Matthew 24:13 - ASII LAKDAP Bible (BSI)

¹³ Shatmaq jurwa atiisup na saüli ngi ma kamwan tlaq, kriiti kli mitiichhii wan lot.

Hawa Naga Bible 2001

¹³ Yuq muinz vtvsuip nuex httuiuc laz phaungx ngaungx jix waz kuex palc daungc wvnc rvhumc tuex.

Muklom

¹³ Utang uthun nángduk thanan eq jintong aa, piq hun lunna.

Matthew 24:13 Referencias Cruzadas

Matthew 10:22

Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.

Matthew 24:12

Abi thawe jaqsham ka barap se na minyam. Kra tsamku wa akhing na maiqse liipan na mangchan tsü ka wiita akaiq mirwan.

Matthew 24:6

Namshiq raq matdong tsadong reriikhat trang kra namshiq phai apha tho niili trang kongcha mitai han. Kiimaq pongbin wiiq na reriikhat wanto nguta tsütsa ka pahea mitai han. Shatmaq kra thun tsütsa kra tai lanta, namshiq ka naq chhang hang rongkiq. Arka Shiikeawe raq athi kun she. Shatmaq kra thun matdong tsadong mungbrak shaq tlaq kriika phangthum akhing mra pin ka riimak.

Mark 13:13

Wiitarü raq, namshiq ka ngi miitu mingeng. Shatmaq, jurwa atiithum na saüli nin wan ruq maq ngi ma kam wan tlaq, kriiti ka mitiichhii wan.”

Luke 21:19

Namshiq jaqkhon ka naq tiihiim rongkiq. Pharang rang maq chap wan ruq li si rong laq. Kra riihan jiila, namshiq raq riikhaqli maiqmii rilung kra milap wan han.”

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

1 Corinthians 1:8

Apaiq raq namshiq ka atiithum ranaiq na saüli, kamasham na pharangrang maq mithü. Krai mren, Tati Jesuq Khristo saükai akhing Ranaiq na, Shiikeawe raq namshiq ka kechu maiqse nguta mipho kuq wan.

Hebrews 10:39

Shatmaq, nashiq ka jai na janghoti, raüta tsailam phanhoti ka riimai. Shatmaq, kamtsantsii rümti setiim nguta sitiikai. Kiimaq, Shiikeawe ma kamtiikai. Krai mren, nashiq ka apaiq raq tiikhup wongkuq shat maq sitiikai.

Hebrews 3:14

Ara chongtiikai akha, Shiikeawe ma apha na jamkho kamwan kai, kra tiimeshi mai phan maq atiisup na saüli kam hai jiila, nashiq armin Jesuq rai reraüshi maq, Shiikeawe jaqshamtibi ma mija rong i.

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.