsangshiq phong wa, juwe thatsi min tiihea kuq mak dea riito. Shatmaq, Siria mungti Naaman thatsi kli tiihea kuqto.”

John 9:38

“O Tatiwe, ngi ka ümniima kamtiikang!” ngutiishe apaiq ka Jesuq jichong na kaütsrong na bumsaq raütiishe, Jesuq ka shomnoqto.

Acts 10:14

Kiijiishe, Petar raq treto, “Tatiwe akhiiwiqwiq ka phaqsiq mang! Ümchaü niitaq ngi raq apii ashan chang phan ngam angiq ka i nü na thü mang shaqli!”

Acts 10:25

Petar ka kilam na anyap wan she kiijaq, Kornelias ka kiraüta apaiq ka taoto. Apaiq ka Petar jichong na bumtlii raüta, taoto.

1 Corinthians 14:25

Apaiq tsan nai mongjii na, ümchuwa apaiq raq apaü ashan raüta, thü tlaq tiima tsantsii thun kra wiita she michhi. Kiimaq apaiq ka Shiikeawe jichong na bum tlii raütiishe Shiikeawe ka, “O namshiq rai Shiikeawe ka asi dea!” nguta apaiq ngarai kra tiidii tlii maq, Shiikeawe ka mishom noq dam.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.