Matthew 6:30 - ASII LAKDAP Bible (BSI)

³⁰ Shiikeawe raq mangjong hiq raikhü ka atinkhan tsomhea pepü wiihii maq tiimiikhiiq tlo. Arka jaqlose miitu li. Ümchaü asi anap ka ashin she mirki. Ikha jiika, ümniima Shiikeawe raq khu akhea ka kuq sam mak shea miraq? Üm kamtsantsii ka jaro ran rai tla!

Hawa Naga Bible 2001

³⁰ Tishox muex kvmluimx thuinz hungx muq jix lex, majuiuc raungnuiyq httax ruiux invp raungnuiyq kuex wvr nuex jauk gay yaq, yaruix rumz wawc httuingx jungx muex Tishox rueq kvkhoc tvsvmc kuq ruiux kuex, kvruex htauk nuex jvnc vtueq nuimshiq muex tvsvmc kuq shuex rvmuq haz?

Muklom

³⁰ Iri pilpung raa thaney aa atharang, inap aa wal náng tak chakna, etho Shkewa hun eshima tasampey aa. Ethi mal ang ajo, Shkewa nim ma iri phey náng eq rapney aqhal tasampey pha nin. Nim kam sha rapney aming!”

Matthew 6:30 Referencias Cruzadas

Tvtsvmc 92:7

abiwe ka sangcham ikha mijong wan, ashut kiimungti thun ka chiithe min mija wan sham; li jiimin tsangshiq ka miqchup mitiithenbaiq,

Matthew 14:31

Kiijiishe, Jesuq raq ajaq maq Petar ka hitjoq lapto, raüta, “Ümkam tsantsii ka jaro ranrai tla! Ümniiraq ngi ma kamtsantsii thü wan ka, tsanko tsanki ka jamkho thü tlaü?” nguta sonto.

Matthew 16:8

Jesuq raq tsangshiq liipan na riichong ka tai raüta tsangshiq ma waito, “Namshiq liipan na winsii ahü ngutiika jawa riichong rai tlan? Namshiq kamtsantsii ka akhiisiimin ahü ka jaro!

Matthew 17:17

Kiijiishe, Jesuq raq treto, “Namshiq kamtsantsii ka ahü. Kiimaq namshiq ka ajiq! Ngi raq namshiq chanja ka ümloq cho na saüli wa minin wanha ta? Üm se ka ana iphana shea wan laq!”

Matthew 8:26

Jesuq raq tsangshiq ka sonto, “Namtsam ka kiitinkhan jaram kiinyii rai wa? Namshiq kamtsantsii ka ranhea!” Kra ngu raütiishe apaiq ka tiidopot raüta, rathaiq hengwa nai khamtso blun hengwa kriima, “Tsaq ronglaq” nguta aming tatto. Krai mren, rathaiq nai khamtso brak watrang kriika sangsaq li she, kaiqshak sanglili she sangkito.

Mark 4:40

Raütiishe, Jesuq raq ajaqshisetiim ma nguto, “Namshiq ka jam nguta hairai wa? Namshiq raq ümchaü niitaq ngi ma kamtsantsii ka thü man sha?”

Mark 9:19

Jesuq raq tsangshiq ma nguto, “Namshiq ara kamtsantsii thü man! Ngi ka namshiq raili siwan ruq sha misi ha? Ngi raq namshiq tiinan shan kriika jam riim mo minin ha? No ka ana shea wan laq!”

Luke 12:28

Ara rum wa sangphii tiipü tlaq arka Shiikeawe raq ahata. Ara sangphii arka ümchaü asi anap ka ahü she. Wa na achaq baiqkun she miraq. Riita arthaq na apaiq raq namshiq ma apa khu akhea tiisam kuq mak sha miraq? Namshiq kamasham ka jamkhiiwa tran tlan!

Luke 9:41

Kiijiishe, Jesuq raq treto, “O kamasham ahünok le. Maiqjiq angi nola nok le. Akhiiwiqwiq! Ngi ka namshiq rai ümtinkhan na saüli wa misi wan ha? Lata namshiq homa kra miho wan ha?” Kra ngu raütiishe, apaiq raq awe ka, “Ümse ka ana i phana shea wan laq,” nguta heato.

John 20:27

Tsangshiq rai kra bom raütiishe, Jesuq raq Thomas ma nguto, “Riita, ümchaü min, ümjaq shi maq arjaq chhum liina. Kiimaq, i jaq phi miphan ara lii liina. Laüta, ümjaq shi maq, i siimpii na amiphan sitlaq arjaq ümjaq maq sham liina. Ümchaü min kam maü li riishatshat ka naq si kiq she. Ümchaü sanha kam liishe!”

Hebrews 3:12

Lungwii Phungmaiqse phunainotiim lei, namshiq phong wa jurmin tiima tsantsii ka abi naq thü rongkiq. Tsantsii abi thüti nai angiim boqshat maq siti ka, atra Shiikeawe wokhong wa adong mirho. Shiikeawe wokhong wa dongho man chang miitu, honkam shat maq si rong laq.

1 Peter 1:24

Asii bomtsi na akha chongtlo, “Maiqse angu ka sangphii cham tlaq ikhli, kiimaq tsangshiq jongla khushü kiimin rum wa pepü ikhli. Sangphii ka ashin riiki tlo, kiimaq pepü kiimin hiq na rokki tlo.