Matthew 26:13 - ASII LAKDAP Bible (BSI)

¹³ Ngi raq chongtiikang arka tengteng. Maiqse raq ara Tsütsa Ahea arka mangjong hiq na ümriibano trahokuq wantlaq kiijaq, ümchaü ranaiq arnyung raq ngi miitu jaqsham ahea shamkuqtaq armin, apaiq mang ka laq mak maq michong kuq dam.”

Hawa Naga Bible 2001

¹³ Nuimshiq muex ngaz rueq vsuing jungx kuq ix, vruex kokez bomc poz kuex mungkawx lotlaz nuex jungx tvtay shuex yuq, yalxjuik nyuiuz vruex rvwvl lvp tvkoc piq rueq shuimx wvnc tueq vhvlx yauk shuimc kuex jungphvnx wuez shuex,” ngoz tueq jungx tueq.

Muklom

¹³ Nga nim ma asing batphang, iri mingkang barina tungtang qhal phan ajo, piq aa som ta raaq sha tasik eq na.”

Matthew 26:13 Referencias Cruzadas

Tvtsvmc 112:6

Kechu maiqse rilung ka phanrap ongwan ruq; apaiq ka maiq raq pattup tiitsangshat miraq.

ISAIA 52:9

Tiihong lantea chojongchise gitrang ronglaq, Jerusalem chela riim thun lei! Tatiwe raq achela ka mitiichhii wan, raüta asenginok kra miboqpum wan nong.

Matthew 24:14

Kiimaq ara Mungtan Tsütsa Ahea arka mangjong hiq hamli niishe michong kuq. Krai mren maiqse angu wiita raq kamwan miitu ara tsütsa ahea ara mitiitai kuq wan. Kra lot jai shetiq, maiqpat thum wan akhing rahiq kriishe misaü wan.”

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Mark 13:10

Kiimaq, phangthum ranaiq kra misaü shaq na, Tsütsa Ahea arka mangjong maiqse wiita ma mitiitai kuq wan. Kra jai miishetiq phangthum ranaiq akhing kra misaü.

Mark 14:9

Kiimaq ngi raq namshiq ma bom poshi chong pha. Taironglaq. Ara Tsütsa Ahea ara mangjong hiq hamli na, ümriibano chongkuqtlaq, kiijaq ümchaü arnyung raq ngi miitu jamlai wa shamkuqtaq armin, apaiq mang ka laqbaiq mak phan maq, chong kuq wan dam ruq she miraq.”

Mark 16:15

Apaiq raq tsangshiq ma aming ka akha kuqto, “Namshiq ka mangjong tlotli na kironglaq. Lanta, Tsütsa Ahea kra mangjong maiqse tlotli ma chongkuq kirongkiq.

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Acts 10:4

Apaiq raq rase ka ahai lam maq liito. Raüta, “Chaü lei, jamlai wa?” nguta treto. Kiijiishe rase raq apaiq ma, “Shiikeawe ka ümniima tsanhea sitlo. Ümniiraq achu jaü tlaü kra taito she. Kiimaq ümniiraq miitsan maiqse khrum kuq tlaü kriimin chhito she. Riita, Shiikeawe raq ümchaü ka ümbom tre miitu tiijeje she.

Romans 10:18

Riita, bom ka akha hali wainong i na: Riita, tsangshiq raq tsütsa ahea kriika tai wan lap mak dea sha riita? Atai kla achan ana tai wan ngo li kha. Taimak dea ka riimak. Asii bomtsi na akha nguta chongtlo: “Tsangshiq traho bom chongke riinya raq, mangjong tlotli nyam wanto; Tsangshiq bomtsi ka mangjong hiq angu na, shokrap norii wiita na nyam wanto!”

Romans 15:19

Shiikeawe raq ngi lümaq awang chang nai amao chang jaqsham pahea sham wanto. Arthun awang chang nai amao chang jaqsham wantaq arka, Shiikeawe Asii Wenyi ningkun maq sham wanto. Ara trahoke wan jaqsham arka, ngi raq Jerusalem maq pha wan lata, Illirikam chela na saüli, hiqshi na tra hokuq wan wan maq, khum wan lata chongkuq wankang. Ngi raq Khristo Tsütsa Ahea kra arang chong maq tiichap wan lata, atsii na saüli, tiitho tiipha chongkuq wankang.

2 Corinthians 10:18

Ara jamkhano chongtiikai ngukla, Tatiwe raq arka ahea dea shamto nguta tiima tlaq we, kriili, riikhaqli minshiiqti we ma mija. Maiqmii tsan na, ahea dea sham tiikang nguta atiima kriika, Shiikeawe maklii na hongwa mak miraq.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

1 Timothy 2:6

Ara miitu, Khristo Jesuq raq, apaiq miisaq ka honglu na kuq raüta, maiqse angu wiita ngarai kharü mong wa dokdaa wan miitu tsaito. Apaiq raq arilung ka honglu na kuq raüta, akhing riikhaqli na tsaito. Arka Shiikeawe raq mangjong maiqse kunli ka tiichhii wan ro tlo dea, nguta hakhi.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

Revelation 14:6

Kiijiishe, ngi raq rase ashi chhi nong kang. Apaiq ka ratsan ramong nyang na abisea riito. Apaiq ka pattup pat-sa Tsütsa Ahea mangjong maiqse tlotli ma tiitaiketi. Apaiq raq kra tsütsa ka maiq kaüwa weraü tek ma, maiq aphan tek ma, maiq abom pongbom bomtlaq tek ma, kiimaq maiq amung amung tek ma tiitaike kai nguta kitlo.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.