Matthew 24:47 - ASII LAKDAP Bible (BSI)

⁴⁷ Ngi chongpha. Atijong we raq atsiiq anyam chong thun ka ara jaqshise arang niishe mithü wan.

Hawa Naga Bible 2001

⁴⁷ Nuimshiq muex ngaz rueq vsuing jungx kuq ix, kvruex jiyungx waz kuex piq hup vsvmx httax yaq lotlaz htauk nuex nvrc waz muex tvguimz lawc shuex.

Muklom

⁴⁷ Nga nang ma asing batphang, eshi sanga thima piq aa ulik angin sha siin ma shing na.

Matthew 24:47 Referencias Cruzadas

TAKSU LAK 14:35

Hokhambi ka mungpeng atsinti, welabi ma chochitlo. Shatmaq jaqsham tsinmakti ma, apaiq motiihotlo.

DANIEL 12:3

Taksu maiqse welabi thun ka ra na rakhang chhaitlaq kiikha michhaisiq wan. Kiimaq maiqse ma kechu rilung lamphan tlangkuq wantiiti thun ka, ra na raiqsaiq chhaitlaq ikha pattup pat-sa mililiim wan.”

Matthew 24:46

Kechu jonghea miraq ara jaqshise ma, atijong we raq apaiq jaqsham rea loho haü jaq!

Matthew 24:48

Shatmaq apaiq ka maiqjiqti jiika atsan mong na atijong we ka alo saüho mak nguta mitiima.

Matthew 25:21

Kiijiishe, ‘Riikhaqli, ong laü. Ümniika maiqshaq ashi. Kiimaq tsapsaü kapse jaqshi se!’ nguta atijong we raq ajaqshi se bom ka treto. ‘Ümniiraq tsiiq ka atsapse li jiimin, asho awo tliip pha laü. Arkha maq, ümchaü sanha ngi raq ümjaq na tsiiq ka apa she sham miitu arang mikuq kang. Wara, ümchaü min, ümniika ngi rai chojong chise maq poi arshe lom dam laq!’

Matthew 25:23

Kiijiishe, ‘Riikhaqli, ong laü. Ümniiraq tsiiq ka atsapse li jiimin, asho awo tliip pha wan laü. Arkha maq, ümchaü sanha ngi raq ümjaq na tsiiq apa sham wan miitu arang mikuq kang. Wara, ümchaü min, ümniika ngi rai chojong chise maq poi arshe lom dam laq!’ ” nguta chongto.

Luke 12:37

Kopan jonghea miraq, ajaqshisetiim phong wa ümriiti wa tsangtijong we ka jangki tlaq akhing na, apaiq ka asam, kiimaq tiijeshat miloho! Ngi chongpha. Apaiq raq asamtong ka chhut raüta, tsangshiq ka atiinga miraq. Raüta, apaiq raq tsangshiq ma aheawiq maq tü adung thun kra mitiiphaqsiq.

Luke 12:44

Riita riikhaqli ngi chongpha. Atijong we raq kra jaqshise ma, apaiq jamkun na tachong hupsam ümchuwa sitlaq thun kra liiwan miitu arang she mikuq.

Luke 19:17

Kiijiishe, ‘Riikhaqli, ahea,’ nguta apaiq raq bom ka treto. ‘Ümniika maiqshaq jaqshi se ashi dea! Riita, ümchaü min, ümniiraq jaqsham ka akhüse li jiimin, tsapkapkap maq sham wan laü, kriikha maq, ngi raq ümniika chela roqshi thaq na wela miishe mishong kang’ nguta ajaqshi se bom ka treto.

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

2 Timothy 2:12

Kiimaq nashiq raq phanrap chamchao, nin wan ruq maq siwan hai jiila, nashiq riimin, apaiq rai mung milang wan dam rong i. Kiimaq nashiq raq apaiq ka, Tatiwe riimak nguta tiishaü hai jiila, apaiq riimin, nashiq ka Khapho Ranaiq mitiishaü baiq.

1 Peter 5:4

Namshiq raq akha tsapkapkap maq sku sekong ka rüm han jiila, ümtiikiiwa sku Rümti Ajong Pinthum we ka saüho nongtlaq akhing na, apaiq raq namshiq ma poksi, pattup pat-sa thenki mak phan achhai anyii wa hea la khuphok she mikuq.

Revelation 21:7

Jurwa rekhat tang tlaq kriiti raq i jaq wa ara milap: Ngi ka apaiq Shiikeawe miraq. Kiimaq apaiq ka i se miraq.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.