Matthew 25:36 - ASII LAKDAP Bible (BSI)

³⁶ Kheahü chamchao kang na khea tiisam kuq lan; atsi asi chamchao kang na namshiq raq shiili lii lan; phaqtek mong na sikang na namshiq raq ngi liikuq lan.’ ”

Hawa Naga Bible 2001

³⁶ Khoguez khvyguez rvhumc tauk nuex nuimshiq rueq ngaz muex tvsvmc kuq phuinx, khoktep mungx nuex shuiuz rvhumc tauk baunglaung nuimshiq rueq ngaz lawc kaz phuinx,’ ngoz tueq.

Muklom

³⁶ Nga khat ahung ang táng tho, nim aa ngama kho khat tasam taphin; nga taksa ang táng tho, nim aa nga thok siin taphin; nga chukna ang táng tho, nim i jamoq thok tachong taphin.’

Matthew 25:36 Referencias Cruzadas

ISAIA 58:7

Namshiq dungthop ka amang aleiti ma kuq ronglaq. Kiimaq namshiq jam hiqkhu ka jamhü wakhüti tiisi ma kilü dije thüronglaq. Juwa khuhü kheahü kriiti ma khea kuqsam ronglaq. Kiimaq namphu namno khrumke miitu naqdam rongkiq.

EJEKIEL 18:16

Riimakla maiq ka nanshan mak, kiimaq thiimeaq ma jaraüta jumin tek kimak. Apaiq jaq wa kampho namwati raq hupsam kongphiq khathütlaq kriika apaiq raq thümak jangkuqtlaq. Apaiq raq amang aleiti ka dunghiqtlo. Kiimaq khuhü kheahüti ma khea kuqsamtlo.

EJEKIEL 18:7

Apaiq raq maiq ka lao mak. Kiimaq maiq jumin thümki mak. Apaiq riika apaiq jaq wa hupsam maiq raq nam tlaq akhing na kongphiq khakuqtlaq kra jaüthümak, anamtiwe ma ajang riikuqtlo. Kiimaq apaiq raq maiq amang aleti kiima tü adung kuq phaqsiq tlo. Kiimaq thüm waq manti khuhü kheahüti ma khu akhea kuq samtlo.

EJEKIEL 34:4

Namshiq raq atsak adok setiim ahan ajomti ka shiililii man. Atsi asiti ka phumtsiim kuq man. Lanta tiihea man. Ahok ajaq atiingoq ka job kuq man kiimaq rum na amo amii arkiti thun ka tiijang sheaki man, riimakla amo arki thun ka ritkot kiman. Kra rii na namshiq raq skusekong ka ahai ahii, hak hot laqhot khoti buktiiq wan lan.

Matthew 25:37

“Kiijiishe kechu maiqsetiim raq mitre, ‘Tatiwe, naishiq raq ümniika ümtiiko ramtsi chhi laita dung tiisiq kai, lo khamnyang tsi chhilaita kham tiinyang kai?

Matthew 25:43

ngi wanmo sikang na, namshiq jam na shea wan man; kheahü sikang na, khea tiisam kuq man; ngi atsi chamchao kang na nai phaqtek mong na sikang na, namshiq raq shiili lii man riilan.’ ”

Luke 3:11

Kiijiishe, apaiq raq tsangshiq bom ka treto, “Ju jaq niiwa, samtong anai asi, kriiti raq samtong ashi min ahüti miitsan maiqse kiima, samtong ashi kra kuq ronglaq. Kiimaq ju wa wok phetak tak sitlan, kriiti raq miitsan maiqse amang ale maq sitlaqti kriima, tü adung ka kran kuq lanta si ronglaq.”

Acts 20:35

Ngi raq i jaq sham maq, namshiq ma phanrap lam lu ka tiichhiha kuq kang she. Nashiq raq aheng maq jaqsham shiikut laita, Tati Jesuq raq achongkuq bomtsi kra, nashiq tsan na tiitsang shat maq wepuq wese kra khrum kewan raa tlo nguta chongkuq kang she. Tati Jesuq raq nashiq ma, ‘Ajaüti nam ma aketi ma chochi apa miraq,’ nguta chong kuqto.”

Hebrews 10:34

Namshiq ka phaqtek mong na chamchaoti rai adam chamchao wan lan ihata. Kiimaq maiq raq namshiq hup asam thun ka, wiita runho raüta lamhotaq akhing niimin, namshiq raq kra sumrum lan thun ka aninli riiwan lan ihata. Kiimaq tsaiji tran man maq, chochi khiq li silan ihata. Jamkhano chochi lan ngukla, namshiq raq asap han, Shiikeawe raq namshiq ma jamlai wa mikuqha nguta kiqkham kuqtaq kriika, tsiiq nai nyam sum lan kra thaq niimin rahea phan. Kriika, namshiq jaq na asi she. Kriika pattup pat-sa hupsam nguta asap han.

Hebrews 13:3

Juwa phaqtek mong na sitlaq, kriiti miitu tsan na tiima ronglaq. Lanta khrum kuq ronglaq. Namshiq maiqmii kiimin tsangshiq rai phaqtek mong na siti ikha, riiwea ronglaq. Juwa chamchao litkot mong na sitlaq, kriiti miitu namshiq maiqmii kiimin, tsangshiq rai adam chamchao tlan ikha, tiima ronglaq.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.