Matthew 8:16 - ASII LAKDAP Bible (BSI)

¹⁶ Rajiko niishe mungmaiqse raq maiq ka tsak amii raq arom wan, atsi asitibi thun pahea kra Jesuq phaniishe shea wanto. Jesuq raq apaiq bom tsishi miili, tsak amii tha thun wiita chhiijii kuqto. Kiimaq atsiti ümchuwa apaiq phana kirai witaq thun ka wiita tiihea kuqto.

Hawa Naga Bible 2001

¹⁶ Raungyac raungnyauk wvnc tueq nuex, miq htenc rueq htaungc kvpumz jix miq paunghvlc kuex vpiq kox nuex shvlx laq tueq. Kvkaq vpiq rueq bomc poshiz maq dvyx htaungc htenc kuex yurc gay ruiux vthuiuz vsac jix miq lotlaz tvhvlc kuq tueq.

Muklom

¹⁶ Ethi rangja tho thangwa eq lotey daqhan miqtang Jesu relnáng thok solta. Jesu nung wang raaq eq anaan tsija tang tha phanchakta etho thaji takasa tang tha taqhal ta.

Matthew 8:16 Referencias Cruzadas

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

Matthew 12:22

Kra akhing na maiq wiijamti raq abi winji raq akaq, maiq weshi ka amak min achuk kiimaq anü min atang we kra, Jesuq phana shea wanto. Jesuq raq kriiwe thatsi ka tiihea kuqto. Krai mren apaiq ka abom she dongto, kiimaq amakpo kiimin piiqkito.

Matthew 14:14

Jesuq ka lai maq satki raüta, mungmaiqse phong pahea riiphong rai tlaq kra chhito. Kiimaq apaiq raq tsangshiq kra chhi raüta, atsan mong na tsangshiq miitu pinthum mangchan tsito. Kiimaq apaiq raq tsangshiq phong wa maiq atsi asiti thun sitlaq kra tiihea kuq wanto.

Matthew 8:15

Jesuq raq ajaq maq adü na shamto; kiimaq atsidong ka heakisaq li she heakito. Krai mren apaiq ka Jesuq ma phaq asea tiihong thake she, apaiq shiililiike she honghoto.

Matthew 8:33

Waqkong rümtibi raq kra chhi raüta, chela kiina pintrangto. Raüta tsangshiq raq jamlai wa chhitaq, kiimaq tha raq arom wan maiq wenai kra jamkho heakitaq, kra tsütsa kriishe nokmaiqse ma tiitaito.

Matthew 9:2

Kiijaq maiq wiijamti raq akhum ama arki we ka changdü na tiiweshat maq Jesuq phana pi wanto. Jesuq raq tsangshiq kamtsantsii ka chhi raüta atsiti we nangnga, “I se loi, ümtsaiji ka tiijong laq! Ümngarai ka diikuqto she,” nguta bomdamto.

Mark 2:3

Kra liipan niili, maiq weblai raq maiq weshi, ahan ama arki we ka piho raütiishe, Jesuq phana saükito.

Mark 5:8

Apaiq raq akha bomtaq arka, Jesuq raq tha ma, (“Tha ümniika arwe khum wa dongho tlo laq!”) nguta jotlaq kriikha maq bomto.

Mark 9:25

Jesuq raq maiqphong ka, tsangshiq tho niishe riitsap rai wan chhito. Kriikha maq, “Ümnaq nibii nai nütang tha. Ara no khum arwa dongho tlo laq. Ümniika ümtiikiimin ara no khum na jangwa nong maimak she!” nguta apaiq raq tha ka jobaiqto.

Luke 13:12

Jesuq raq apaiq ka chhi raüta, “Maiqnyung loi, ümthatsi kharü ka adiikewi she!” nguta apaiq ma chongto.

Luke 4:40

Raji rashe nyap jai niishe, nokmaiqse raq akong akiimtibi, phan phan thuptsi thatsi chamchao maiqse thun kriika, Jesuq phaniishe sheahoto. Krai mren, apaiq raq tsangshiq tarü khum na, ajaq maq sham raüta, tarü thatsi ka tiihea kuqto.

Luke 4:41

Abi winji thun kiimin, “Ümniika Shiikeawe Se!” nguta, agi asii wa trang la, maiq pahea khum wa, dongho raüta, pongpin riipin pintrangto. Jesuq raq abi winji kong ka, tiiki miilaq asea riito. Kiimaq tsangshiq ma, bom ka poshi min tiibom mak riito. Apaiq raq tsangshiq ka jamkhano tiibom mak ngukla, tsangshiq raq apaiq ka Khristo nguta asap. Kriikha maq apaiq raq tsangshiq ka tiibom mak.

Acts 5:15

Kiimwebi raq awang chang nai amao chang jaqsham tlaq kra chhi raüta, atsi asiti maiq pahea piho raüta, changdü na nai damsii na tiikon raüta, lamkii tho na tiibum tlo. Kriika, Petar khum raüjaq, apaiq tsaiji nyam raq jiimin, tsangshiq atsiti dü na miham dam laq nguta tiima raüta tiibum wantlo.