Matthew 27:42 - ASII LAKDAP Bible (BSI)

⁴² “Apaiq raq nanok ka chhii kuqto. Shatmaq maiqmii khum ka tiichhii phaq tsii mak! Apaiq ka ngohea shaqshaq Israilnok Hokham we dea jiika, apaiq ka ümchaü pumsongkham kiiwa satkai chang! Kra ngu raü jiitiq nashiq raq apaiq ka Messia dea nguta mikam rong i!

Hawa Naga Bible 2001

⁴² “Vpiq rueq miq vganc kuex palc wvnc lot yaq, yuq muinz vpiq shauk gvnz kuex kvpalc wvnc lot muq ix! Vpiq kuex Israel Hokhvmx waz rvmuq haz? Yaukjuinc bulx kvwawc majuiuc svt kaz ruiux yuq nuiyshiq muinz kvmx khvmz tix!

Muklom

⁴² “Piq aa miq dak tang thalun eq ta, etharin piq ni piq sha jin thalun moq. Piq raa Israel tang lungwang i? Thanga bólq ni wang qhat ka pha jo hiqtang aa piq sha kam ni.

Matthew 27:42 Referencias Cruzadas

Matthew 2:2

Raüta akha waito, “Jehudinok hokhamwe ma jati no dotaq kra ümchaü ümbano? Naishiq raq apaiq raiqsaiqpo ka shedong mung nü na atiiji arki chhi kai. Kra chhi laita naishiq ka apaiq shomnoq kai ana kikai.”

Matthew 27:37

Tsangshiq raq apaiq khu thaq kiijaq, apaiq tsaitaq kha matkii bomtsi kra, “Ahata Jesuq, Jehudinok Hokham we,” nguta waiq thüto.

Matthew 27:40

“Ümniika Shomjam tiithen laüta ranaiq tsam liipan niili mihaiha ngoti we! Ümniika Shiikeawe Se dea jiika ümchaü min ümkhum ka tiichhii liina! Laüta pumsongkham kiiwa satkikiq!” nguta slai lii siqto.

Matthew 27:41

Kra niq riri sii hali, ramwe jongbi nai Thungtri shrinketibi kiimaq welabi riimin apaiq ka akha slailiisiqto:

Mark 15:31

Kiikhiisii hali, ramwe jongbi nai Thungtri shrinketibi riimin, Jesuq ka slailiisiqto. Tsangshiq liipan na, “Apaiq raq nanok ka tiichhii kuqto. Shatmaq, apaiq khum ka tiichhii phaqtsü mak nya.

Mark 15:32

Ija, ümchaü nashiq raq liirong i shaq na. Khristo, Israilnok hokham we kriika, ümchaü pumsongkham wa misat ki liina. Kra satki raütiq, nashiq raq apaiq ma mikam rong i!” nguta tsangshiq raq apaiq ka slailiisiqto. Kiimaq apaiq rai, maiq wenai pumsongkham na atü baiq dam, kra riimin, Jesuq ka slailiito.

Luke 19:38

“Shiikeawe le, Tati mang na hokham we kitlaq kiima achu shiiman kuq laq! Ramungtan na khu asang mirlaq! Kiimaq Shiikeawe khushü kli mijong laq!” nguta arii ariiq she wawanto.

Luke 23:35

Nokwe thun ka kra thun kra liisea chapkito. Kiimaq Jehudinok welabi raq, “Apaiq raq nanok ka chhii kuqto. Ümchaü min, apaiq ka Shiikeawe raq ashong Khristo dea jiika, apaiq khum ka mitiichhii liina!” nguta apaiq ka shummii siqto.

Luke 23:37

Raüta, “Ümniika Jehudinok hokham we jiika, ümkhum ka ümniiriili tiichhii liina!” nguta slailiisiqto.

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 12:13

Krai mren, mungmaiqse raq taitsi hii ka maiqmii jaq na doraq maq, Jesuq taokai nguta, chii phai niishe arü ariiq wa trang liishe, kongta hushhu maq kihoto. Raüta, tsangshiq raq apaiq ka tao wanto. Tsangshiq raq apaiq tao wan lam maq, “Shiikeawe ka shreng rong i! Shiikeawe lei, ümmang na juwa kitlaq, kriiwe ka shiiman kuq laq! Shiikeawe lei, Israilnok Hokham we ka shiiman kuq laq!” nguta arü ariiq watrang liishe apaiq ka tao wanto.

John 12:47

Ashi ra raq, i bom chong ara taishatshat taü maq, lang mak jiika, ngi raq apaiq ka kappe maq shin mang. Ngi ka mangjong maiqse kra ajiq alam nguta shinkai akiha ka riimak. Shatmaq, mangjong maiqse tiichhiikai miitu kikang.

John 9:24

Welabi raq thongshi ri hali, anyung pukdong makchuk wa aheaki we kra tiiheaki nongto. Raüta tsangshiq raq apaiq ma waito, “Shiikeawe man na bom ka tengteng chong laq! Naishiq raq asap hai, ümmak tiipiiq keti we ka ngarai maiq se.”

Acts 4:14

Kiimahali, maiqwe atsi wa aheakiwe kriiri, tsangshiq makki na, kiijaq Petar nai Johan rai adam na chapshat. Kriikha miishe, tsangshiq raq kiqkhii chang ka ahü she.