Matthew 5:34 - ASII LAKDAP Bible (BSI)

³⁴ Shatmaq ümchaü ngi raq namshiq ma chong pha: Shiikeawe mang chong laüta min kongphiq naq kha kiq. Ramungtan mang chong laütiimin kiq naq khamkiq. Arka Shiikeawe ngachang ngacho.

Hawa Naga Bible 2001

³⁴ Yuq muinz majuiuc ngaz rueq nuimshiq muex jungx kuq ix, nuimshiq rueq bomkhvrc taq shuinx nuex kvtuemc kvjaz yvmx muinz nauk shuimx kaz, raungx muex kvtuemc lvp tuinx rvmuq, yvmx khoc lac ngoz ruiux lec kvruex kuex Tishox hoc daungraungc rvtueq;

Muklom

³⁴ Etharin thanga nga nim ma batphang, nim aa chamlang ta tho ráng nak tum inn; mungtan miing o ráng nak tum inn, chammatakoi esha Shkewa tongching;

Matthew 5:34 Referencias Cruzadas

Tvtsvmc 11:4

Tatiwe ka apaiq asii shomjam na; apaiq hokham ngacho ka ramungtan na. Apaiq raq maiqse ka barap binrii wa liitlo kiimaq tsangshiq raq jamlai wa klotlaq kra wiita asap.

THARC TVLUINGC 9:2

Maiqse liipan na jamlai tiikhothiq chang min ahü. Wiitarü ma kharii ka ashi li saütlo. Kechu maiqse miimin kiimaq ngarai maiqse miimin, kharii ka adamli. Maiqshaqti miimin, kiimaq ngarai maiqse miimin, ajiq maiqse miimin, maiqshaqwe miimin, kiimaq abi ashutwe miimin, akam alam maiqse miimin, kiimaq kammak maiqse miimin, kiimaq honglu keti maiqse miimin, kiimaq honglu kuqmak maiqse miimin, adam li saütlo. Maiqshaqwe kiimin ngarai maiqse kra thaq na ahea lin ka riimak. Atiitumtiwe ka, tiitum makwe thaq na holi riimak.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 66:1

Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?

Acts 7:49

Tati raq ngutlo, ‘Ramungtan ka i ngachang hokham ngacho. Kiimaq mangjong hiq ka i hok tiida chang hüda. Ümniiraq ngi ma jamkhiinok jam wa mihai kuq haü? ngi sichang jam ka ümbano?

James 5:12

Lungwii Phungmaiqse phunainotiim lei, ara chong tiikang bomtsi arka akhek pinthum ashi. Namshiq raq ümtiikiiwa bomkham kongphiq raü kha tlan na, ra mang chong lantiimin naq kham rongkiq, kiimaq hiq mang chong lantiimin naq kham rongkiq. Kiimaq bom achan min naq tiitsuq rongkiq. Namshiq riika, “Ngi raq kiq kham tiikang arka misham ha dongdii,” riimak la, “Ngi raq sham mang ngutiikang arka, ümtiikiimin sham mang dongdii,” ngutli bom ronglaq. Kra bom kham kongphiq kha tlan krai mren, akhing hongto angu na, kongphiq raükha ka dii wan ra tlo. Akha ating arai maq sihan jiila, Shiikeawe raq namshiq ma kha ka tiiho mak miraq.