Matthew 22:13 - ASII LAKDAP Bible (BSI)

¹³ Kiijiishe hokham we raq, ‘Arwe ara ahok ajaq ka wiita raü maq kha lanta kinphai na ranyaq nyang mong na hitthü baiqki rong- kiq. Kiijaq apaiq ka aho asii, arong awi kra tiichit wa liishetiq mihoq phaq wan laq!’” nguta ajaqshamtibi ka thaüto.

Hawa Naga Bible 2001

¹³ Kvruex kaq hokhvmx waz rueq piq nvrc waz hez muex, ‘Vhuk vyauk kuex khvrc vtueq yuz phic raungnyauk mungx kvyuq htawc gay shuinz. Kvruex yuq vkhoarc vsez raz tueq vwac tvtsuir ruiux httax tuex,’” ngoz tueq.

Muklom

¹³ Req lungwang aa usanga tang ma batta, ‘Ujak uja ri khak eq rangnak mong náng piq ri bichak inn, eshina qhap eq upaa tachik kak na.’”

Matthew 22:13 Referencias Cruzadas

Tvtsvmc 112:10

Abi kloti raq ara chhitlo raüta kai khiqtlo, tsangshiq makshutsi ma liitlo; raüta tsangshiq ka mokitlo; tsangshiq ranphan chang ka pattup miitu thumkitlo.

Tvtsvmc 37:12

Abiwe raq maiqshaqwe kra tiidea ma thiikho thutlo kiimaq amakshu tsi ma awi tiitsan raüta apaiq ka makbi maq liitlo.

ISAIA 52:1

Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.

DANIEL 3:20

Kiimaq asengi phenlabi phong wa kuila jongbi kiima tsangtsam ka raümaq tep tiikhato. Raüta watum nyairaitlaq nübok kiina dobaiq ronglaq nguta aming tatto.

Matthew 12:29

“Maiq weshi raq, maiq kuila weshi sitlaq kriika, apaiq jam mong na nyap wa raüta, apaiq ka kongkhu lapho raüta kharü maq khabaiq hü miika, apaiq jamkun mong wa tachong wiira hupsam thun sitlaq kriika jamkho mirunho lot? Apaiq kra kongkhu khabaiq chang miraq. Apaiq khabaiq jai shetiq, ajamkun wa tachong hupsam thun kra mirun wanlot.

Matthew 13:30

Bunwong nai sang ka adam niili midong man wan laq. Ajut choji niishetiq ngi raq bunwong hanti ma sang ka kongkhu na tiiphai lata, ate maq wa na mitiichaq baiq wan ha. Kiimaq bunwong ka tiijut wan lata tsamtiip na tum mong niishe mithü wan ha.’ ”

Matthew 13:42

Raüta rasetiim raq tsangshiq thun ka walü henghea nyai rai tlaq kra mong kiiniishe mitiidea chaq baiq wan. Kiijaq tsangshiq ka rongchit wichit, aho asii watrang liishe, walü mong na mikhiim phaq wan.

Matthew 13:50

Raüta tsangshiq ka walü tum kaü henghea nyai rai tlaq kra mong niishe wiita mitiidea chaq baiq wan. Kiijaq tsangshiq ka arong awi chitwa trang liishe mihoq phaq trang wan.”

Matthew 24:51

Krai mren, atijong we raq apaiq ka bunlak buncha michum baiq. Raüta mongnam nok rai khoshi na mitübaiq. Kiijaq apaiq ka aho anyi wa la kiimaq arong awi tiichitwa trang liishe mongnam nok rai mihoq phaq dam.”

Matthew 25:30

Kiimaq ara thiihü jaqshise arka, ümchaü sanha i na kinphai ranyaq nyang mong kiiniishe hitbaiqki rongkiq. Kiijaq apaiq ka arong awi tiichitwa trang liishe mihoq phaq wan laq.’

Matthew 8:12

Shatmaq maiq pahea Ramungtan na ngawa chang wiika, ranyaq nyang mong na mitiidea baiq wan. Kiijaq tsangshiq ka aho asii, arong awi tiichit wa trang liishe micham chao wan.”

