Matthew 27:63 - ASII LAKDAP Bible (BSI)

⁶³ Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

Hawa Naga Bible 2001

⁶³ “Jiyungx waz lex, vrot vkaq waz vpiq vtvraungx httax tueq jauz, ‘Ngaz kuex raungnuiyq thuimx yix maq yuing kvtenc wvnc yek taungx,’ ngoz tueq max thueyc kaz nuex vjungx shec kvjaz kuex nuiyshiq rueq rvwvl lvp vshix.

Muklom

⁶³ “Tatalteywa, í aa tasik eq i, eshi hutdip tey wa they atharang ang atho batta, ‘Nga saltom jio wey jey náng.’

Matthew 27:63 Referencias Cruzadas

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 17:23

Tsangshiq raq apaiq ka atsea she mirbaiq wan. Shatmaq ranaiqtsam ngo jai maq apaiq ka ama wa atiidong mirwan nong.” Kra tai raüta ajaqshisetiim tsan ka pinthum bito.

Matthew 20:19

Raüta tsangshiq raq Pongmung maiqse jaq mong na mihit kuq baiq. Tsangshiq raq apaiq ka mihaihii. Chunpo-nyam chongwai maq mitsat. Raüta pumsongkham na mitübaiq. Shatmaq ranaiqtsam jai maq, apaiq ka ama wa adong mirwan nong.”

Matthew 26:61

Raüta tsangnai raq, “Arwe kaü ariiraq Shiikeawe Shomjam ka tiithen baiq raüta, ranaiqtsam jai maq hali mihailot nong ha nguta chongto,” nguta kha ka nyanto.

Matthew 27:64

Riita ümchaü min ajong we le, amakho ka ranaiq tsam na saüli, phenlabi ma samheawiq maq tep tiikhe wan miitu aming kuqlaq. Kra riimaü haü la, apaiq jaqshisetiim ka makho kiijaq kiraüta, ama ka ahuk mirwan. Raüta apaiq ka ama wa dong wanto she lii nguta nokwe ma arot akiq shapshaü she mitiipa wan. Riita ara atiisup wan shap shaü arshe tiidong pan wan raü jiika, apha lak wa shapshaü pan wantaq kra nam miimin, abi pinthum she miraq.”

Matthew 28:6

Apaiq ka arjaq ahü she. Apaiq raq namshiq ma kongkhu ji maq jamkho chongkuqtaq krai mren, Shiikeawe raq apaiq ka ama wa tiidong wanto she. Ana warong ra. Lanta apaiq wechang na liiwa manta. Apaiq ka ajaq ahü.

Mark 10:34

Tsangshiq raq apaiq ka mihaihii. Adü na tho maq mitho. Jinponyam chongwai maq mitsat. Raüta apaiq ka atsea mirbaiq. Shatmaq, ranaiqtsam jai maq, apaiq ka ama wa adong mirwan nong.”

Mark 8:31

Kiijiishe, Jesuq raq ajaqshisetiim ma tsii ka akhiishe chongkuq hoto: “Maiq Se ka pinthum chamchao ra dongdii. Kiimaq welabi, ramwe jongbi, kiimaq Thungtri shrinketibi raq apaiq ka mitiishaü baiq. Apaiq ka atsea mirbaiq. Shatmaq, ranaiqtsam jai maq apaiq ka adong mirwan nong.”

Mark 9:31

Jamkhano ngukla, apaiq raq ajaqshisetiim ma tsii chongke chang riito. Apaiq raq tsangshiq ma chongto, “Maiq Se ka maiqjaq mong na mikuq baiq. Tsangshiq raq apaiq ka atsea mirbaiq. Shatmaq, apaiq ka ranaiqtsam jai maq, adong mirwan nong.”

Luke 18:31

Jesuq raq ajaqshisetiim roqshi ri anai ka pong ba na sheaho raüta chongto, “Tai ronglaq! Nashiq ka Jerusalem na kitiikai. Kiijaq Maiq Se miitu shammibi raq jamlai bom wa tiithai chong thütaq thun kra kunkun she miku wan.

Luke 18:33

Tsangshiq raq apaiq ka chunpo-nyam chongwai maq bunlak mitsat. Raüta, mitsat baiq. Shatmaq, ranaiqtsam jai maq, apaiq ka atra midong wan nong.”

Luke 23:2

Raüta, tsangshiq raq apaiq ma kha ka akha nyanto, “Arwe ariiraq, naishiq nok mungmaiqse thun kriika, mungshuk lam phan na sheaho wa, naishiq raq apaiq ara lap wan kai. Apaiq raq Roman Hokham we ma phunta kewan ra mak nguta mungmaiqse ka tiishontlo chhi tiikai. Kiimaq, apaiq ka naishiq Jehudinok mung thaq na Khristo nguta tiichongtlo. Kriika hokham we nguta tiingo riito.”

Luke 9:22

Kiimaq, apaiq raq tsangshiq ma akhri chongkuqto, “Maiq Se ka pinthum chamchao chang dongdii. Kiimaq welabi raq nai ramwe jongbi raq, kiimaq Thungtri shrinketibi raq shleq baiq chang dongdii. Apaiq ka atsea mirbaiq. Shatmaq, apaiq ka ranaiqtsam ngo jai maq, atra hali mitiidong wan nong.”

John 2:19

Kiijiishe, “Namshiq raq ara Shomjam ara tiithen baiq han jiila, ngi raq ranaiqtsam liipan niili mihai nongha,” nguta Jesuq raq tsangshiq bom ka treto.

John 7:12

Maiq muklung riinyiim rai tlaq liipan na, Jesuq miitu bom riiwaisoti maiq ka pahea riito. “Apaiq ka maiqshaq,” nguta maiq wiijam raq nguto. Kiimahali, “Riimak. Apaiq raq maiq tiishontlo,” nguta maiq wiijamti raq hali khiito.

John 7:47

Kiijiishe, Phorisinok raq, “Namtsam kiimin apaiq mo niishe sha shang wan dam lan?

2 Corinthians 6:8

Naishiq arka maiq wiijamti raq ashreng riitlo; kiimaq maiq wiijamti riika atiijeasi li riitlo. Naishiq ara ashummii min riitlo. Kiimaq asomra min riitlo. Naishiq ara trotkiq wanti min kiitin khan asi. Shatmaq naishiq riika tengteng bomtsi kli chongkuq tiikai.