Matthew 21:21 - ASII LAKDAP Bible (BSI)

²¹ Kiijiishe Jesuq raq treto, “Ngi raq chong tiikang arka tengteng. Namshiq raq rang ra man maq kamhan jiila, ngi raq phupmup chong ara jamkho tiitsai baiq kang, akhiisii hali namshiq riimin milot han. Ara lamlam li ka riimak. Namshiq riika arthaq niimin, ara hiqlam kaü arma, ‘Tiikoq wan laq. Laüta, sammoktra jü mong na tiingok wan laq’ nguta thaü han jiila, hiqlam kaü ka mikü wan.

Hawa Naga Bible 2001

²¹ Yesu rueq, “Ngaz rueq nuimshiq muex vsuing jungx kuq ix, nuimshiq kvmluimx thuinz tvyaq muit maq kvmluimx thuinz httax ruiux kuex vruex phuiuq muiuq jungx kuex ngaz rueq ruez tauk vkhoc nuimshiq rueq ruez lot shuinx. Kvdvyx muinz rvmuq, vruex ghaq luimx kuex, ‘Kvbaungc wvnc vtueq svmuktvrax jumx nuex kvhttot wvnc kuiuz,’ ngoz tueq nuimshiq rueq ngoz ruiux yuq kvruex yaungx wvnc tuex.

Muklom

²¹ Jesu aa ning ma thawel batta, “Nga nim ma asing batphang, nim aa uhan eq nin etho naan min ang inn jo, nga bara phokbaang bang jamoq somlo táng irimal jaksom nim aa jin somlo eq nin. Iri chen ang moq, iri ajong kan rima thalat eq jungshi náng ka u ta nang aa bat ujo ukat angna.

Matthew 21:21 Referencias Cruzadas

Matthew 14:29

Kiijiishe, Jesuq raq, “Kira,” nguta thaüto. Krai mren, Petar ka lai mong wa kham thaq na satkisaq raüta, Jesuq pha nü na kham thaq maq khum wanto.

Matthew 17:20

Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

Matthew 21:20

Ajaqshisetiim raq kra chhi raüta atiiraili she riito. Kiimaq, “Ara phupmup chong arka tsaisaq li jaro tsaiki tiinya?” nguta waito.

Matthew 8:12

Shatmaq maiq pahea Ramungtan na ngawa chang wiika, ranyaq nyang mong na mitiidea baiq wan. Kiijaq tsangshiq ka aho asii, arong awi tiichit wa trang liishe micham chao wan.”

1 Corinthians 13:2

Ngi ka kamasham na ama maq siti, maiqse tsantsii ka tiinin lili chang, traho bom chongke min milot ha sham. Kiimaq phanrap apaü arthü bomtsi thun kriimin misap ha sham. Kiimaq i kamtsantsii jong ka, ku akin kriimin tiime lili chang khan min misi sham. Shatmaq i tsan mong na lungwiitsii ahü jiika, ngi ka thiihü miraq.

James 1:6

Shatmiitiina, ümniiraq achu jaü tlaü akhing na, Shiikeawe riika ümniima mikuq dongdii nguta, kam laüta jaü laq. Ümtsan anai ka naq thü kiq. Jurwa tsan nai maq achu jaü tlaq, kriiti ka sammoktra jü na, rahai wan kiijaq khamtso blun phom tlaq ikha. Apaiq ka rahai walam phanphan, khamtso blun phom wan tlaq ikhli miraq. Apaiq kamtsantsii ka rahai niili mipansiq.