Matthew 22:45 - ASII LAKDAP Bible (BSI)

⁴⁵ Riita Dawit raq Messia kra nangnga ‘Tatiwe’ nguta hiataq jiika, Messia ka Dawit weraü wa ngutiika jamkho mingu ta?”

Hawa Naga Bible 2001

⁴⁵ Kvkhoc Dawid rueq Mesia ngoc ‘Taungjix’ ngoz tueq ngoz ruiux kuex yvmx khoc lac Mesia kuex piq suiuz vsaz muex yaungx lot tvnx?” ngoz tueq jungx tueq.

Muklom

⁴⁵ “David aa piq ma Teyhungwa ta raaq ajo Khristo sha David miqwasa chammal angna?”

Matthew 22:45 Referencias Cruzadas

Matthew 22:44

‘Tatiwe raq i Tatiwe ma nguto: Ngi raq ümniima chiq se rewe jati thun ka, ümjaq khon na mikuq wan ha shaq wiiwii, ümniika I jaqtsi nü arjaq, mongngam maq ngashat li riilaq.’

Matthew 22:46

Jesuq raq Phorisinok ma bom waitaq kriika juwe riimin trelot mak dea riito. Kiimaq kra ranaiq miiphat she, maiq wiitarü raq Jesuq ka bomwai thiikho na tiidea la nguta dan mak, ahai she riito.

John 8:58

Kiijiishe, Jesuq raq tsangshiq bom ka treto, “Ngi raq chongtiikang arka tengteng: Abraham ka michii shaq niiphü, ngi ka asi dongdii riikang.”

Romans 9:5

Tsangshiq kata chiisan Jehudinok phan. Tsangtitiim thun ka ajong ala, amang ra tsa ikha, lüsi lüwa siisaq siwanto. Atiisup niishe ka, Khristo maiqkhum na pokitaq kiimin, tsangshiq nok phan na pokito. Riita, ümchaü sanha, maiqse angu tarü raq, phanrap rümkomti we, Shiikeawe mang kli she pattup pat-sa mitiitsam laq! Amen.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Hebrews 2:14

Riita, Shiikeawe raq tsangshiq ka asetiim she nguta awura maq tiiham wanto. Tsangshiq ka mangjong maiqse tiijai han-ngam khum na siti siisaq. Kra ningkhan, Jesuq apaiq kiimin tsangshiq jamkho tiijai han-ngam khum na sitlaq, kiikhiisii hali maiqse khum na poki raüta, tsangshiq kiikha shamshi ngamshi siwan damto. Apaiq raq ara maiqse han-ngam khum na pokitaq arka, Thawe raq maiqse angu kra, atsai ningkun kharü maq kha raüta rüm tlaq kiiwa, apaiq tsaitaq kra lümaq Thawe ningkun tu kra, tiibun baiq kai miitu pokito.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”