Matthew 20:34 - ASII LAKDAP Bible (BSI)

³⁴ Jesuq ka tsangnai ma mangchan tsito. Kiimaq tsangnai mak na jaq maq shamto. Krai mren tsangnai mak ka tiidoqra she heakito. Kiimaq tsangnai riimin Jesuq jai she phan wan damto.

Hawa Naga Bible 2001

³⁴ Yesu rueq tsuingnueyc muex menjenc vtueq tsuingnueyc muik kuex yauk maq tuingc kuq koq tueq, kvkaq dvyx tsuingnueyc muik kuex kvkhic wvnc vtueq vpiq yix nuex phvnx wvnc naungx tueq.

Muklom

³⁴ Jesu aa tinshit eq ning ni miik tha lota. Kalo hun ning ni aa jin khita, etho uji phanta.

Matthew 20:34 Referencias Cruzadas

Tvtsvmc 119:67

Kongkhu niika ümniiraq ngi mitsat sonhaü shaq na, ngi ka lamjiq na kiholili riikang, shatmaq ümchaü sanha ümbomtsi wokhong na sitiikang.

Tvtsvmc 119:71

Ngi raq mohokang ka ngi ma ahea miitu, jamkhano ngukla kra raq itsii tiichhi kha maq ngi raq ümnaq aming thun shrin wan kang.

Tvtsvmc 145:8

Tatiwe ka tamham hea, kiimaq tiihanghea, mokhiq khiqmak phan kiimaq tiipitmakphan lungwiiti.

Matthew 14:14

Jesuq ka lai maq satki raüta, mungmaiqse phong pahea riiphong rai tlaq kra chhito. Kiimaq apaiq raq tsangshiq kra chhi raüta, atsan mong na tsangshiq miitu pinthum mangchan tsito. Kiimaq apaiq raq tsangshiq phong wa maiq atsi asiti thun sitlaq kra tiihea kuq wanto.

Matthew 15:32

Kiimaq Jesuq raq ajaqshisetiim ka atho na hea raüta chongto, “Ara mungmaiqse kong arma ngi mangchan tsi. Tsangshiq ka ngi rai ümchaü ranaiqtsam she thungtii tlo. Kiimaq ümchaü tsangshiq jaq na aphaq asea chang jam min ahü she. Ngi raq tsangshiq ka akha amang miili ka tiiwa lot mang. Tsangshiq ka jam na walam maq ramtsi raq apit mirwan.”

Matthew 20:33

Kiijiishe tsangnai raq, “Shiilangwe le, nainai mak ara tiipiiq kuqlaq!” nguta treto.

Matthew 21:1

Jesuq nai ajaqshisetiim ka Jerusalem na kihoto. Tsangshiq ka Jerusalem na saüho nam nam she riito. Tsangshiq ka Bethphej hiqshong niishe saühoto. Kra hiqshong ka Olip Pero Hiqlam na atei wan. Kiimaq Jesuq raq ajaqshise nai wenai ma bom ka

Matthew 8:15

Jesuq raq ajaq maq adü na shamto; kiimaq atsidong ka heakisaq li she heakito. Krai mren apaiq ka Jesuq ma phaq asea tiihong thake she, apaiq shiililiike she honghoto.

Matthew 9:29

Kiijiishe, Jesuq raq tsangnai mak na ajaq maq sham raüta, “Namnai raq jamkho kamwantlan kra phan phan mihiaki laq!” nguta nguto.

Matthew 9:36

Apaiq raq mungnyung mungse riiphong rong rai wantlaq kra thun ka chhi wan raüta, tsangshiq miitu atsan mong na kai tsi wanto. Tsangshiq ka achapa riili tsai wan raüta siwan tlaq kra chhi raüta kiimaq tsangshiq ka tsangshiq rümkom wanti ahü, skuse kong mangrang mra mangmii rai wan tlaq ikha, chamchao rai wan kra chhi wan raüta, apaiq tsan ka kai tsi wanto.

Mark 7:33

Kiijiishe, Jesuq raq apaiq ka nokmaiqse phong wa, pongba na apaiq honhonse sheahoto. Raüta, ajaqshi maq, anibok na shamto. Kiimaq atho maq atili na nyat kuqto.

Luke 18:43

Krai mren, apaiq mak ka heakisaq li heakito. Kiimaq apaiq raq Shiikeawe ma kai kechutum tiitsam kam lam miishe, Jesuq jai ka phan wan damto. Mungmaiqse raq kra atsi heakai kra chhi raüta, tsangshiq tarü raq Shiikeawe ka tiitsamkamto.

Luke 22:51

Kiijiishe, Jesuq raq, “Hongjiiq she, atin li she!” nguta tiiwinto. Apaiq raq maiqwe nilok ka ajaq maq shamto. Raüta, ani mi ka tiihea kuqto.

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

Hebrews 2:17

Riita, ara chongtlaq arai mren, apaiq ka mangjong maiqse ikha, tiijai han-ngam na shamshi ngamshi pokai chang dongdii she raa kito. Apaiq maiqse han-ngam na akha pokitaq arka, apaiq ka tsangshiq miitu, tsapsaü kapse mangchan tsantsii jonghea maq, tsangshiq thaq na Ramwe Ajong Pinthum we ma jawan miitu pokito. Raüta apaiq ramwe jaqsham lümaq, Shiikeawe tsankhiq ka tiishi wanto. Krai mren, Shiikeawe raq tsangshiq ngarai kra diikuqto.

1 Peter 3:8

Riita ümchaü jamlai wa chong kang, kra bomtsi ka ashat she riipha. Namshiq wiitarü ka tiima tsantsii ashi kiimaq chap ashi, nga ashi maq sirong laq. Namshiq liipan na siphu sino ikha riilung riiwii sirong laq. Riimang riichan kiimaq sobsob bombom maq sironglaq.