Matthew 6:19 - ASII LAKDAP Bible (BSI)

¹⁹ “Namshiq miitu tsiiq nai nyam tum ka mangjong hiq na naqto rongkiq. Arwiika sap nai chhii raq miphaq. Kiimaq thiimeaq raq mitek. Kiimaq ahuk raq mihuk ho.

Hawa Naga Bible 2001

¹⁹ “Vhttvp vphez rueq phauk tvbac gay ruiux, vguiuq vrot rueq tvpuc guiuq lot yaq ghaq htauk vyuq nuimshiq tsak vnyvmx kuex nauk yoalc taq kaz.

Muklom

¹⁹ “Iri mingkang roq nim rangma likti ngin sang shi nak thajoq shing inn, iri likti ngin sang raa jongbal aa tashit chakna etho ram eq phakna, etho ahut miq thu eq hutchu wanna.

Matthew 6:19 Referencias Cruzadas

YOBA 24:16

Ahuk jati kong ka rawa wan raüla maiqjam na ki raüta hukkitlo, shatmaq ranaiq niika tsangshiq atiipaü riitlo, kinphai na dong mak riitlo.

YOBA 31:24

Ümtiikiimin ngi raq tsiiq tum ma kamtsan tsii thü wan mang

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

Tvtsvmc 62:10

Riitsea riita ma naq kamkiq; thiimeaqtek laüta amet milapha nguta naqkamkiq; ümtsiiq tum thun ka mawan raü min, kriima naqlamkamkiq.

DUNGWVNC 22:2

Apaiq raq jamlai wa huktaq kriika apaiq raq thamke raa dongdii. Kiimaq apaiq jaq na thiitham ke chang jam min ahü she raüla, apaiq ka di ma sha raüta apaiq raq huktaq kha kra thamke chang she miraq. Kiimahali apaiq raq ahuk ho minsaü kaü lo, riimakla kumtoq kaü lo, riimakla sku kaü lo ka ajaq na atra asi hum raüla, apaiq raq kaüshi huktaq kriika kaünai maq thamke chang she. “Kiimaq ahukwe ka rawa na maiqjam na ahuk jawa awa kiiwa lapho raüta tsatbaiq raüla, kra ahukwe tseatiwe kriika matwe riimak. Shatmaq kra ahuk ja ka ranaiq na adong wiila tsat raüla, apaiq ka matwe ma mija.

TAKSU LAK 11:4

Ningthoi ranaiq tsiiqtum raq, ümrilung tiichhii lot mak. Kechu jaqsham raq üm rilung mitiichhiilot.

TAKSU LAK 16:16

Chaq nai seng riichom nam miika, taksu tsii nai nyan phaqchi tsin chang. Arka rahea pinthum.

THARC TVLUINGC 2:26

Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

JEPHANIA 1:18

Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.

Matthew 19:21

Kiijiishe Jesuq raq treto, “Ümniika awongsii maiqshaq ashi ma jawan ro tlaü jiika, ümjam na kilaq. Laüta ümtsiiq ümnyam ümchu wa sitlaq kra wiita asha riilaq. Laüta kra kampho ka miitsan miijan maiqsetiim ma pheakuq laq. Kra riihaü jiitiq ümniika mungtan na chiithe ma mija wan haü. Kra laüta ngi phana wara. Kiimaq i jaqshise ma ja laüta, i jai she phan laq.”

Matthew 6:20

Ara rii na, namshiq miitu tsiiq nai nyam tum ka ramungtan na thü wan lili rong laq. Kiiwa ka sap nai chhii raq phaq lot mak she. Kiimaq thiimeaq riimin tek lot mak she. Kiimaq ahuk riimin huk wa lot mak she.

Luke 12:21

Kiimaq Jesuq raq bom ka akha shatto, “Ara chong tiikang akhiisii maiq juwa han-ngam niili rongboq win tlaq, shatmaq, Shiikeawe maklii na, miitsan sitlaq, kriiti thun ka athum mirki.”

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 12:39

Kiimaq namshiq raq asap han, jamchongti we raq ahuk saüwa akhing ka sapshat ngu raü jiika, ajam ka ahuk ma tiihuk mak miraq.

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Luke 18:24

Jesuq raq apaiq tsanbi wa ka chhito. Raüta akha nguto, “Chiithe maiqse raq Shiikeawe Mungtan na nyap wan ka aha pinthum!

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

Hebrews 13:5

Kampho ma naq sü ramrai rongkiq. Kra rii na, namjaq na jamlai wa asi, kra sham lantli, chochikhiq maq si ronglaq. Jamkhano ngukla, Shiikeawe raq, “Ngi raq namshiq ka ümtiikii jiimin, amang ale maq tiichamchao mang. Ngi raq namshiq ka ümtiikii jiimin, tiishaü baiq mang,” nguta ngutlo.