Matthew 20:28 - ASII LAKDAP Bible (BSI)

²⁸ Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Hawa Naga Bible 2001

²⁸ Miq Saz vruex muinz miq nvrc svy kay vkaz rvmuq, miq muex kvnvrc kay vkaz nuiyc vpiq rullungx kuex pumz httungx htawz vrawz tvyaungc muex ngoz tueq httuiuc kaz tueq,” ngoz tueq.

Muklom

²⁸ Nim Miqna Sa mal ang ching. Piq aa adak miq wang nong kap ma kapha moq ang ta, etharin piq aa unong eq ma kata pha, etho daqhan miqtang sha thalun rangma, urollung sha kot ma katapha.”

Matthew 20:28 Referencias Cruzadas

YOBA 33:24

Tiihang mangchan maq rase raq mingu, “Apaiq ka tiidong baiqlaq! Apaiq ka wulum mung na kimak chang she. Akhum tochang kampho ka ara. Apaiq ka wase she.”

Tvtsvmc 49:7

Maiqse raq arilung ka dokda wan lot mak; apaiq raq Shiikeawe ma amiisaq thii ka kuqlot mak,

ISAIA 53:5

Shatmaq nashiq ngarai kha na apaiq raq mopung hoto, nashiq raq abi klo kha na apaiq ka bunlak tsatto. Nashiq thatsi ka apaiq raq moho wantaq kriimaq tiiheato, apaiq raq maiqmo howantaq kriimaq nashiq ka phintsaq tsaqhea tiijato.

ISAIA 53:8

Apaiq ka laphoto raüta rung maq tiishut baiqto, raüta atseabaiq kai chiiphaina sheahoto, kiimaq apaiq mra ka jurmin broriimak riito. Apaiq ka nashiqnok ngarai kha na tsatbaiqto.

Matthew 20:27

Kiimaq namshiq liipan wa, juwa asheati ma jawan ro tlan, kriiti ka namshiq dise ma ja wan ra tlo.

Matthew 26:28

“Arka i tiijai, Shiikeawe Tongshong kra nei chang. Maiqse pahea ngarai thun diike miitu araübaiq.

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Mark 10:45

Ara jamkhano chongtiikang ngukla, ara mangjong hiq na Maiq Se saüki taq arka, mangjong maiqse raq apaiq ka mishli lii laq nguta aki riimak. Shatmaq, apaiq ka maiqse shiililii kai, kiimaq apaiq miisaq kra kuq raüta, mangjong maiqse kra dokda kai nguta kito.”

Mark 14:24

Jesuq raq, “Arka i tiijai. Maiq pahea miitu araü kuq. Shiikeawe raq tongshong wantlaq kra ram wan chang, ramkham.

Luke 22:27

Riita, juwa ajong? Chamrii na nga tlaqti we kriisha ajong, sha apaiq ma lairap tiiphaq sia wanti we kriiwa ajong? Riikhaqli, chamrii na ngatlaqti we kriidea ajong. Shatmaq, ngi ka namshiq shiililii wanti jaqshise ma ja lata sitiikang.

Romans 4:25

Nashiq ngarai ningkhan apaiq ka tiitsat baiqto. Kiimaq hali nashiq ka Shiikeawe rai kechu maiqse she nguta, apaiq rai shram wan miitu, apaiq ka amaa wa tiidong wanto.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Ephesians 5:2

Khristo raq namshiq ka kai lungwii tlo. Raüta arilung ka nashiq miitu, honglu na kuq raüta tsaito. Apaiq tsaitaq ka, Shiikeawe ma honglu ngamrea ashu ikha, ahomwiq Shiikeawe tsan tiiheali riito. Krai mren, ümchaü sanha, namrilung ka lungwii tsii ma lam tiishea lantli she si ronglaq.

1 Timothy 2:6

Ara miitu, Khristo Jesuq raq, apaiq miisaq ka honglu na kuq raüta, maiqse angu wiita ngarai kharü mong wa dokdaa wan miitu tsaito. Apaiq raq arilung ka honglu na kuq raüta, akhing riikhaqli na tsaito. Arka Shiikeawe raq mangjong maiqse kunli ka tiichhii wan ro tlo dea, nguta hakhi.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 2:10

Riita, arka riikhaqli dea. Shiikeawe ka nashiq Tiiqtiwe. Kiimaq phanrap rümtiwe. Apaiq raq Jesuq ka, chamchao walü mong maq chen wanto. Raüta apaiq puk na nyap wantibi maiqse pahea ma, tiichhii wan lam tanketi we miishe tiijato. Arka Shiikeawe raq, Jesuq pum lümaq, maiqse angu thun tarü ma, apaiq achhai anyii khushü rilung ngao kra, triishake wan miitu tiikuri kuqto. Ara jamkhano chongtiikai ngukla, Jesuq ka tsangshiq tiichhiiketi we miishe tiijato.

Hebrews 5:8

Apaiq ka Shiikeawe Se, li jiimin, chamchao walü mong maq lea wan raüta Shiikeawe aming thun ka phaqchii nichii maq taito.

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.

1 John 2:2

Khristo apaiq tiijai maq nashiq ngarai khum na nei raüta, nashiq thaq na Shiikeawe tsankhiq sitlaq kra tiishi kuqto she. Arka nashiq ngarai lamlam tiisii miituli ka riimak. Jesuq tiijai ka maiqse angu wiitarü ngarai tiisiike miitu sitlo.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,