Matthew 25:24 - ASII LAKDAP Bible (BSI)

²⁴ “Kra jai niishe ajaqshi se kampho hingshi kuq thütiiti we kriishe waraüta, ‘Tijong we ngi asap ha. Ümniika lapphaq lusiqti. Ümniika ümjaq maq shamki maü kra wiimin, shamki kang nguta ngoti we. Ümniiraq tsam jangki maü kriiwiimin, tsam jangki kang nguta tsamjut seati we.

Hawa Naga Bible 2001

²⁴ “Kvruex yimaq kuimphox joay shiz lvp jix nvrc waz kuex kaz vtueq, ‘Jiyungx waz lex, ngaz rueq mnoz layx kuex tuiuz yaq, mnoz kuex gvrc hvlc waz rvtoq nuiyc mnoz rueq khic guez yuingc guez wawc yut wvnc vtueq, mnoz wuinc muq baung wawc tvjomx taq vshuiux.

Muklom

²⁴ Hayat shey nginti kaptey wa tha thu eq batta, ‘Tangteywa, nang tinchey miq ta nga usam eq taphang. Nang aa bari na khey mu shiwang qhan u, etho bari na won mu shiwang thajot tun u.

Matthew 25:24 Referencias Cruzadas

ISAIA 58:3

Mungmaiqse raq waitlo, “Nashiq raq atu na amang maq achu jaramli wa mijaü, Tatiwe raq chhimak jiika? Nashiq ka dung seahü amang maq jaramli wa misi i, apaiq raq atsantsii kuqmak jiika?” Tatiwe raq tsangshiq ma ngutlo, “Riikhaq tengteng bomtsi ka ara. Namshiq raq amang maq achujaü tlan akhing na, namshiq riika maiqmii miitu kli tiimatlan. Kiimaq namshiq jaqshamtibi ka ahaihii riitlan.

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

Matthew 18:24

Apaiq raq kra konchon phaho raü niili, ajaqtaki na siti ajongbi raq, asengi siihiip weshi raq apaiq kampho ka wanshi thiitham kha hoti we kra, apaiq tho niishe shea wanto. Raüta tiichap wanto.

Matthew 20:12

‘Ara rajiko na shamti thun ara riika nari shili jaq shamto. Shatmaq, naishiq ka ranaiq minru chumtsi shekii wiita nin laita jaqsham wankai. Shatmaq ümniiraq tsangshiq jaq maq kiimin naishiq jaqmaq krai mren siili ka jamkho kuq laü?’ nguta apaiq ma waito.

Matthew 25:25

Ngi ka ümkampho ara tiimomiq rat jiiq la nguta haikhiq li siwan kang. Kriikha maq ngi ka wak na hiqkho ashi thu lata lapki kang. Lata paü thükang. Liilaq! Ümchaü min ara ümkampho, ümniiraq ngi ma kuqthü laü ira jaü thülaq!’ nguta atijong we ma kampho ka kuqto.”

Matthew 25:26

“Kiijiishe, ‘Ümnaq ara riinin. Laibi lati jaqshi se!’ nguta atijong we raq apaiq ka sonto. ‘Ümniiraq ngi asap haü riimak sha? Ngi ka i jaq maq wak shamki mang kriiwa, shamki kang nguta ngoti we; tsam ka jangki mang wa, jangki kang nguta jutsea wanti we?

Matthew 7:21

“Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.

Luke 15:29

Shatmaq, apaiq raq awe bom ka akha treto, ‘Liilaq, ümchaü ümchu rawii she wa lea wantaq, ngi ka ümwokhong na, ümdise ikha jaqsham wan kang. Kiimaq, ngi raq ümbom ka poshi min tlea mang maq sitiikang. Shatmaq, ümniiraq ngi miika jamlai phan wa kuqlaü? Ngi ma ümniiraq, i kongti rai adam na poi lata peo phaq sia miitu, chhechhi se ashi dongdii min kuqmaü shaqli!

Luke 19:13

Apaiq raq wanhiq kaiho ma, ajaqshisetiim weroqshi ka hea raüta, chaq kampho sii ka siichhuq chhuq phea kuq thüto. Kra pheake wan lam maq, ‘Lii rong laq, ngi tamii shon na, namshiq raq armaq piikii li rong liijo,’ nguta tsangshiq ma tsii chongkuq thüto. Raüta apaiq ka wanhiq na kihoto.

Luke 6:46

“Namshiq raq ngi nangnga, ‘Tatiwe, Tatiwe,’ ngutiika jaram li wa hearat tlan, ngi raq namshiq ma jamlai bomtsi wa chongkuq tiikang, kra riiwe ka lang man?

Romans 8:7

Arkha na tiina, juwa maiqmii han-ngam tiima tsantsii jaqkhon mong na sitlaq, kriiti ka Shiikeawe ma wesang. Ara jamkhano chongtiikang ngukla, apaiq ka Shiikeawe thungtri wokhong na silot mak. Kiimaq apaiq riika, ümkhiiriita jiimin, Shiikeawe tri aming ka lang lotmak.

Romans 9:20

Shatmaq, i phuno we, riita, ümniika ju wiita, Shiikeawe kiq kra khü wan miika? Hamtak ashi riika, apaiq tiiq lowanti we kiima, “Ümniiraq ngi arka, akha jam nguto tiiq laü?” nguta bom ka wai mak.