Matthew 25:20 - ASII LAKDAP Bible (BSI)

²⁰ Ajaqshi se kampho hingbiingi kuqthütiiti we ka atijong we phana wa raüta, ‘Tijong we ümniiraq ngi ma hingbiingi kuq thü laü irwa, ngi raq hingbiingi hali tliip nong kang,’ nguta atijong we ma kampho ka amak apha adam na kuqto.

Hawa Naga Bible 2001

²⁰ Kuimphox joay bv-ngac lvp jix nvrc waz rueq vlap joay bv-ngac kvmuinz lvmz wvnc vtueq, ‘Jiyungx waz lex, mnoz rueq ngaz muex joay bv-ngac kuq shec phux. Lawc shuiux! Vlap joay bv-ngac hulawx lvp tauk,’ ngoz tueq jungx tueq.

Muklom

²⁰ Hayat banga nginti kaptey wa they, hayat banga nginti thajoq ta tha kochak eq batta, ‘Tangteywa, nang aa ngama hayat banga koshing taphu. Siin u, nga hayat bangnga wey thajoq táng.’

Matthew 25:20 Referencias Cruzadas

Matthew 18:24

Apaiq raq kra konchon phaho raü niili, ajaqtaki na siti ajongbi raq, asengi siihiip weshi raq apaiq kampho ka wanshi thiitham kha hoti we kra, apaiq tho niishe shea wanto. Raüta tiichap wanto.

Luke 19:13

Apaiq raq wanhiq kaiho ma, ajaqshisetiim weroqshi ka hea raüta, chaq kampho sii ka siichhuq chhuq phea kuq thüto. Kra pheake wan lam maq, ‘Lii rong laq, ngi tamii shon na, namshiq raq armaq piikii li rong liijo,’ nguta tsangshiq ma tsii chongkuq thüto. Raüta apaiq ka wanhiq na kihoto.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

1 Corinthians 15:10

Shatmaq Shiikeawe apaiq khoqramkii maq kekuq shat rüm wan kha maq, ngi ka ümchaü maiqse ashi wiqwiq she dea ngutiishe sitiikang. Shiikeawe raq ngi ka apaiq kaphap wokhong mong maq, tiichhan chhi tlo arka atu niika moki mak dea. Riita ümchaü sanha riikhaqli maq shin raü jiila, ahinti kiimwebi thaq na, ngi raq riiwe ka jaqsham kaiwa apa achan ana she sham tiikang. Riita ara ümtinkhan wa hongla lata, jaqsham tiikang arka, i han-ngam ningkun miika riimak. Shatmaq Shiikeawe apaiq kaphap ningkun ka i khum na ngi rai asi kra lümaq jaqsham tiikang.

Colossians 1:29

Riita Phungmaiqse thun tiichhanchhi wan ha jiilei nguta, ngi ranaiq rawa, Khristo raq akuq ningkun ajong i khum na sitlaq kra holata, rokpan riipan hunnii lata jaqsham tiikang ahata.

James 2:18

Shatmaq Phungmaiqse liipan wa weshi ra riika, “Phungmaiqse liipan na maiq wiijamti riika kamtsantsii rümtlo. Kiimaq maiq wiijamti riika jaqsham wantlo” nguta bom ka mikhii ngu i. Ikhla ngi riishe kriiwe bom ka akhiishe tre pha. “Ahea, ikhiila, ümniiraq ngi ma mitiichhi kuq lot haü jiika jam raa mak. Ümniiraq ngi ma, Phungmaiqse weshi riika kamtsantsii mirüm. Shatmaq ahea awa jaqsham miiriiwe ka tiichhi kuq lot mak min miraq ngu tlaü? Shatmaq, ngi riikla, i kamtsantsii ka asi dea rümtiikang nguta, i jaq sham maq mitiichhikuq lot ha.