Matthew 8:12 - ASII LAKDAP Bible (BSI)

¹² Shatmaq maiq pahea Ramungtan na ngawa chang wiika, ranyaq nyang mong na mitiidea baiq wan. Kiijaq tsangshiq ka aho asii, arong awi tiichit wa trang liishe micham chao wan.”

Hawa Naga Bible 2001

¹² Yuq muinz kvruex Mungtan suiuz vsaz muex yaungc jix htenc kuex yuz phic raungnyauk nuex yurc gay rvhumc tuex. Kvruex yuq vkhoarc vsez nuiyc rung vwac tvkauk wuez shuex,” ngoz tueq.

Muklom

¹² Etho Rangmungtan náng utang wangching angta tha anak náng beychak na, eshina ning ukhap etho paa tachikkak eq tong na.”

Matthew 8:12 Referencias Cruzadas

Tvtsvmc 112:10

Abi kloti raq ara chhitlo raüta kai khiqtlo, tsangshiq makshutsi ma liitlo; raüta tsangshiq ka mokitlo; tsangshiq ranphan chang ka pattup miitu thumkitlo.

ISAIA 65:14

Tsangshiq ka khoqriiq shishiiq ashi ange misi wan. Shatmaq namshiq ka tsan among bunlaklak mihoqsiq wan han.

Matthew 13:38

Wak ngutlaq kriika mangjong hiq ara nangnga ngutlo. Tsam lai ahea kriika Shiikeawe sengi maiqse sitlaq kra. Sang ngutlaq kriika Thawe rii maiqse mangjong hiq na sitlaq kra chongtlo.

Matthew 13:42

Raüta rasetiim raq tsangshiq thun ka walü henghea nyai rai tlaq kra mong kiiniishe mitiidea chaq baiq wan. Kiijaq tsangshiq ka rongchit wichit, aho asii watrang liishe, walü mong na mikhiim phaq wan.

Matthew 13:50

Raüta tsangshiq ka walü tum kaü henghea nyai rai tlaq kra mong niishe wiita mitiidea chaq baiq wan. Kiijaq tsangshiq ka arong awi chitwa trang liishe mihoq phaq trang wan.”

Matthew 21:43

Arthaq na tiitsuq saq she Jesuq raq tsangshiq ma, “Ara chong tiikang arai mren, ümchaü sanha, Shiikeawe Mungtan ka namshiq jaq wa anyeashe mirho. Raüta mung ahinti, atsi ahea tsingo wantinok miishe midi kuq wan.

Matthew 24:51

Krai mren, atijong we raq apaiq ka bunlak buncha michum baiq. Raüta mongnam nok rai khoshi na mitübaiq. Kiijaq apaiq ka aho anyi wa la kiimaq arong awi tiichitwa trang liishe mongnam nok rai mihoq phaq dam.”

Matthew 25:30

Kiimaq ara thiihü jaqshise arka, ümchaü sanha i na kinphai ranyaq nyang mong kiiniishe hitbaiqki rongkiq. Kiijaq apaiq ka arong awi tiichitwa trang liishe mihoq phaq wan laq.’

Luke 13:28

Kiijaq, namshiq ka namrong namwi kra tiichit watrang liishe mihoq phaq han. Namshiq raq kiijaq, Abraham, Isak kiimaq Jakob kiimaq shammibi thun tarü, Shiikeawe mungtan na michhi han. Kiimaq namshiq maiqmii riiwe kriika, kinphai na mishang baiq.

Acts 3:25

Namshiq ka shammi lai ala nok sitlan. Kiimaq Shiikeawe raq namtitiim rai tongshong wantaq kra ramkham maq tiibok wanje she. Shiikeawe raq Abraham ma, ‘Ümsaü ümsetiim lümaq, ngi raq mangjong maiqse tlotli ma achu mishman kuq ha,’ nguta kiqkham kuqto.

Romans 9:4

Ara jamkhano chongtiikang ngukla, tsangshiq ka Shiikeawe sengi. Apaiq raq tsangshiq ka asetiim miishe tiija wanto. Raüta, apaiq raq tsangshiq ma, apaiq achhai anyii khushü ngao kra, tiichhikuq wanto. Raüta, tsangshiq ka apaiq raq tongshong wantaq thun kra ram kham maq tiiham wanto. Raüta, apaiq raq tsangshiq ma Thungtri ka kuqto. Shiikeawe raq tsangshiq ma, riikhaqli maq, apaiq shomnoq wan lam kriimin tiichhi kuqto. Kiimaq, tsangshiq raq, Shiikeawe raq tsangshiq ma akuq, kiqkham kongphiq raütu kriimin lap wanto.

2 Peter 2:17

Ara arot shrabi thun arka khamrai arü arki, jükhü sitlaq ikha süpotpot. Kiimahali tsangshiq ka phumlü da, ra na rahai raq pan tlaq ikha, khampü ahü phumda sitlaq ikha. Shiikeawe raq tsangshiq ka Phangthum Khapho Ranaiq, ranyaq tangtang mong kiina mitiidea baiq.

2 Peter 2:4

Nashiq raq asap i, Shiikeawe raq ashutti rasetiim kha ka tiihang mak maq photo she. Raüta tsangshiq kha ka tanto she. Raüta tsangshiq ka wamungtan na tiidea baiq wanto she. Ümchaü tsangshiq ka wamungtan na jinraü kharü maq kha raüta ranyaq tangtang phaqtek mong na shaq raüta thü tlo. Phangthum Khapho Ranaiq na saüli tsangshiq ka kiijiili she mishaq baiq.

Jude 1:13

Tsangshiq raq ngarai jaqsham tlaq arka, sammoktra kham raq takii na ashe khamphom tsuqbaiq tlaq ikha. Tsangshiq ka pongmü riimü khumti, ra na raiqsaiq khumtlaq ikha. Tsangshiq miitu, makse riimin khonlot mak chang, ranyaq jonghea ka Shiikeawe raq tiijeje she thü tlo.

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.

1 SAMUEL 2:9

“Apaiq awokhong na siti, asengi khup wong kuqtlo, shatmaq abi maiqsetiim ka ranyaq mong na mowantlo; maiqse raq aningkun maq rekhat tang wan lot mak.