Matthew 26:55 - ASII LAKDAP Bible (BSI)

⁵⁵ Kra bomlot raütiishe, Jesuq raq maiqphong kiima nguto, “Namshiq ka ngi lap wa nguta wiija wiipiq kiimaq klata pi raq maq thiimeaq daku we lapwa ikha warai man sha ra rai ta? Ngi ka wranaiqshe Shomjam na nga lata namshiq ma tra hokuq wan kang ihata. Riita namshiq raq ngi ka kiiwa jamto lap man riilan.

Hawa Naga Bible 2001

⁵⁵ Kvruex yimaq Yesu rueq nuk miqsaz htenc muex, “Nuimshiq rueq ngaz kuex vguiuq vrot waz lvp kay ikhoc wvyaung wvpaq maq kaz ruinx ix? Ngaz wvraungx nuiyq tek Shomc Yuimx nuex ngaungc vtueq tvluingc jungphvnx kuq vshaungx nuex waz kuex nuimshiq rueq ngaz lvp muit.

Muklom

⁵⁵ Eshi rangham tho Jesu aa miqtang thima batta, “Nim ahut apang lo aa thimal jan ni kantha som eq nga lot ma kata phin i? Nga salwet rangnuk himna tong eq tatal kotáng, etho nim aa lo pha min ang tin.

Matthew 26:55 Referencias Cruzadas

Matthew 21:23

Jesuq ka Shomjam na jangwa nongto. Raüta apaiq ka nokmaiqse ma trahoke rea riito. Kra akhing na ramwe jongbi nai welabi ka apaiq phana waraüta, “Ümniiraq arthun ara sham miitu arang ka ju jaqwo laplaü? Ümniima juro kuqta?” nguta apaiq ma bom ka waito.

Matthew 26:47

Jesuq ka abom miiqshmiiq liipan niili, ajaqshisetiim roqshi ri wenai phong wa Judas ka saü wato. Apaiq rai maiq ka kongnyung kaüshi, tsangshiq ka nepja hi wiraq kiimaq klata piraq chhaq maq saü wato. Tsangshiq ka ramwe jongbi nai welabi raq atiiwa.

Mark 10:1

Kriimiishe, Jesuq ka kra hiqshong wa tiido wan raüta, Judia wang na Jordan raire nü na kihoto. Nokmaiqse ka apaiq phana pahea, konta hushhu maq hali riitsap wan nongto. Kiimaq apaiq raq tsangshiq ma, rahin jaq akhing na ikha, Shiikeawe bomtsi shrinkuqto.

Mark 12:35

Jesuq raq Shomjam maq nokwe ma trahoke lam maq, “Thungtri shrinketibi raq Khristo ka Dawit saüse lai wa mipo nguta chongkuq tlaq kriika, jamlai bomtsi na seng raüto chong kuqtla?

Luke 19:47

Jesuq raq mungmaiqse ma wranaiqshe, Shomjam maq traho bom chongkuqto. Shatmaq Ramwe jongbi nai Thungtri shrinketibi, kiimaq welabi raq apaiq ka atsea baiq chang nguta mat ka tan wan ruq li she riito.

Luke 20:1

Ranaiqshi Jesuq ka Shomjam na nokwe ma, Tsütsa Ahea shrinke rea nai traho bom chongke rea riito. Kra akhing na, ramwe jongbi nai Thungtri shrinketibi thun ka welabi rai adam na ri raüta, Jesuq phana wato.

Luke 4:20

Jesuq raq lakdam kom ka, akom riinong raüta, sinagok liidamti we jaq na hali jang kuq nongto. Kiimaq, apaiq ka anga riito. Kiimaq, sinagok na ngati thun maiq wiitarü raq, tsangshiq maklii ka apaiq phanü na tsangrakrak maq siisaq liito.

John 7:14

Kra Poi ka tlung tiiwii akhing ba niishe, Jesuq ka Jerusalem Shomjam na wato. Raüta nokwe ma trahokuqto.

John 7:28

Kra akhing na Jesuq ka Shomjam mong na nokmaiqse ma trahoke rea riito. Apaiq raq tiihong raüta kholam kholiiq maq mungmaiqse ma, “Riita namshiq raq ngi ka ju nguto tiima tlan? Kiimaq i dong chang chong ka ümba niiwa kra asap han dea sha? Ngi ka mangjong hiq na i tsiitsii maq asaüki ha ka riimak. Shatmaq ngi ka ara mangjong hiq na tiikaiti we ka tingting we. Shatmaq namshiq raq apaiq ka juwa kra sap man.

John 8:2

Anap ranaiq miishe, ranap chu maq, apaiq ka Shomjam rinkea rukmong na kiho nongto. Kra akhing na maiq pahea ka apaiq tro na riitam ngato. Krai mren, apaiq min anga raüta tsangshiq ma Shiikeawe bomtsi shrinkuqto.

John 8:20

Riita, ija, Jesuq raq ara mungmaiqse ma trahokuq wantaq thun arka Shomjam mong na aluke chang khok mong maq chongkuqto. Apaiq ningthoi akhing ka misaü shaq kha maq, apaiq dü na jurmin jaqkaiq maq sham lot mak riito.