Matthew 6:25 - ASII LAKDAP Bible (BSI)

²⁵ “Arkha maq tiina ngi raq namshiq ma chongtiikang. Atra maq si ma tiipao wan miitu nai khum tiikhe miitu khu akhea rong ratlaq kra miitu naq chapa rongkiq. Rilung ka dung jada thaq na ara. Kiimaq khum ka khea sam wan tiikai arthaq na ara.

Hawa Naga Bible 2001

²⁵ “Kvkhoc rvtueq ngaz rueq nuimshiq muex jungx vphaungx kuex rullungx tvraungx httax tvkoc yvmx phuiuz yvmx svy juing lac, rvmuq ngoz ruiux gvnngvmx tvkoc yvmx svmc juing lac ngoz tueq nauk tvmaung kaz. Kvruex rullungx kuex phuiuz vsvy htauk nuex muinz vraungc rvmuq haz? Gvnngvmx kuex khoz vkhvy htauk nuex muinz vraungc rvmuq haz?

Muklom

²⁵ “Ethi rangma nga nim ma batphang, chamlang ling phaksat ta nim rollung rangma nak tathin inn etho chamlang sampey ni ta nim hanphung rangma nak tathin inn. Rollung sha phaksat wang eq tho ajong, etho hanphung sha khat wang eq tho ajong.

Matthew 6:25 Referencias Cruzadas

Tvtsvmc 55:22

Üm chamchao ka Tatiwe ma kuqlaq, raüla apaiq raq ümniika mitiiwongkuq; apaiq raq mitting maiqsetiim ka re ma tiitang mak phan.

JEREMIA 45:5

Ümniiriika ümnaq miitu pong na raitlii raüta liikuq raüjaq ahea chang ngutiisha tiima tlaü? Kriika naq tiimara kiq. Ngi raq mangjong maiqse kunli khuthaq na chamchao rathaiq mitiisaü wanha. Shatmaq ümnaq riiwe kla ümmiisaq ka thummak maq, ümniika ümriiba niili kihaü jiimin, lun wan ruq milun haü. Arka Ngi, Tatiwe raq ngutiikang.”

Matthew 10:19

Ümtiikiiwa namshiq ka rung na tiichap wantlaq, kra akhing na tsangshiq bom ka jamkhii tre chang wa miraq nguta tiima lanta akhiismin naq chapa rongkiq. Kra akhing na namshiq khum tiichhii miitu jamlai bom chong chang wa miraq, kriika Shiikeawe raq namshiq ma achong mirkuq.

Matthew 13:22

Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Matthew 6:31

“Arkha maq: phaqsea khamnyang ka jamwo milap i, kiimaq khu akhea ka jambawo mihum sam rong i nguta naq chapa rongkiq.

Matthew 6:34

Arkha maq anap miitu ka naq chapa rongkiq. Anap miitu ka anaptiq tiima wan chang. Aranaiq holai jamlai wa sitlaq, kriili howan lili ronglaq.”

Mark 13:11

Kiimaq ümtiikiiwa namshiq ka, maiq raq lap raüta, rung na tiichap wantlaq, kra akhing na, namshiq raq maiq bom ka jamkhii tre chang wa miraq nguta, kongkhu na naq chapa rongkiq. Rung maq maiqse raq namshiq ma bom wai tlaq kra akhing na, Asii Wenyi raq tsangshiq bom ka jamkhii tre chang wa kra namshiq ma achong mirkuq. Kra phanphan namshiq raq tsangshiq bom ka mitre han.

Mark 4:19

Shatmaq, mangjong han-ngam miitu chapa, tsiiq anyam ma ranphan, kiimaq laihin phanrap phanrii miitu ranphan tsii riili she bomtsi ka, tsangshiq tsan mong na tiicham mak, nyaho tlo. Kiimaq tiitsi ngo mak she tiimo baiq tlo.

Luke 12:11

“Ümtiikiiwa namshiq ka sinagok thun niilo, riimak la honyung hokhambi rung na lo, tiichap raüta, kha mipho, kra ranaiq akhing na, namshiq khum tiichhii miitu bom ka jamkhii chong chang wa nguta, tiima lanta naq chapa rongkiq.

Luke 8:14

Tsamlai wiijam kiimko rang babaiqhü ba na arokti ka ara. Maiq ümriiti riiwa Shiikeawe bomtsi ka taitlo. Shamtaq, mangjong han-ngam miitu chapa tlaq kriiraq, kiimaq tsiiq nai nyam ma ranphan tlaq kiimaq mangjong han-ngam peo lam phan tiima tsantsii kriiraq kaqhotlo. Raüta, tsangshiq kamtsantsii ka tsingo mak bikitlo. Kriiti ka tsamlai shuk cham mong na arokti maq shiiton tlo.

Romans 8:32

Shiikeawe apaiq riili, Ase shaq santla, tiihang mak maq, nashiq tarü miitu honglu na kuqtaq! Apaiq raq nashiq ma, Ase santla kuqtaq, ikhiijiika, apaiq raq nashiq ma laihin ümchuwa raa wan tlaq, kriitiq sha phe maq kuq mak miraq?

1 Corinthians 7:32

Ngi raq namshiq ka akha acha apa mong wa binlu binli sihan jaq ahea riichang nguta tiima tiikang. Noriiwe, achak lamhüti riika, atsan atsii ka Tati jaqsham na kiinong tlii mikuq lot. Ara jamkhano chongtiikang ngukla, apaiq raq Tatiwe tsan tiihea miitu atsan atsii ka tiitsi raüta jaq misham lot.

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

2 Timothy 2:4

Phenla ma jati riika, awela we raq apaiq ma jamlai aming wa tat jiiq, kra tsapkapkap maq tai chang. Raüta, awela we tsan tiihea miituli sitlo. Apaiq raq mungmaiqse jaqsham na, atsii ka tiiphang phiimki mak phan.

1 Peter 5:7

Ümchapa hekiilai ümchuwa sitlaq kra apaiq ma phong kuqlaq. Jamkhano ngukla apaiq raq ümnaq shiikum pantlo.