Matthew 21:41 - ASII LAKDAP Bible (BSI)

⁴¹ Kiijiishe tsangshiq raq apaiq bom ka, “Apaiq raq matwetiim ka wiita mijiip baiq. Raüta wak ka akheng riikhaqli akhing na keti maiq ahinti miishe mitiishiip kuq,” nguta treto.

Hawa Naga Bible 2001

⁴¹ Tsuingshiq rueq, “Honc bac miq htenc kuex piq rueq vsuing thvt gay shuex, svpiq thuey muinx jauz piq muex khauk khauk kuy jix miq vganc muex tvshap kuq gay shuex,” ngoz tueq tvralc wuez tueq.

Muklom

⁴¹ Ning aa thawel batta, “Piq aa ira jashit miqtang tha tathun chakna, etho piq ma khakla rangham o suti phal thawel kottey tang ma sutitong sha kochak na.”

Matthew 21:41 Referencias Cruzadas

Tvtsvmc 2:9

Ümniiraq tsangshiq ka jin chongwai maq bunlak mibukbaiq haü; laüta hamliitak ikha wiita mitiibun bukbaiq haü.’”

ISAIA 65:15

Ngi raq atsea arwanha isenginok raq namshiq mang ka chong raüta maiq ma manson miitu mishton wan. Ngi Ajong Thaq Na Ajong Pinthum Tatiwe raq, namshiq ka mitsatbaiqha. Shatmaq jurwa ibom tai tlaq raüta iwokhong na sitlaq kriiti miika mang anye she mikuq wanha.

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

JEKERIA 12:12

Kra maaho majü ka, kra mungti tlotli, maiqmiimii weraü ka adam maq mihoqtrang; Dawit saüse phan ka kongshi maq, Nathan saüse phan kongshi maq, Lewi saüse phan kongshi maq, Shimei saüse phan kongshi maq, kiimaq chantlaq weraü thun kongshi maq, mihoqtrang. Aweraü aweatek maq mihoqtrang. Kiimaq maiq aweraü loweatek maiqwere ka pong na jechakre ka pong na raüta mihoq trang.”

JEKERIA 13:8

Armung tlotli wa maiq ka, mantsam wa man nai mithum. Kiimaq maiq ka mantsam wa manshi atra mitiichong.

Matthew 21:34

Spiqtsi mancho akhing she saüto angu niishe, apaiq raq adisetiim ka wakkheng na shamseati phana, akheng tiijaü wa she tiiwato.

Matthew 21:40

“Riita ümchaü wakchongti we ka saüho raü jiika, akheng shamseati nok ka jamkhii she wa mir nya?” nguta Jesuq raq tsangshiq ma bom ka waito.

Matthew 21:43

Arthaq na tiitsuq saq she Jesuq raq tsangshiq ma, “Ara chong tiikang arai mren, ümchaü sanha, Shiikeawe Mungtan ka namshiq jaq wa anyeashe mirho. Raüta mung ahinti, atsi ahea tsingo wantinok miishe midi kuq wan.

Matthew 3:12

Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

Luke 20:16

“Apaiq ka kiraüta, wakshiip seatinok ka wiita atsea mirbaiq. Raüta, wak ka maiq ahinti miishe mitiishiip kuq!” nguta Jesuq raq tsangshiq ma bom ka chongkuqto. Nokwe raq kra bomchong kra tai raüta, “Ai, akha wiqwiq kla, naq ümriikiq dea!” nguta Jesuq bom ka treto.

Acts 15:7

Tsangshiq raq ara bomtsi khuthaq na luhea riichong phan wan lot jai she, Petar ka chap raüta, akhiishe phanchan kuq hoto, “Phunainotiim lei, i nübok maq achongkuq wan ha Tsütsa Ahea kra Pongnok phan raq mitai wan laq, raüta mikam wan laq nguta, Shiikeawe raq ngi ka nashiq phong wa aphaji niiphü tseato ngutiika namshiq raq asap han siisaq.

Acts 18:6

Shatmaq, tsangshiq raq apaiq traho bomchong kra tao mak dea, akhii rea lishe khoti riito. Kiimaq apaiq ma abi atili she khoti bom rai wanto. Kra riikiita she, Paul raq, apaiq dü na asam khea na botkhulai akop kra naüshaü shaü raütiishe, tsangshiq ma jainong shung wan, apaiq khum tiihe bom pan akhiishe raikuqto. “Riita, ikhla, ümchaü amiiphat sanha, Shiikeawe raq namshiq tsitsü raü ka chumbaiq raüta tsai han jiila, kriika namshiq maiqmii raa phaq lanta tsai miishe mija! Ngi shrong raa chang ka jam min ahü she. Ümchaü amiiphat, ngi raq namshiq ma chongkuq mang she. Ara tsütsa arka Pongnok phan maiqse miishe michong kuqha!” ngutiishe apaiq raq tsangshiq ma bom ka chongkuqto.

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.

Acts 28:8

Publias ma awe ka atsi chang na abum riito. Apaiq ka awok tsi achat nai tsidong riito. Riita, Paul ka tapmong na wato, raüta atsiti we dü na ajaq maq sham raüta, achu jaükuqto. Krai mren apaiq thatsi ka tiihea kuqto.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.