Matthew 25:16 - ASII LAKDAP Bible (BSI)

¹⁶ Ajaqshi se chaq kampho hingbiingi lapti we ka jaqlo miili piikii raüta, hingbiingi aliip hali tiidong nongto.

Hawa Naga Bible 2001

¹⁶ Kvkaq joay bv-ngac lvp jix nvrc waz rueq kvkaq dvyx pvkac kac kaz vtueq vlap joay bv-ngac hulawx lvp tueq.

Muklom

¹⁶ Hayat banga nginti kaptey, piq takot kang eq hayat banga wey thajoq ta.

Matthew 25:16 Referencias Cruzadas

1 KAÜWA WERAÜ 28:2

Dawit ka mungmaiqse man na chapto. Raüta akha trahoto: “O sang amang maiqse lei, tairong laq ngi bom chongpha. Ngi raq Tatiwe nashiq Shiikeawe hoknichang Tongshong Tek kra thü ma jam ashi pattup miitu haila nguta tiima wan kang. Ngi raq apaiq shreng lata Shomjam ashi hai miitu phanrap hup asam thun ka kunli tiichomrom kang she.

ISAIA 23:18

Raüta apaiq laopan ja kampho ka Tatiwe ma mikiinong kuq. Apaiq raq tsiiqtum apaiq miitu thümak miraq. Shatmaq Tatiwe shomnoqtibi raq apaiq kampho kra lang raüta tü atsam mirisiq kiimaq tsangshiq miitu khu akhea ratlaq kra risam ma milang.

ISAIA 49:23

Hokhambi ka ümniima awe ma mija wan; hokham nyungre ka ümniima anyung re ma mija wan. Tsangshiq ka ümkhaki na hiq na bum raüta ümnaq minoq; tsangshiq ka aransetiim ja raüta ümniima shreng manto mikuq. Kiijiishetiq ümniiraq Ngi ardea Tatiwe nguta misaphaü; ijaq wa khrum jaü khetiti ka ju min jaqmii tiijangbaiq mak miraq.”

Matthew 18:24

Apaiq raq kra konchon phaho raü niili, ajaqtaki na siti ajongbi raq, asengi siihiip weshi raq apaiq kampho ka wanshi thiitham kha hoti we kra, apaiq tho niishe shea wanto. Raüta tiichap wanto.

Matthew 25:17

Kiikhiisii hali ajaqshi se chaq kampho hingnai lapti we riimin hingnai tliip lapto.

Luke 19:13

Apaiq raq wanhiq kaiho ma, ajaqshisetiim weroqshi ka hea raüta, chaq kampho sii ka siichhuq chhuq phea kuq thüto. Kra pheake wan lam maq, ‘Lii rong laq, ngi tamii shon na, namshiq raq armaq piikii li rong liijo,’ nguta tsangshiq ma tsii chongkuq thüto. Raüta apaiq ka wanhiq na kihoto.

Acts 13:36

Riita, arjaq chongtlaq arai mren, Dawit raq apaiq pat na Shiikeawe luqkhap ma jaraüta, Shiikeawe jaq ka sham wanto. Raüta, apat sung wan jai she, apaiq ka tsai wanto. Raüta, apaiq maa ka atitiim maalap chiim na lap damto. Kiimaq apaiq maa ka maakho niili namraito.

1 Corinthians 15:10

Shatmaq Shiikeawe apaiq khoqramkii maq kekuq shat rüm wan kha maq, ngi ka ümchaü maiqse ashi wiqwiq she dea ngutiishe sitiikang. Shiikeawe raq ngi ka apaiq kaphap wokhong mong maq, tiichhan chhi tlo arka atu niika moki mak dea. Riita ümchaü sanha riikhaqli maq shin raü jiila, ahinti kiimwebi thaq na, ngi raq riiwe ka jaqsham kaiwa apa achan ana she sham tiikang. Riita ara ümtinkhan wa hongla lata, jaqsham tiikang arka, i han-ngam ningkun miika riimak. Shatmaq Shiikeawe apaiq kaphap ningkun ka i khum na ngi rai asi kra lümaq jaqsham tiikang.

2 Timothy 2:6

Kiimahali jurwa wak jaqsham minshiiq shiichaq tlaq, kriiti riika, apaiq minshiiq wantaq kiiwa tsam apa milap.