Luke 13:28

Kiijaq, namshiq ka namrong namwi kra tiichit watrang liishe mihoq phaq han. Namshiq raq kiijaq, Abraham, Isak kiimaq Jakob kiimaq shammibi thun tarü, Shiikeawe mungtan na michhi han. Kiimaq namshiq maiqmii riiwe kriika, kinphai na mishang baiq.

John 21:18

Ngi raq chongtiikang arka tengteng: Man na, ümnaq jeroji niika, ümtsan maq ümnü na kai wa lungwii tlaü, ümchhü na jiikom chhüsaq laüta, kiinü na kiho tlaü. Shatmaq, ngi chongpha, ümniika ümtiikiiwa nyungwe she mija haü, kiitiikaq ümniiraq ümjaq ka mitiipii haü, kiimaq maiq ashi ra raq ümniika mikha. Raüta ümnaq kiro maü chang ba kiiniishe misheaho.”

Acts 21:11

Apaiq ka naishiq phana kito. Raüta Paul raq achhü shat chang khea nin chü kra ajaq na sham raüta, ahok nai ajaq ka kha raüta, akha tiithaito, “Asii Wenyi raq akha chongtlo: Ara chhüshat chang kheanin chü pati we arka, Jerusalem na siti Jehudinok raq akha mikha baiq. Raüta Pongnok phan maiqse jaqkhon mong na mikuq baiq,” nguta riisham bom maq tiithaito.

Acts 7:54

Stephen raq traho bom chongke kra tai raütiishe, Rung na ngati welabi thun ka, tsangshiq tsankhiq trang ka, walü tlaq ikhiishe amok dungdung khiqtrangto. Kiimaq, tsangshiq tsankhiq tsi ma, tsangwi tiitsan watrang liishe riito.

2 Thessalonians 1:9

Tsangshiq ka kra akhing na, Shiikeawe raq pattup pat-sa matki mak phan wamungtan niishe mitiidea baiq wan. Raüta, kra wamong na michaq baiq. Tsangshiq ka Tati kaphap wokhong mong wa nai Tatiwe achhai anyii ningkun liliim mong wa, pong niishe mijobaiq.

2 Peter 2:17

Ara arot shrabi thun arka khamrai arü arki, jükhü sitlaq ikha süpotpot. Kiimahali tsangshiq ka phumlü da, ra na rahai raq pan tlaq ikha, khampü ahü phumda sitlaq ikha. Shiikeawe raq tsangshiq ka Phangthum Khapho Ranaiq, ranyaq tangtang mong kiina mitiidea baiq.

2 Peter 2:4

Nashiq raq asap i, Shiikeawe raq ashutti rasetiim kha ka tiihang mak maq photo she. Raüta tsangshiq kha ka tanto she. Raüta tsangshiq ka wamungtan na tiidea baiq wanto she. Ümchaü tsangshiq ka wamungtan na jinraü kharü maq kha raüta ranyaq tangtang phaqtek mong na shaq raüta thü tlo. Phangthum Khapho Ranaiq na saüli tsangshiq ka kiijiili she mishaq baiq.

Jude 1:13

Tsangshiq raq ngarai jaqsham tlaq arka, sammoktra kham raq takii na ashe khamphom tsuqbaiq tlaq ikha. Tsangshiq ka pongmü riimü khumti, ra na raiqsaiq khumtlaq ikha. Tsangshiq miitu, makse riimin khonlot mak chang, ranyaq jonghea ka Shiikeawe raq tiijeje she thü tlo.

Jude 1:6

Kiimahali, namshiq raq tsan na tiitsang shat rong laq. Rasetiim phong wa, Shiikeawe raq tsangshiq ma arang kuqtaq, kra aming liipan na siwan mak maq, Shiikeawe aming kra jin raüta, ahin na kaihoti thun ka, Shiikeawe raq tsangshiq ka ümchaü, pattup tiipanki mak chang phan kharü maq kha raüta, ümchaü ka ranyaq nyang mong na kharü maq kha raüta thütlo. Shiikeawe raq tsangshiq ka Phangthum Khapho Ranaiq na, wamungtan na mitiidea baiq. Raüta wa maq mitiikhiim chaq baiq.

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.