Matthew 6:28 - ASII LAKDAP Bible (BSI)

²⁸ “Khu akhea miitu ka jaram chapa wa? Rum na lili pepü sitlaq kra tsomhea. Kra liimanta. Pepü ro raq kheataq sam ma nguta chhi arai min sham mak.

Hawa Naga Bible 2001

²⁸ “Kvmaq khoz vkhvy tvkoc yvmx ngoz tueq lac rvwvl vtuinx? Yaruix rumz wawc pulx puic kuex yvmx khoc lac yungx wvnc yaq nguinx tvmaung wuez shuinz; tsuingshiq rueq yauk muinz shuimx muq khvy muinz tauk muq.

Muklom

²⁸ “Etho nim aa kho aa khat rangma cham ma tathin inn? Jatwang pilpung tang ri siin inn; eshey chamtho som moq etho khat tho wat moq.

Matthew 6:28 Referencias Cruzadas

Hosea 14:5

Tsamjang maimak longkaü ikha kealoklok. Ra mitiijun ha Israilnok ma. Khiqra wak tsamhea ikha Israilnok mijong wan. Lebanon pum wa pero ikha, arang phataqtaq micham wan.

Matthew 10:10

Wanhiq khum lam maq wiho chang thongkhiiq kiimin wiho ra mak. Samtong achan, hokpa achan kiimin rongho ra mak. Kiimaq nyeakii achan kiimin thiho ramak. Minshiiqti raq jaq maq ka lap phaq sia ra dongdii.”

Matthew 6:25

“Arkha maq tiina ngi raq namshiq ma chongtiikang. Atra maq si ma tiipao wan miitu nai khum tiikhe miitu khu akhea rong ratlaq kra miitu naq chapa rongkiq. Rilung ka dung jada thaq na ara. Kiimaq khum ka khea sam wan tiikai arthaq na ara.

Matthew 6:27

Jurmin achapa wan lam maq rilung ka alu siwan lot mak.

Matthew 6:31

“Arkha maq: phaqsea khamnyang ka jamwo milap i, kiimaq khu akhea ka jambawo mihum sam rong i nguta naq chapa rongkiq.

Luke 10:41

Kiijiishe, Tatiwe raq apaiq ma treto, “Martha, Martha, ümniika phanrap phanrii tiima laüta, acha apa kiimaq tsaihü jihü sitlaü.

Luke 12:11

“Ümtiikiiwa namshiq ka sinagok thun niilo, riimak la honyung hokhambi rung na lo, tiichap raüta, kha mipho, kra ranaiq akhing na, namshiq khum tiichhii miitu bom ka jamkhii chong chang wa nguta, tiima lanta naq chapa rongkiq.

Luke 12:22

Kra chongkuq lot raütiishe, Jesuq raq ajaqshisetiim ma akha chongkuqto, “Arkha maq tiina, ngi raq namshiq ma chongkuq tiipha ara. Atra maq siwan miitu, dungjada ra tlaq kra nai khum tiikhe chang khu akhea ra tlaq kra miitu, namshiq ka naq chapa rongkiq.

Luke 12:27

Liimanta, rum na pepü wiihii kra jamkho jonglutla? Tsangshiq raq minshiiq mak, lo, khu akhea min taq sam mak. Shatmaq, ngi chong pha. Hokham we Solomon ka, atsiiq anyam ama chamtraq maq siti we riito. Shatmaq, apaiq miirii khu akhea thun kriika, ara chong tiikai pepü wiihü tsom tlaq, atinkhan ka tsom mak.

Luke 3:11

Kiijiishe, apaiq raq tsangshiq bom ka treto, “Ju jaq niiwa, samtong anai asi, kriiti raq samtong ashi min ahüti miitsan maiqse kiima, samtong ashi kra kuq ronglaq. Kiimaq ju wa wok phetak tak sitlan, kriiti raq miitsan maiqse amang ale maq sitlaqti kriima, tü adung ka kran kuq lanta si ronglaq.”

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

1 Peter 5:7

Ümchapa hekiilai ümchuwa sitlaq kra apaiq ma phong kuqlaq. Jamkhano ngukla apaiq raq ümnaq shiikum pantlo.