Matthew 24:49 - ASII LAKDAP Bible (BSI)

⁴⁹ Kiimaq akongtitiim ka atsea ata mihaihii. Kiimaq cherop tsampiiti rai mirshonron.

Hawa Naga Bible 2001

⁴⁹ piq kungjix nvrc waz wvyvmc kuex wungthvt guirguenz ruiux, joal nuingc tsvmsvy jix rulc roc nuex phauk saq vtueq httax tuex.

Muklom

⁴⁹ Etho piq aa unokwa sanga tang tha wat na, etho piq kham ling eq tong na.

Matthew 24:49 Referencias Cruzadas

TAKSU LAK 23:20

Chechok tsampiiti rai naqnga damkiq, kiimaq shakaqti rai min, naqhai nga dam kiq.

ISAIA 56:12

‘Che ka abiri nyang rong i na,’ nguta ara cherop kong raq ngutlo. ‘Laita nashiq raq atangtang bak nyang rong i na! Anap ka ümchaü ranaiq nam ma ahealin miraq!’”

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

EJEKIEL 34:3

Namshiq raq sku nyakpü ka nyangtlan. Sku bin maq ataq khea ka samtlan. Kiimaq skukong wa ahan aphin phinti kra tsea lanta taphaq tlan. Shatmaq namshiq raq skusekong ka ümtiikiimin samhea rüm man.

Mikha 3:5

Isenginok ka shammibi raq laolii hoto. Shammi jaq maq keti miika, khu asang miraq nguta tam kuq tlo. Shatmaq jaqmaq kuqmakti miika, redong na mitsai han nguta shiikeng tlo.

Matthew 18:28

“Kra jai maq apaiq ka hokham we jam maq wawanto. Raüta, hokham we sengi, apaiq kongtibi phong kiiwa maiq rai riihumto. Kriiwe raq apaiq ma kampho hingnai kechang thiitham asi riito. Apaiq ka arewe rai she riihum raüta sanha, apaiq raq arewe ka atokkun maq lapho tlii raüta, hiq na tiithaü hihi miishe, ‘I thiitham ira kuqlaq!’ nguta arewe ka wathiq se maq asitin she shiitep wanto.

Matthew 24:48

Shatmaq apaiq ka maiqjiqti jiika atsan mong na atijong we ka alo saüho mak nguta mitiima.

Matthew 24:50

Akha ümtum ümmai haisea bala liipan na atijong we ka tiidong chhaq miili she misaüki.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

John 2:10

“Nanok raq spiqtai asum akam thun kriika, kongkhu na wanwe ma tiinyang tlaq ngu phaütiq. Raüta, wanwe wokphe jai shetiq tiina, sapsekham kriishe pheakuq tlaq. Shatmaq, ümniiriika wanwe wokphe jaishetiq, asum akam phan spiqtai kra tiinyang tlaü!” nguta bomto.

Romans 16:18

Akha hon atsii rümti arka, nashiq Tati Khristo jaqsham kewanti ka riimak. Tsangshiq arka maiqmii wokpo tiipao wan lam lu kra rit wanti li. Tsangshiq raq bom ka kai tiisum raüta, chongkuq tlo. Kiimaq maiq ka jutjü wantlii maq shomrasiq wantlo. Akha trahokuq tlaq ara lümaq, tsangshiq raq, juwa ajiq alam kra tsea tsiiq wan tsin makti ka, tsangshiq raq lamjiq nü na laolii holili riitlo.

2 Corinthians 11:20

Namshiq riika, namshiq ka tsangshiq jaqkhon mong na di ama ikha thü tlaq, kiimaq namshiq ka tsangshiq bi na tiimin tlaq, kiimaq namshiq ka anun ma tiija raüta, jamsha siq tlaq, kiimaq namtheaphi na tea tlaq, kriiti riiwe kriika, aheawiq maq nin tlan.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

1 Peter 5:3

Nam wokhong na siti phungtuti ka aming khuthaq miika naq shiipuq rongkiq. Shatmaq namshiq maiqmii rilung jaqsham wan tlan kiimaq tiichhi kuq lanta rüm rong laq.

Jude 1:12

Tsangshiq arka namshiq Phungmaiqse rintii riitam nga tlan na, shakaq sükhatam kong. Maiqmii wok triim phaq miituli sitlo. Tsangshiq arka phumlü da, rahai raq rawang win na pan rai tlaq ikhli sitlo. Tsangshiq arka rajun kham ahü, phumlüda tam ikhli. Tsangshiq ka atsi ahü pechong ikhli. Atsicho niimin tsihü li siwan tlaq ikha. Tsangshiq arka, pechong arang chong maq babaiq jeshe ikha, atsai kaikun she.

Revelation 13:7

Kra ngamthaiq kaü ma, Shiikeawe sengi ka khat miitu arang ka kuqto. Raüta tsangshiq ka apaiq raq mitang. Ngamthaiq kaü miika maiq aphan aphan thaq na, maiq amung amung thaq na, maiq phan bom ümchuwa sitlaq kra thaq na, kiimaq maiq kaü wa weraü ümchuwa sitlaq kriithaq na, kunli jamsha wan miitu arang kuqto.

Revelation 16:6

Tsangshiq raq Shiikeawe sengi nai Shiikeawe shammibi tiijai raü baiqto. Krai mren she, ümchaü ümniiraq tsangshiq ma, tiijai hali she tiinyang tlaü kra, tsangshiq raq jamlai wa lap tlaq, kriika tsangshiq raq kha tangtaq kra tham she hophaq wan tlo!”

Revelation 17:6

Ngi raq kra nyung ka, asii maiqsetiim tiijai nai Jesuq hakhi ma jawanti tsatbaiq wantaq kra tiijai nyang raüta, chephe maakaiq chhikang. Ngi raq apaiq ka chhi lata pinthum awang raili she riikang.

1 SAMUEL 2:29

Riita, jam nguto, ngi ma isenginok raq nyamse honglu takuq tlaq thun kra nai honglu kuqtlaq thun kra, ümniiraq kiitin khan süram laüta liiwan min shea maita? Riita, Eli ümniiraq ümsenai ka, isenginok raq ngi ma honglu takuq tlaq kiiwa ahea pinthum ngamrea thun ka tsangshiq ma tiiphesiq lili laüta, tsangshiq ka ngi thaq na achan jam nguto shreng tlaü?