Matthew 26:45 - ASII LAKDAP Bible (BSI)

⁴⁵ Kiimaq apaiq ka achu jaülot nong raütiishe hali, ajaqshisetiim phana jangwa nongto. Kiimaq tsangtsam ka akha sonto, “Namtsam ka ümchaü niitaq akonsea nai niitiitsak seali riishatshat nya? Liirong laq! Ümchaü Maiq Se ka ngarai maiqse jaqkhon mong na kebaiq wan ningthoi akhing she saü wato.

Hawa Naga Bible 2001

⁴⁵ Kvruex yimaq sangac hez kox nuex yek waung vtueq, “Nuimhez kuex kvtsoalx vtueq nyec tvkuiyq shauk dvyx doc haz? Lawc shuinz! Vkhing kuex nyek wvnc yaq shex Miq Saz vruex kuex mvrax kop yaq miqsaz yauk nuex lekuy gay rvhumc tuex.

Muklom

⁴⁵ Ethi jio piq ujiphantey tang relnáng ka eq ning ma batta, “Jib ro sey ang inn i etho nángtong ang inn i? Etharin siin inn, rangham tha arelna sey etho Miqna Sa tha ngarey miqtang jaknáng kochak na.

Matthew 26:45 Referencias Cruzadas

1 HOKHVMX 18:27

Ranaiq shethung shekham she saüwan kiita Elija raq tsangshiq kiishe akha naiküsiq hoto: “Ajong lin maq achu jaü ronglaq! Apaiq ka shiikeawe kata! Jursap apaiq ka phanshira tiima na moraitlo sham, riimakla apaiq ka niitiitsak sham, riimakla apaiq bashira na wanhiq na kihoto sham! Riimakla apaiq ka akon sham. Namshiq raq apaiq ka atiisam riichang sham!”

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

Matthew 26:18

Kiijiishe Jesuq raq tsangshiq ka akha thaüto, “Namshiq ka Jerusalem na kironglaq. Lanta kiijaq maiq weshi asi miraq. Apaiq ma, ‘Shrinketi we nga apaiq ma rahiq ka hong wato she ngu wa; apaiq raq ajaqshisetiim rai Tiichhii Wan Poi dung ka ümjam na klo raüta phaq sia chang miraq,’” nguta ümniima tiichong kito nguta chongki rongkiq.

Matthew 26:2

“Namshiq raq asap han ranaiqnai jai maq Tiichhii Wan Poi miraq. Kiimaq Maiq Se ka pumsongkham na tü baiq miitu lap raüta maiqjaq khon mong niishe mikuq baiq.”

Matthew 26:44

Kriikha miishe, Jesuq ka thongshi ri hali tsangtsam ka baiqthü nong raüta, kongkhu lak na kiikha hali tiithongtsam she achu jaüki nongto.

Matthew 26:46

Tiido rong. Khum rongphiishe. Liimanta! Ngi shaphaqti we ka arjaq saü wato she!”

Mark 14:35

Kra ngu raütiishe, apaiq ka phanshi kongkhu linlin na hali tiisot wawanto. Raüta hiq na bumki tlii raüta, mai tlaq jiika, chamchao walü homa thun kriika, apaiq thaq na saü wan tlaq kiiwa, apaiq ka tiihang kuq wan laq nguta achu jaüto.

Luke 22:53

Ngi ka namshiq rai wranaiqshe Shomjam na riikang ihata. Kiiwa namshiq raq ngi ka lap man riilan. Shatmaq, ümchaü akhing arka namshiq jaqmiiq wan miitu akhing she. Ara jamkhano chongtiikang ngukla, ümchaü akhing na munglangtiwe ka ranyaq hokhamwe ngatlo!”

John 12:23

Kiijiishe, Jesuq raq tsangshiq ma bom ka akha chongkuqto, “Maiq Se ma apaiq khushü tiijongke akhing ka ümchaü hong wato she.

John 12:27

“Riita, ümchaü ka ngi ma i tsan tsihea akhing she saü wato. Riita, ümchaü ngi raq jamlai she wa minguha? ‘I We loi, ara akhing ara ngi ma naq tiisaükiq dea,’ ngutiisha minguha? Shatmaq, kiikhiika ngulot mang. Ara jamkhano chong tiikang ngukla, ngi mangjong hiq na pokikang arka, ara chong tiikang chamchao wamong armaq lea wan miitu dongdii akiha!

John 13:1

Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.