Matthew 26:15 - ASII LAKDAP Bible (BSI)

¹⁵ Raüta apaiq raq tsangshiq ma akha waito, “Ngi raq Jesuq ka namshiq ma lapkuq hajaq, namshiq raq ngi ma jamlai wa mikuq han?” Kra tai raüta tsangshiq raq kampho kamsii roqtsam kra wea raüta apaiq ma ajaq na tiisham kuqto.

Hawa Naga Bible 2001

¹⁵ “Yesu kuex ngaz rueq nuimshiq yauk nuex lekuq ruiux yuq kuimphox mjuc lac kuq phuinx?” ngoz tueq wiz tueq. Tsuinghez rueq piq muex kuimphox rokthuimx kuq tueq.

Muklom

¹⁵ etho piq aa pitta, “Nga Jesu raa nim jak eq thalo phang jo, nga ma chamlang kopha nin?” Ning aa roktom cha nginsa tha wet eq kota.

Matthew 26:15 Referencias Cruzadas

RAPHA HIQWA LAK 38:16

Apaiq ka kriinyung phana lamphai kiijaq wato. Raüta akha nguto, “Ahea na. Riita ümniiraq amaq athu ka ümchuwa jaü tlaü?” (Apaiq raq kriinyung ka anam-nyung ngutiika sap mak dea riito.) Kriinyung raq nguto, “Ümniiraq ngi ma jamlai wa mikuq haü?”

DUNGWVNC 21:32

Kiimaq kra mirsaü saüla pongwe raq, maiq diwe riimakla maiq di nyung thaü raüta tsatbaiq raüla, minsaü tatiwe raq dise tijongwe kiima kampho roqtsam maq tham kechang. Kiimaq minsaü saüla pongwe ka long maq tiitsailaq tiiq baiq raa.

ISAIA 56:11

Tsangshiq ka shakaq hikong ikha. Ümtin phaqsiq raümin hongto ngumak. Ara welabi thun ka taksu tsü ahü. Tsangshiq loweatek raq maiqmii raq athithi kriili klotlo. Raüta maiqmii ma amet dongchang kriili rittlo.

Matthew 10:4

Kiimahali maiqmii phan ma tsan tiitsiti we Simon kiimaq Jesuq shaphaqti we Judas Iskariot ri riito.

Matthew 26:16

Kra akhing miiphat she, Judas raq Jesuq ka tsangshiq ma lapke miitu akhing ahea kra kheshat she riito.

Acts 1:18

(Judas raq sho tsiiq siqtaq kriimaq, hiq phu bashi rito. Kiijaq apaiq miisaq ka tiithum wanto. Apaiq ka apuk aji jea lili phok rai raüta tsaito.

1 Timothy 3:3

Apaiq ka cheropja raa mak. Kiimaq apaiq raq ningkun ningkaq kiimung raa mak. Shatmaq, apaiq ka kiqnin tsiim nin, sobsob bombom, kiimaq wiitarü rai ari aram maq singati riichang. Apaiq raq tsiiq anyam ma süram min raa mak.

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.

PHOWEBI 16:5

Philistain mungti hokham webiingi ka kriinyung phana kito raüta akha nguto, “Ümniiraq Samson ka laolaq. Laüta apaiq ningkun ka jamno rümtlaq kra tiichong laq. Kiimaq naishiq raq apaiq ka jamkho miranglot i, laita raü maq mikhalot i, kiimaq apaiq ka tiingathu atiimeshi min lot mak she mijamsha lot i. Naishiq khumtek raq ümniima kampho kamsii hingshi ri shishi mikuq kai.”

PHOWEBI 17:10

Mika raq nguto, “Ngi rai silaq. Laüta ngi danhonti kiimaq i ramwe ma jalaq. Kiimaq ngi raq ümniima wiishi na kampho ngamsii roqshi shi mikuq kang. Kiimaq khu akhea wiijam, kiimaq ümniima phaq nai sea thun kra mikuq kang.”