Matthew 21:32 - ASII LAKDAP Bible (BSI)

³² Ara jamkhano chong tiikang ngukla, Khamlamketi we Johan ka saüho raüta, namshiq ma kechu lam phan kra tiichhikuq wanto. Shatmaq namshiq raq apaiq bomchong ma kam man riilan. Shatmaq phunta hitibi nai mephe nyungtiim riika, apaiq bomchong ma kamto. Namshiq riika ara chhi shat shat taü miimin, namtsii ka klai man dea. Kiimaq Johan bom chong ma kam man dea riilan.

Hawa Naga Bible 2001

³² Yvmx khoc lac ngoz ruiux lec Yuix Luip Yohan kuex nuimshiq kox nuex kaz vtueq tsuingrux lvmx tvkhic kuq ruiux muinz, nuimshiq kuex piq muex kvmluimx muit; yuq muinz muinghic jix nuiyc mephex nyuiuz tamx kuex piq muex kvmluimx wuez yaq. Vruex lvmx htenc kuex khiz ruiux muinz nuimshiq kuex thuinz kvlayc vtueq kvmluimx wvnc ngoz tueq vguez.

Muklom

³² Chammatakoi John jung thalamtey wa khakla lam takhi eq nim relnáng kata pha, etho nim aa uraaq tha kam min ang tin. Etharin phunta qheytey tang etho sathuk miqnu tang aa uraaq tha kam ta, etho nim aa ira khi jio tho, tin kaley eq kam min ang tin.”

Matthew 21:32 Referencias Cruzadas

ISAIA 35:8

Kiijaq munglam jong kaü jonghea she mitan wan, kra mang ka, “Asii Lamjong” nguta mingu. Ngarai maiqse ka kra lam maq ümtiikiimin khum mak miraq; kra lam phan phan khumti ka maiqjiqti thun raq tiishonlot mak she miraq.

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

Matthew 11:18

Johan ka saüho raüta, amang maq achu jaü wan raütli siwanto. Kiimaq che-atsam min nyang mak riito. Kra chhi raüta maiqse wiitarü raq, ‘Apaiq arka aru angi tha raq rom wanto,’ nguta slailii ngu wanto!

Matthew 21:25

Riita Johan ma khamlamke wan miitu arang ka juro kuqta? Shiikeawe raq sha maiqse raq akuq wa?” Kiijiishe tsangshiq liipan na akhiishe riikhiito, “Nashiq raq jamkho mitre rong i? ‘Shiikeawe raq akuq’ nguta ngu hai jiika, apaiq raq, ‘Riita namshiq raq Johan bomchong ma jamto kam man?’ nguta mingu.

Matthew 21:31

Riita ara siphu wenai arwa ümriiti riiwa awe bom chong ka taita?” Kiijiishe, “Aphu we raq,” nguta tsangshiq raq apaiq bom ka treto. Kiijiishe Jesuq raq tsangshiq ma chongto, “Ngi chongpha: phunta hitibi nai mephe nyungtiim thun kra khoti, namshiq ma sinkhu na Shiikeawe mungtan na wawantlo.

Matthew 5:46

Namshiq raq namshiq lungwiiti thun kli lungwii wan han jiika, Shiikeawe raq namshiq ma poksi ka jamlai tham miishe wa mikuq? Maiqmii nok siphaqti Roman hokham ma phunta hiketi thun kra riimin la, kiikhiisii li dea klotlaq!

2 Timothy 2:25

Apaiq riika, apaiq ngengsengti ma tsii chongkuq tlaq akhing niimin, tsan nin woknin maq chongke lili chang. Jamkhano ngukla, jursap, apaiq raq akha bomnin se maq trap ru chongkuq tlaq kra lümaq, lamjiq na kaihotibi ka, Shiikeawe raq tsangshiq tsantsii ka klai wan miitu, akhing ahea moke wan miraq. Raüta, tsangshiq raq tengman tlaq bomtsi ka mosap wan miraq.

Hebrews 3:12

Lungwii Phungmaiqse phunainotiim lei, namshiq phong wa jurmin tiima tsantsii ka abi naq thü rongkiq. Tsantsii abi thüti nai angiim boqshat maq siti ka, atra Shiikeawe wokhong wa adong mirho. Shiikeawe wokhong wa dongho man chang miitu, honkam shat maq si rong laq.

2 Peter 2:21

Tsangshiq arka, Shiikeawe raq atiichhikuq Tsütsa Ahea rilung lamphan kra apha miiphü phan wan mak dongdii ngu raü khoti phanshi sainaisam riichang wa. Shatmaq, ümchaü sanha, tsangshiq raq Tsütsa Ahea kiima kamwan raüta, man niiwa rilung lam chü kiina jangho nong tlaq krai mren, tsangshiq rilung ka man na apha na jamkho lea wantaq kra nam miimin tiinanpot, aliikai chang ahü she.

Revelation 2:21

Ngi raq apaiq ngarai ka tiidii wan miitu akhing kuq kang she. Shatmaq, apaiq ka apaiq sethoq ngarai lamphan wa jang wan ro mak.