Matthew 24:19 - ASII LAKDAP Bible (BSI)

¹⁹ Kra mra pin akhing bala jechakre wiihü wiihanti nai noshii nyungre miika pinthum phiiptsi chang jonghea miraq!

Hawa Naga Bible 2001

¹⁹ Kvruex raungnuiyq wvgvnz nyuiuz nuiyc puix nuingc jix noshawx nyuiuz tamx kuex vgvrx rvhumc tuex!

Muklom

¹⁹ Ethi neynap tho, utang bahanhan etho pung tachip tey nu tang, ning thima rapney tsamnang angna.

Matthew 24:19 Referencias Cruzadas

2 SAMUEL 4:4

Kiimahali Saul ma asaü pat wiishe maiq weshi mang ka Mephibosheth. Apaiq ka Jonathan se. Apaiq ka awe Jonathan nai ati Saul tsaitaq akhing na nonose wiibiingi maiq riito. Riita tsangshiq tsaikai tsütsa ka Jejreel hiq wa tai raüta, apaiq boqti nyung raq no ka dopot raüta juto. Shatmaq noboqti nyung ka ataülaü kha maq, no ka hiq na tiidea ratto. Kriikha na apaiq ka hokkü miishe jakito.

2 HOKHVMX 15:16

Manahem ka Tirja chela maq awa lam niili Tappua chela ka tiibunlak hiqrai shottlii tiithenbaiq wanto. Kra chelati thun, kiimaq kra chela tro wa maiqhiq shong thun ka wiita tiithenbaiqto. Jamkhano ngukla kra chelati ka apaiq puk na nyap mak riito. Apaiq raq jechakre wiisewokti thun puk kiimin kholam kholiiq riipbaiqto.

AJONJÜ 4:10

Iphan imaq ma thenjen wantaq kriika, pinthum riitsitsaitsiiq, phiiptsi chang abi pinthum riito. Noshii nyungre raq dongdii min, tsangse noshiisetiim ka tsanglang pit tsi ma, tak na lumphaqto.

Hosea 13:16

Samaria chela shiithen baiqraa. Tsangshiq iwokhong na simak riito. Tsangshiq raq ngi ngeng wanto. Rewe jaq na tsangmung mitsai. Noshiisetiim ka longpo ikha ra na mitiithuk. Raüta piqkhupo na mitsom. Anyungre asewok horaqraq, kholam kholiiq miriip,” nguta Tatiwe raq ngutlo.

Matthew 21:16

Kra kha miishe, tsangshiq raq Jesuq ma waito, “Riita, ümniiraq ara tsangshiq raq jamlai wa gisii trang rai wantaq arka tai tlaü khata?” Kiijiishe Jesuq raq, “O, arka ngi riimin la taishat na!” nguta tsangshiq bom ka treto. “Riita, namshiq raq asii lakdap na, ‘Ümniiraq nosere nai noshiisetiim ma pinthum athuk atsom tiitsam kam bomtsi ka shrinkuq laü!’ nguta chongtlaq kriika namshiq raq phat man dea sha riilan?” nguta tsangshiq ma waito.

Matthew 24:18

Kiimaq kra akhing na maiq juwa awak na jaqthiq rü na jaqsham charai jiiq, kriiti riimin ajam wa akheathum kra lamsam kai nguta jai na jangkai nong ka ra mak.

Matthew 24:20

Kra matdong akhing ka namshiq ma diwin ji na rathaiq rahai bala nai Niitiitsak ranaiq bala charai mak chang miitu Shiikeawe jaq wa achu jaü lanta siwan lili rong laq.

Luke 21:23

Kra phiiptsi chang rahiq akhing ka, jechakre wiihanti nai noshii nyung re ma kai phiiptsi jiiptsi chang akhing miraq! Ara mungti ma, kra rahiq akhing kriika, pinthum chamchao riiweachhi akhing miraq. Kiimaq, kra akhing kriika, Shiikeawe raq arnok ma chamchao tiisaü akhing rahiq miraq.