Matthew 22:11 - ASII LAKDAP Bible (BSI)

¹¹ “Shamtaq, Hokham we ka wanwe liiwa nguta khok mong na wa kiita, kiijaq wanwe ashi ka kherüsea poi na samchang rohun miirii sam mak dea maq waraüta, kiijaq nga raü chhi wato.

Hawa Naga Bible 2001

¹¹ “Hokhvmx waz kuex moalx wuinz waz hez lawc kay ngoz tueq httuiuc kaz koq tueq, miqlvmc moalx nuex svmc juing khvy svmx muq miq washiz kuex piq rueq khiz tueq.

Muklom

¹¹ “Lungwang aa winwa tang tha siin ma himmong náng wang atho, rungsat khat sammoqtey miqwa ashey tha kap khita.

Matthew 22:11 Referencias Cruzadas

2 HOKHVMX 10:22

Kiijiishe Jehu raq asii samtong jong kra thütiwe kiima samtong thun lamwa raüta, noqkuti wiita ma kuqlaq nguta aming kuqto.

ISAIA 52:1

Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.

ISAIA 64:6

Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.

AJONJÜ 5:22

Shea, ümniiraq naishiq ka, pattup pat-sa miitu shea tiishaübaiq laü? ümtsankhiq walü ka, matki mak phan dea shea?

JEPHANIA 1:12

“Kra akhing na, ngi raq lemtem sham lata, Jerusalem mirit kiha. Ngi raq ongkangshe nguta siwantibi, kiimaq kamto maq sitibi ma mo mitiihoha. Tsangshiq raq maiqmii nai maiqmii akha tiingotlo, ‘Tatiwe riika ahea min ngumak abi min ngumak tiina.’

Matthew 13:30

Bunwong nai sang ka adam niili midong man wan laq. Ajut choji niishetiq ngi raq bunwong hanti ma sang ka kongkhu na tiiphai lata, ate maq wa na mitiichaq baiq wan ha. Kiimaq bunwong ka tiijut wan lata tsamtiip na tum mong niishe mithü wan ha.’ ”

Matthew 22:10

Krai mren, ajaqshisetiim ka munglam jong lamhum ba ba thun kiina kiraüta tsangshiq raq ahumhum, maiqhea maiqbi wiita shea wanto. Krai mren, kherüsea poi ngachang khok ka wanwe raq mali riito.”

Matthew 3:12

Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

Romans 13:14

Shatmaq, Tati Jesuq Khristo raq akuq rekhat chang miirii, khu aliiq, chuntsi nyiimwin kiimaq ko aliq thun kriimaq tiimiikhiiq laitiishe, tiijeshat maq rekhat miitu si rong i. Kiimaq namshiq khum wa ngarai han-ngam ramho jamlai phan wa sitlaq, kriika naq dung hiq rongkiq she.

Romans 3:22

Shiikeawe raq maiqse ka, Jesuq Khristo ma kamtsantsii thü tlaq kra lümaq, apaiq rai wehea she, kechu maiqse she nguta shramtlo. Maiqse ümchu riiwa, Jesuq ma kamtsantsii thü tlaqti thun kunli ka, Shiikeawe raq apaiq rai wehea she nguta shramtlo. Jehudinok phan nai Pongnok phan maiqse liipan na, jamlai phan atiikhothiq chang min ahü she. Wiitarü adam ngarai maiqse siisaq li sitlo.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 5:3

Kriishe nashiq ma tiisamkuq raüla, nashiq ka khum ahü miika simai she.

Galatians 3:27

Namshiq raq, Jesuq Khristo mang na kham lam wan lan krai mren, namshiq ka, apaiq rai pumshi hanshi she tiija wanto. Krai mren, ümchaü sanha, namshiq ka, Jesuq Khristo rilung maq akhup wong wan wishe nguta chongtlo.

Ephesians 4:24

Lanta namshiq raq, namkhum anye lokuqtaq kra sam lanta siwan raa dongdii she. Ara namkhum anye sitlaq arka, Shiikeawe apaiq sham ari kra phanphan tiiq kuqto. Riita ara khum anye arka, asii kechu maiqse khum she dea nguta, tingting rilung nai asii rilung sitlan kra miishe tiichhi kuqtlo.

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 19:8

Junrii nyung miika siirairai hea namrai khea miirii akekun she!” (Ara namrai khea miirii arka Shiikeawe sengi raq, asii jaqsham wantaq thun kra riito.)

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.