Matthew 24:39 - ASII LAKDAP Bible (BSI)

³⁹ Kiimaq tsangshiq riika jamtho jampha min hemak shonli, rathup jüjang wan raüta, mangjong maiqse kunli kham raq lam wan raüta laimiq tiithum baiq wanto. Ikiikhiisii hali Maiq Se saükai akhing ranaiq niimin misaü.

Hawa Naga Bible 2001

³⁹ tsuingshiq kuex yuix puingx wvnc vtueq lotlaz thuq wvnc tueq nuex httuiuc laz shilauk shilix httax wuez tueq. Kvrulc rv-ngvlc Miq Saz vruex httuiuc kay jauz muinz kvkhoc yaungx tuex.

Muklom

³⁹ Etho ning jungching eq lim chuwan wey moq nángduk, ning aa chamtho sammoq angta. Ethimal Miqna Sa kat rangham sho tho angna.

Matthew 24:39 Referencias Cruzadas

RAPHA HIQWA LAK 7:23

Tatiwe raq hiqraikhü wa atra phan wiita tiithen baiqto, maiq phan ngusaq, ngam phan ngusaq, kiimaq wushi phan ngusaq wiita tiithen baiqto. Atra tiichongkitaq kriika Nowaq nai apaiq rai ümchuwa lai mong na siti thun kriili tiichongto.

TAKSU LAK 23:35

“Tsangshiq raq ngi bukto sham,” nguta mingu haü. “Tsangshiq raq ngi teato sham, shatmaq tiitsang mang she. Tiidolot mang jaro? Abi ri anyangha chang.”

TAKSU LAK 24:12

Arka naishiq ri sapmai nguta mongo mirhan. Shatmaq Shiikeawe raq namshiq tiima nai tsantsii ka asap, kiimaq namshiq tiima tsantsii ka shintlo, Apaiq raq namshiq ka liishat kiimaq asap. Namshiq jaq shamtlan kra phan phan Apaiq raq namshiq jaqshamtlan kra phan phan poksi mikuq.

TAKSU LAK 29:7

Kechu maiqse riika, miitsan maiqse arang asap. Shatmaq abi maiqse riika sapmak.

ISAIA 42:25

Kriikha niishe apaiq raq atsankhiq walütu maq nashiq ka shechaqto ahata, krai mren redong wa niishe khiimphaq kai ahata. Waniitu ikha atsankhiq wa raq Israil mung hamli khiimto, Shatmaq jamlai mra wa pintaq, kra nashiq raq jamtho min hemai riikai. Nashiq raq kra mra pintaq kiiwa jamlai tsü min chhi mai dea riikai.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 24:3

Jesuq ka Olip Pero Hiqlam na anga riito. Kiijaq ajaqshisetiim ka apaiq phana waraüta tsangshiq hon honse bala na, “Naishiq ma chongkuq liita, ara chongtlaü Shomjam tiithen baiq akhing arka ümtincho wa misaü wan? Kiimaq ümnaq saükai akhing she saüto nguta kiimaq phangthum wan akhing ka saüto she dea nguta akhing sap chang miitu ka jamlai phan she wa mitiiji shi wan!” nguta bom ka apaiq ma waito.

Matthew 24:30

Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

Matthew 24:37

Maiq Se saükai ranaiq akhing ka Nowaq pat na rathup jüjang wan raq mangjong maiqse ka jamkho tiithen baiq wantaq kiikha miraq.

Matthew 24:40

Kra akhing ranaiq na, maiq wenai ka wak na jaqsham rea cha raüla, kiiwa weshi ka Maiq Se raq apaiq rai ashea mirwan; kiimaq weshi ka abaiq mirthü.

Luke 19:44

Tsangshiq raq ümniika botkhulai rai she mishot baiq wan. Kiimaq chela mong na siti, maiq angu thun kriika, tiimiqchup she mithaü baiq! Ümniiraq ara ümnaq tsai lam riihum tlaü arka, Shiikeawe ka ümnaq tiichhiike kai saüki phaüta, ümniiraq kra akhing ka sap maü dea riilaü, kriikha miishe miqphaq wan tlaü!”

John 3:20

Abi ngarai jaqsham riika, rawü ka angeng riitlo. Kiimaq rawü niika siro mak. Rawü na si raüka, apaiq raq ranyaq jaqsham tlaq kra rawü na mitiichhiki. Kriikha maq apaiq raq rawii ka romak.

Acts 13:41

‘Liirong laq, angok anginok lei, Shiikeawe bom shipoqtitiim lei! Wangthang rai ronglaq, lanta miqphaq wan ronglaq! Ara jamkhano chongtiikang ngukla, ümchaü namshiq pat na ngi raq jaqsham tiikang arka, maiq weshi ra raq namshiq ma chongkuq raü min, namshiq raq kam man!’ ”

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

2 Peter 3:5

Tsangshiq riika man na rapha hiq wa na, Shiikeawe raq aming tat raüta ra thun nai mangjong hiq ara tiiqto ngutiimin sapshat shat taü maq, samsam maq shipoq tlo. Mangjong hiq arka kham wa, kiimaq kham maq hali tiiq nongto.

PHOWEBI 20:34

Israilnok liipan wa akhek atiitsang sreabi pong na tsea raüta athü, hingroqshi raq Gibea chela ka khatto. Kra reriikhat ka pinthum henghea riito. Benjaminnok raq tsangshiq ka tiithumpak she mikhat baiq wan nguta sap mak dea riito.