Matthew 21:37 - ASII LAKDAP Bible (BSI)

³⁷ Atiisup niishe apaiq raq ase kriishe tsangshiq phana tiiwato. Apaiq riika, ‘Ara I se she tiiwa tiikang arkla, tsangshiq raq mishreng she ahiq na,’ nguta tiima raüta tiiwato.

Hawa Naga Bible 2001

³⁷ Yix tvsuip nuex, ‘Isaz vruex kuex tsuinghez rueq tvtsanc shuex shvmx,’ ngoz tueq vsaz kuex tsuinghez kox nuex tvkaz tueq.

Muklom

³⁷ Uthun ma piq aa miqwasa tha ning jam thináng ira tathin eq takat ta, ‘I miqwasa raa ning aa rangka eq na.’

Matthew 21:37 Referencias Cruzadas

ISAIA 5:4

Ngi raq ara spiqro shiikumpan mang jamlai phan no laqthaq kang? Riita ara spiqro raq atsi ka haidangdang jam nguto tsi tla? Ngi raq lungwiitiikang tsihea asum akam ka jam nguto tsikuqmak?

JEREMIA 36:3

Jursap Juda mungti raq, Ngi raq tsangmung tiithenbaiq wan chongtiikang kra tsangshiq raq tai raüla, tsangshiq tsan nai tsii abi thütlaq kriilo klai raü. Kra nguraü ka Ngi raq tsangshiq ajiq ümchuwa klotlaq kiimaq tsangshiq ngarai thun kra adii mirbaiqha.”

JEPHANIA 3:7

Ngi raq arthun klowan kang arka, isenginok raq ngi ma mishreng wan sham, nguta tiima wan kang. Kiimaq tsangshiq ma nithak lata, tsii chongkuq tiikang kra mitai sham, nguta tiima wankang. Ngi raq tsangshiq ma shrinkuq wan kang ka, ümtiikiimin laqbaiq mak miraq ahiq, nguta tiima wan kang. Shatmaq tsangshiq ka jaqlo liipan niilishe, man na sitaq kra thaq na, naolaqhea jabi wan wan khoti riito.

Matthew 21:36

Kra jai maq thongshi ri hali, wakchongti we raq adisetiim ka kongkhu lak na tiiwataq kra nam ma apa lin she hali tiiwa nongto. Shatmaq wakkheng shamseati nok raq, kongkhu lak na wati jamkho haihiitaq, kiikhiisii hali kra thongnai ngoja she atiiwa nong dise kong kriimin haihiito.

Matthew 21:38

Shatmaq akheng shamseati nok raq, ase saüwa kriishe chhi raüta, tsangshiq liipan na bom ka akhiishe riichongto, ‘Ara wakchongti we se she saü wato. Warong ra, apaiq arshe tsatbaiq rong i. Notsam apaiq arshe tsatbaiq hai jiika, awe tachong hupsam ka nashiq rii she miraq!’

Matthew 3:17

Kiijiishe ramungtan wa bomtsi ashi akha saüto, “Arka i Se. Ngi raq apaiq ka kai lungwii tiikang. Ngi ka apaiq ma pinthum khoqriiq tiikang.”

Mark 12:6

Riita atiisup niishe sanha, apaiq tsan ran chang aseshaq kli she tiichongto. Krai mren, atiisup niishe, apaiq raq ase kriishe wakshiipti nok phana tiikito. Apaiq raq atsan mong na akhiishe tiima wanto, ‘Ngi raq tiima kla, tsangshiq raq i se shaq she tiiki tiikang arka, mishreng she ahiq,’ nguta tiimato.

Luke 20:13

Kra riikiitiishe, spiqtsi ro wakchongti we riika, ‘Riita, ümchaü sanha, ngi raq jamlai she wa mirha? Ikhla, ngi raq I se shaq arli she tiikai chang miraq. Tsangshiq raq I se shaq arshe kla, mishreng she ahiq!’ nguta atsan mong na tiimato.

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 1:34

Riita, kra ngi ma chongkuqtaq krai mren, ngi raq chhi kang she. Ngi chongpha, Shiikeawe Se ka apaiq dea,” nguta Johan raq mungmaiqse ma tru chong kuqto.

John 3:16

Ara jamkhano chongtiikang ngukla, Shiikeawe raq mangjong maiqse ka pinthum lungwiitlo. Raüta, Ase Sekhuq laqlaqse kra kuqto. Krai mren, jurwa Ase ma kamtlaq, kriiti ka tsai mak she miraq. Kiimaq pattup pat-sa rilung milap.